|
Re: الرحيمة رجع تاني من قبرو (Re: عبدالعزيز عثمان)
|
ياجماعة الله يا الحبان
روقولنا شوية -- انا القصة دي فهمت طرفا من لا جاي
بعدين عزيزنا صاحب البوست دا عارف بقول في شنو
يعني قصة زي دي ما برموها رببببب
الحكاية دايرالا وقييييع
نعمنو في ناس قلوبا رهيفة وبتنخلع
حبة حبة
واصبروا حبة
حبة يا اهل المحبة
| |
|
|
|
|
|
|
Re: الرحيمة رجع تاني من قبرو (Re: خالد عنان عمر)
|
عبدالعزيز غبت عن النت 3 ايام.. جيت لقيتك لسة لوريك وحلان يا زول حليوه لمّن الخريف تب يقيقف نحن ذاتنا مستعجلين على شنو قلت لي الراجل طلع بعد الموت ؟ هو نحن لاقين نطلع ونحن أحياء حرّم الرحيمة ده جنبا يقلب البيعة وللا كدايس بت خوجلي البيختّو ليهم الأكل إحيي نضال المرأة السودانية أنا ذاتي زماااااااان كد لاقاني البعاتي وسألني كم سؤال كده ومشى في سبيل حالو خلاص الموت الكنّا خايفين منّو ، د. ياسر طمّنا إنو ممكن يكون أحسن مما نحن فيهو يللا موتوا موتكم ..
| |
|
|
|
|
|
|
Re: الرحيمة رجع تاني من قبرو (Re: ودقاسم)
|
يا ود قاسم رجاء من محب ياخي روق المنقة عبد العزيز دا لن يكذبكم الحكي ومقدراته تغنية ان يحبك اللامعقول حسي شوفو الراجل دا كتابة بالعربي ما قادر يكتب انت قايل القرين دا زيي وزيييك ديل يا ود قاسم بسمعوا ما لا اذن بشر سمعت وبشوفوا ما لا عين بشر سمعت وبمشوا كمان عييييك ما تبقي من المنكرييين وبجيييك بالقصة دي من حلتنا وستجد من يؤكد لك ما اقول لانو قبل كدا كتبنا هنا دا وجاء من اكد ذلك : : : : : : مع التحيات لله الزاكيات
| |
|
|
|
|
|
|
Re: الرحيمة رجع تاني من قبرو (Re: محمد حمزة الحسين)
|
عمنا عبعزيز سلام من الله يغشاك
أنا القدامك دا قالوا علي إني اتقلبت كديس ومشيت بالليل
بيت الجيران والمراء ضربتني ليك بعود مولع ترك
أثر حريق لا يزال أثره حتى الآن شكلي دا بعد عمر طويل
ح أقوم ليكم بعاتي.
| |
|
|
|
|
|
|
Re: الرحيمة رجع تاني من قبرو (Re: محمد حمزة الحسين)
|
القصة يا ود قاسم والمنكرين حاجة نفيسة في الحلة الواقعة جزء من حلتنا كل ما تقول لي ولدا اديني جنيهين النمشي كدباس او النمشي البكاء ولدا يقول لها ما عندي .... وتدخل وتمرق تلقي الجنيهين والتلاته قداما في طرف (الفضية او تحت المخدة ) وكانت هناك إمراءة بتجيها مع المغارب كل ما تقول ليها ولادي جيعانين عايزا اكل تديها باقي الكسرة والملاح وما لم تضعه في الحسبان ما تقدمة من مأكل ومشرب وما تجدة من مال عند الحوجة ... يوم جاتا المراءة الما تغباها والدنيا قبايل عيد طلبت الاكل وكان لا يوجد منه شئ فطلبت شئ من الخبيز وكان فعلاً نهار ذلك اليوم قد تم تجهيز الخبيز لي ناس حاجة نفيسة فانخلعت نفيسة ودار الحوار التالي :- - أجي يا بت امي انتي منو العارفانا خبزنا كمان (وكانت تعتقد انها من العرب المرتحلة باطراف القرية وهم كثر) = قالت لها انا جارتك وساكنا من زمن في مرقون كم دا وراجلي في السعودية الا مطووول ما رسل لنا - بسم الله الرحمن الرحيم - دخلت جابت الخبيز اصرت المراءة علي ان تزورها بمنزلها وعليها الامان - بسم الله