|
Re: أجهزة ذكية وandquot;كائن أسطوريandquot; (Re: osama elkhawad)
|
ازيك يا مشاء
حكاية الأجهزة الذكية دى مقدور عليها نوعا ما
تعرف
قبل كم يوم اكتشفت أو إنى فى سبيل اكتشاف انه بعد حين قصير من الدهر كل لغات القوسبنج والونسه حتتغير وتحل محلها لغات جديدة
معاى كم شاب سودانى مهندسين واعمارهم كلهم فى نهاية العشرينات تقريبا او قريب من التلاتينات
فى اوقات البريك بجو يتلمو عندى ويبدو يتونسو
يوم الخميس كان فى اتنين بتكلمو عن حلاقة الرأس وما الى ذلك
وأنا ما فهمت أى جملة مفيدة او شبه مفيدة
بعد شويه انتقل الحوار ليدور حول بنطلون جينز واحد منهم
انا بكون متابع باهتمام شديد لكن بدون ما يشعرو بى
واحد قال للتانى
ياخى امش لأى ترزى خليهو يكببو ليك
الغريبة التاى فهم كلامه طوالى ورد عليه بجملة اصعب من الأولى
فى الحظة ديك ما قدرت اقاوم الفضول وقلت ليهم
يكببو كيف يعنى ؟
عاينو لى باستغراب طبعا وواحد اتكرم على وشرح لى المقصود
قال لى
تكبب البنطلون يعنى لما تشترى بنطلون جديد عادى تمشى للترزى ويضيق ليك البنطلون كله طوليا لغاية ما يبقى ملصق على الرجلين
قلت ليه ايواااا
يعنى يضببو
قاصد ليه تضبب العكاز
هههههههههههه
قال لى يضببو يعنى شنو ؟
فى اللحظة ديك تيقنت ان جيلنا نحن وأكيد كل الأجيال القبله
بقينا خارج نطاق اللغة والونسة
شفت كيف
|
|
|
|
|
|
|
|
|