قصة زواجي من الكمرد( محمد ادريس حامد عليان) الذي وصفته المعارضه المنحطه ب(الامنجي)

Quote: انا ما عندي عدواة في الدنيا كلها ، خليك من المنبر ، مع اي كائن..و البنعاديهو بنجضمو وبنستمر في الحياة.. اها انتا عرفت من وين أنو انا لي اعداء؟..بيت الأشباح دينق هو الذي يتربص بنا من سنة 2002..ولا نسيتو؟.. سألتكم سؤال واضح: ليه بتترصدوا نجوى قدح الدم وبتباركوا لتراجي؟..الإتنين اتعاملن مع النظام..و الإتنين بيقدمن خدمات للنظام..ليه حكاية الخيار والفقوس دي؟..تفسيري انو تراجي رستمية ونجوى لأ..عندكم تبرير اكتبوهو هنا..! الرجل ، مع انو معظم السودانيين الحايمين هنا.. دايرين يعملوا الموضوع موضوع اجتماعي وانساني ، موضوع زواج وتبريكات..لكن الرجل ، وبشهادة تراجي كان مقاتل في فصيل على كاربينو..و ده أشرس فصيل ارتكب انتهاكات تصل للجرائم ضد الإنسانية في حق البسطاء من اهل دارفور..يعني بالعربي البسيط مجرم حرب..ولو تراجي كانت بتتكلم معاهو لمن كان مقاتل في الميدان فهي ذاتها شريكة في الجرائم..يبقى تباركوا ليه؟.. الخطر هنا ، انو الناس بتمرر في سلوك خطير للغاية.. لأنو لو الناس العاملة فيها واقف ضد النظام ومالية الدنيا فقر وجعير عن نظام الإبادة والجرائم ضد الإنسانية..و بتبارك بكل بساطة لمجرم حرب عشان تزوج مناضلة..فهذا بديهي بيعني انو حكاية انتهاكات حقوق الإنسان..المناتلين كانوا قاعدين يتاجروا بيها ..و انو مافي مبدئية..يعني البتعرفوهم ممكن تخارجوهم..و التانية لأ..! يا بيت الأشباح دينق اخوان.. سلوكم هنا بيعني ببساطة انو جعجعة انتهاكات حقوق الإنسان كانت حتة استرزاق.. بدليك انكم بتقبلوا بمجرمي الحرب..وبالطريقة دي بتقبلوا بالبشير..يبقى حارق دمنا ليها بالجعير؟.. قلتوا لي تتشرفون بمعرفتو؟..ليه كان مؤتمر طلاب مستقلين ولاجبهة ديموقراطية ولا شيوعي رايح ليهو الدرب في الموية؟.. التعارف بس يا بيت الأشباح؟..ياخي انا قايل ح تسلموهو لفاطمة بنت سوده..ولا أي كان اسمها..الزولة العقبت اكامبو؟.. بيت الأشباح دينق اخوان هو من اوحي للمله تراجي مصطفى بكتابة هذا التوضيح..! غايتو شوف عيني ، المــُله تراجي في جخانين المنبر مقبقبه واحد وبتقول ليهو سرقتوا منبر فلان المسكين..وبيت الأشباح ذاتو معصور زي ابوروضة أو أي كان اسمو..عشان كده مافي طريقة الإ تقولوا الرووب..! هييع عفيت منك يا المــُله تراجي..عالم كتيرة ركبها ساحت من الخوف.. كبر