الرحمن الرحيم = قولي بسم الله فد كراع في عتبة المرقون والتانية تلقي نفسها في قصر اقل من قصر امير المؤمنين عمر بن حسن آل البشير بلا كتير حاجة نفيسة جاءت مخلوعة وباكر من الصباح علي كدباس ادتم الخبر واخدت الفاتحة والشيخ قال ليها الفاتحه والنيه معاك ما بتضرك بإذن الله (ما يجيني قصي وجماعتو الله يستر واحتياطي كدا العايز يتأكد انا في الدامر المواصلاة من الدامر للباوقة علي حسابي ) باكر المراءة جات لايمة ومقدمة طلب (واهلنا قالوا اللامك دارك ) = نااان يا نفيسة بتمشي تشكيني للشيخ انا مالي شن سويت لك - انا داير انفعك ومن الليلة كلمي ناس فلان قول لي ليهم محراتكم تلقوهو قصاد شدرة السنط حقت ناس (علي صعيل ) في الموية بعد تصل (التكه) وفعلاً اتلقي المحراث , وقد صادف نفس الفترة في بلح انسرق وما اتعرف راح وين الجماعة جوها يا نفيسة كدي شوفي لينا تمرنا راح وين ؟!!! - كدي ادوني البياض - وبعد البياض - قالت لهم تمركم بين جبيلين بعد ضريح الشيخ هلال مشدود بوصة تلتو نزل البلد عرقي الناس ركبت النوق والفزع بالحمير لحقو باقي التمر جابوهو وزاع الصيت بين المعتقدين والمؤمنين والمنكرين ودا بيت القصيد عمنا الكامل ود حاج علي من المنكرين لمن مشي مع الجماعة للشمار حاجة نفيسة قالت - قولوا للكامل ما يدخل عليّ وانا ما طالبا منو حاجة واسمعو يا ناس الحاضر يكلم الغايب - انا زولتي دي بتشوف من هنا لي ود كنون - وبتسمع من هنا للجول وما لم تقله انها بتقطع المسافات في كم من الزمان - وكان مسكن حاجة نفيسة في منطقة وواسي جنوب الباوقة تبقي المسافات من وواسي لي ود كنون حوالي 8 كيلو متر والمسافة من وواسي للجول حوالي 14 كيلو متر او نحو ذلك فهذا العالم به من الاسرار ما لا يعلمه الا الله يا عبد العزيز ربنا يستر عليك وتم لينا القصة نحنا المصدقييينك ديل خلي المنكرييين لله ما تمطنا ياخي : : : : : مع التحيات لله الزاكيات
* الفضية جات بعد السحارة وحسي جات بدلاً عنها الحافلة * المحرات لمن لا يعرفة اداة تقلدية من الحديد والخشب يتم بها تقليب الارض للزراعة والان عرف الناس الديسك هيرو والجيزل وهكذا * البياض مبلغ بسيط وغير مشروط يدفع نظير منفعة غير مكلفة للمعالجين الشعبيين وامثالهم * البوصة اداة لتنقية البلح وتقطيرة وما شابه ذلك * التكة قطعه من قماش لربط السروال البلدي ويقصد بها هنا مربط السروال
| |
|
|
|
|
|
|
Re: الرحيمة رجع تاني من قبرو (Re: محمد حمزة الحسين)
|
محمد حمزة الحسين الشي الإنت حكيتو ده ، مو طبيعي .. لكنه موجود.. بس الناس المنكرة لا بتصدّق قول الناس ولا بندّي الناس قولة صح .. الله يكفينا شرهم بس داير اقول قولة وعليك الله خليها بيني وبينك والله عبد العزيز ده كان عرف حكاية المرة دي وجارتا وراجل كدباس كان قعد في المنبر ده يحكي فيها تلاتة اربعة سنين بس إنت ما تقوله ودقاسم قال .. الزول ده صاحبي شديد وبنترايد ودايرين نسوي لينا شغل مع بعض بس المشكلة وفاة الرحيمة أخرّت الموضوع ..أها هسة الرحيمة الحمد لله رجع ساغ سليم الحبة ما عليهو قلنا يشتغل لينا حارس ..
