عودة فتاة بعد غرقها في النيل الأزرق بعد عام

Quote: ود البصير كيف حالك منو القال ليك مافي أقباط. مرتاحين ومروقين والله يا حبيب في بعضهم مروق لما غلط بس ما بحبو الظهور مرة عربيتي واقفة لا بي لا علي جا واحد من هناك راكب عربية بالشئ الفلاني كشششششش كشا لي عريبيتي طلع سواق مع واحد من اياهم وبرحل ليهو أولادو وهو زاتو قبطي في طولك في عرضك يا زول انت غلطان طنشني. واداني قفاهو وطلع الموبايل. قعد يتكلم مع زولا اخر جا البوليس قال ليهو يا زول انت غلطان ،،و غلطك دا بين ما داير ليهو لمبة برضك أدي العسكري قفاهو وقالو اصبر دقايق جا عمك المنتظر راكب الزلمكة ألما خمج وحتو بسواقو وحرسو اي والله بي حرسو شايل في يد موبايلين وفي التانية لواء اي والله لواء عديل ،،،لواء شرطة لما انخلعتا وانخلع المعاي يا ناس انتو بي جدكم دا حادث. كعييييب ساكت الجاب اللواء دا شنو هنا كمان وحكمة الله كأنو منتظرنوا وبعد شوية جا لاحقم قبطي مشهور جدا له محل لصيانة العربيات بشارع الحرية قريب من الجنوبي عليك أمان الله خليت ألما يشتري يتفرج وعمك اللواء الزلنطحي بقي رقيق بقي في رقيبتو دي وفي طريقة المخارجاهو من الزول الشبكة دا نسيت عربيتي والبقي عليها وقعدتا أقول ليهو اسه انت ما بتخجل مركب ليك خرتمية دبورة وجاي من هناك عشان حادث تافه زي دا ومعقولة ات اسه يجيبوك بي رنة تلفون سغيرونة تجي جاري مافي اي احترام لرتبتك دي واسه وزارة الداخلية عارفة انك زول امرك هين كدا وجاي من هناك عشان تاخد حقي وكلو من ها الشاكلة عليك أمان الله أصريت امشي قسم الاختصاص عكس القسم الكان مودينا ليهو ولما مشينا هناك غلبو يدخل مكتب المتحري بقي يزازي بي برة برة اها باقي ليك لو في واحد عمل كدا بسبب صدمة صغيرة في الصدام في الحاجات التانية ممكن يعمل شنو تعيش كتير تشوف كتير ولَك كل الود والتقدير ،، المسلمي ما تتم الشغلانة دي ياخ سليت روحنا