| |
|
|
|
|
|
|
Re: الرحيمة رجع تاني من قبرو (Re: ودقاسم)
|
يبدو اني ورطت نفسي في محيط غامض ومخيف.. فامر الرحيمة كله اعجوبة،في لحظة فارقة..ينفتح امامك دهليز الاسرار.. ان مولد الرحيمة هو العجب،،، مولده الاول وليس مبعثه من القبر... تقول قابلة الحي،،انه روح،، اكملت صراخها تحت شجرة.. حملوه الي كامل النمو... وهل يهم،الارض ملئ بالمعجزات..
| |
|
|
|
|
|
|
Re: الرحيمة رجع تاني من قبرو (Re: عبدالعزيز عثمان)
|
غايتو وأنا في المرحلة الثانوية كان عندنا قريبنا عاوز يتزوج بنت ووالدته رفضت كحب إستطلاع مني ساكت قمتا سألتها لية رافضة الزواج يتم وأنا شائف البنت جميلة ومهذبة ردت علي الناس ديل عندهم تيراب البنية بعد مايموتو بيقومو تاني . وانا قلتا الحاجة دي بتمشي فيني ساي . واصل ياحبوب النشوف الرحيمة دا آخرو شنو .
| |
|
|
|
|
|
|
Re: الرحيمة رجع تاني من قبرو (Re: عادل الباهي عبدالرازق)
|
شوف ود قاسم كمان شاكي في كلامي إنت قايل بعاعيت مافي؟؟ ولا قايل أي زول ماشي قدامك في هيئة زول ياهو إنسان؟؟ يا حليلك..إنت كدي لمدة خمستاشر يوم أطفي النور في أوضتك وما تخلي الشمس بالنهار خالص تدخل عليك ولا زول يجيك وكل يوم من بد العشا للفجر نادي يا بنات الشيخ الأغبش..وفي اليوم التلاتاشر بس ركز!
النبي فيك تحكي لينا الحصل بدون أي محاولات دس.. قصدي كان قدرت!
........
| |
|
|
|
|
|
|
Re: الرحيمة رجع تاني من قبرو (Re: Muna Khugali)
|
ياسلااااام... ياجماعة عليكم الله اعفو لي استثناءتحية لقريبي اللذيذ ودالحسين ياخي انا عارفك زولنا تب زول حلال وحلا وحمار ياخي سيبنا من سياسة البلد النصيحا مغيب دي،ونباري عرق المحبة من فم الطيب صالح شخصيا لاذني البلد دي تيراب سماحتا مابموت ترب بنية بعد اندفن بصد بالمحبة نهزم الشر نشتل شدر السلام يخجل اللصوص والغشماء من محمد احمد الصابر العزيز الابي ارح قول قسما علي اول نزله في البلد الا ادق باب بيتكم بس لمني في ناسي..
| |
|
|
|
|
|
|
Re: الرحيمة رجع تاني من قبرو (Re: Muna Khugali)
|
منى تعرفي حبوبتي أم ابوي وحبوبتي أم أمي بنات عم حبوبت أم ابوي ما بتخاف من شياطين الإنس والجن وحبوبتي أم أمي بتخاف حتى من ابو الجعران سألت حبوبتي أم ابوي عن البعاتي ، قالت لي أنا وحبوبتك بيرسلونا للرواعيةنودي ليهم الأكل ونجيب منهم اللبن ، ودائما بنرجع مع العشوية ، راكبين جمل أبوي إدريس يوم واحد ما لاقانا إنس ولا جنس سالتها طيب حبوبتي مالا خوّافة كده .. قالت لي واللخ يا ولدي زمان ما كانت خوّافة ، بس هسة ما بعرفا مالا .. أمي طلعت زي أمها ، خوافة شديد ابوي الله يرحمو اتوفى نهاية العام 99 ، ولي يوم الليلة أمي ما بتدخل الأوضة الجهزوا فيها الجنازة .. نسالها ليه؟ تقول ليك ، بري ، كان جاني أمشي منّو وين .. وفي مرة قلت ليها يا امي عندي فكرة أنشر أبوي وأجيبو أدفنو هنا في البيت ، أصلو البيت بعدين بيبقى فاضي خليني الندفن أبوي فيهو فسالتني : أجي .. وأنا أمشي وين ؟ قلت ليها خليك قاعدة في محلك فردت : اجي آيمة سجم خشمي كان بقعد مع ابوك .. لكن شفتي جنس كدايسكم ديل وللا المرة بتاعة ناس ود الحسين دي ما لاقتني
| |
|
|
|
|
|
|
Re: الرحيمة رجع تاني من قبرو (Re: Dahab Telbo)
|
إنت يا ود قاسم قايل يعني علشان والدتك عاشت مع والدك أغلب عمرها قايل ساهل عليها تفرح بيه لما يرجع من موته؟؟ ماهي عارفة من زمان في ناس بتموت وتقوم.. أسه إنت سيك في اللحظة دي من بنات الشيخ الأغبش.. وريني قريبتنا الجات في الليل بعد دفنوها وبالكفن بتاعها علشان ترضع شافعها.. وقالوليك كان بتجي كل يوم في نفس المواعيد ترضعه وتمشي واهلها عارفنها لكن زول بيسألها ولا حتي يتكلم معاها مافي,, وريني كيف تفسر رجوعها؟؟!
إنت صحي هم بيرجعوا قبرهم كيف تاني؟؟
........
| |
|
|
|
|
|
|
Re: الرحيمة رجع تاني من قبرو (Re: Muna Khugali)
|
لليلة كاملة،ظلت الريح تعوي في الجهات،يشلع البرق الحارق،يزمجر الرعد غاضبا بدوي غير مالوف،ليلة كاملة ،ما مل المطر من الهطول. حين الضحي،وجدوه تحت جزع شجرة السنط اليتيمة،مشمول بحرزها،مملوء عافية ونضار،بزق من بين اوراق شجر،اعشاب،معطونة،تحفه زهور برية،تحوم حوله فراشات،وترف فوقه عصافير الجنة،يهدل فوق الشجرة سرب حمام. كان ينتمي لنقاء السماء اكثر من كثافة الارض،ربضت كلاب الوادي الضالة الشرسه حارسه متحفزة لتزود عنه،لا لتنهشه... كان بينا انه محروس بملك سمح رحيم...
| |
|
|
|
|
|
|
Re: الرحيمة رجع تاني من قبرو (Re: عبدالعزيز عثمان)
|
سمعتها مرارا كاسطورة تحكيها جدتي سوق الحجاز،ظننتها احدي طقوس الحكايا ساعة شرب القهوة المقدس،كنت اخفي نفسي تحت عنقر يب القد الفخيم حيث مرقد جدي في قيلولاته المبجلة،كنت كميت لا اشي بوجودي جزلا بحكيهم الغامض،وتلاويحهم الفاحشه،كان ذلك اول عهدي بحكاية ررجل في الجهات امه شجره،،لم اعرف الا مؤخرا انه كان مبعث الرحيمة الاول...
| |
|
|
|
|
|
|
Re: الرحيمة رجع تاني من قبرو (Re: MOHAMMED ELSHEIKH)
|
قالت جدتي سوق الحجاز.. الليلة ذاتها،التي سبقت طلوعه كزهر البراري كانت استثناء... تجمعت فيها مر الهوايل..كان السماء ارادت التوثيق لامر جلل... ومن اشد البلايا علي اني ضيعت عنزتي الماخض،احسب لفجر مخاضها الايام،،،لقد كانت عنز بر حلوب،غفلت عنها ذلك الصباح الذي سبق ليل العاديات وصبح الخوارق،،،في المساء لم تعد....atechnical problem ften lose what iwrite before posting, so am wr
| |
|
|
|
|
|
|
Re: الرحيمة رجع تاني من قبرو (Re: Muna Khugali)
|
10:18 م Feb 3,2015 سودانيز أون لاين ودقاسم
بت خوجلي إنتي مصدقة إنهم بيرجعوا قبرهم تاني ؟ في زول يمرق من القبر يرجع تاني ؟ في زول بيرجع القبر بعد البعث ؟ ديل يا ستي بيشوفوا ليهم بلد تاني يمشوا يعيشوا فيها معززين مكرمين ولا في زول عارف عنهم حاجة يعرسوا من جديد ويلدوا ويربوا ويموتوا تاني ويدفنهوهم ويقعدوا شوية في القبر ويرجعوا تاني يعيشوا وهكذا دواليك.. حلوة دوااليك دي .. موش
| |
|
|
|
|
|
|
Re: الرحيمة رجع تاني من قبرو (Re: ودقاسم)
|
05:03 م Feb 5,2015 سودانيز أون لاين عبدالعزيز عثمان - usa مكتبتي في سودانيزاونلاين
Quote: 10 thank u sati, may be alriheema might justify the return موضوع شيق يعيدني الى قصه ابيض لها شعر قريب لى حيث كان يعمل فى احدى مناطق غربنا الحبيب ومات احد العمال وبعد فتره شاهد قريبي هذا المرحوم وهو يتجه خارج الحى فتبعه الى مكان المقبرة ثم التفت المرحوم وقال له يا فلان السترة والفضيحه متباريات وانت خلاص عرفتا العايز تعرفو امش فى حالك وخليني فى حالى!!!! فى انتظار تكمله البوست |
| |
|
|
|
|
|
|
Re: الرحيمة رجع تاني من قبرو (Re: عبدالعزيز عثمان)
|
16:30 م Feb 5,2015 سودانيز أون لاين عبدالعزيز عثمان - usa مكتبتي في سودانيزاونلاين
قالت جدتي سوق الحجاز... خرجت برفقة جدتك نخل المدينة وشمس الصباح لم تستطع بعد هزيمة ماتبقي من سحب الليل الممطرة الدهوم،كنا حفايا نخوض في الطين والوحل يسوقنا عشم ان تكون العنزة قد اوت مع قطيع للاعراب قدام الحلة،اصررت ان اغشي اولا مزارات شيوخي،وقبور اسلافي الصالحين اقدم نذري،عهدا علي لو وجدت عنزتي لاقيمن مادبة بعتود،واسقي الزوار قاصدي البركات بنا وشايا ذات ضحي...
| |
|
|
|
|
|
|
Re: الرحيمة رجع تاني من قبرو (Re: عبدالعزيز عثمان)
|
16:50 م Feb 5,2015 سودانيز أون لاين عبدالعزيز عثمان - usa مكتبتي في سودانيزاونلاين
كان كائنا حيا مكتمل الحياة والنضار،،يلاعب النسيم بكلتا يديه ورجليه،يرد نغم الطيور الطروب بضحك ومسرة،ملتصقا بظهره بجزع الشجرة الدافئ الحنون،باوراقها المتساقطة حمته الريح والمطر،سقته قطرات من عسل نحل ملوكي،،استنفرت كلاب البراري لتحميه العقارب والثعابين... يا كريم،،،صبي نضر،بديلا عن عنز ماخض،قالت جدتي ايقنت ان البركة حلت بي...
| |
|
|
|
|
|
|
Re: الرحيمة رجع تاني من قبرو (Re: عبدالعزيز عثمان)
|
00:43 م Feb 6,2015 سودانيز أون لاين عبدالعزيز عثمان - usa مكتبتي في سودانيزاونلاين
ثم لكان الارض انشقت عنها،تركناها منذ قبل ليلة الاهوال،اخذها اهل بنت في اول ابكارها اصابها عسر ولاده في قرية شرق النهر،،قابلة حلتنا الحاذقة معدومة المثيل... ثم زمجرت بصوت كالرعد،،ازاحتنا بشراسة عن الصبي،كانا ضواري ولسن رفيقات اسمارها،حافظات اسرارها التي لاتنضب..انكفات علي الصبي بوجد ولهفة والتياع،اخذته في حضنها ،امطرت جسده قبلا ودموع،،وبكت وسط فرح،شوق،وامتنان. قلنا اذن هو ابنك قالت ابني من رحم هذه الشجرة ثم من حينها اضحت سدرة اللمحرومين مقصدا ومزارا
| |
|
|
|
|
|
|
Re: الرحيمة رجع تاني من قبرو (Re: عبدالعزيز عثمان)
|
01:23 م Feb 6,2015 سودانيز أون لاين معاوية المدير - بكندا محافظة البرتا مكتبتي في سودانيزاونلاين
Quote: ثم زمجرت بصوت كالرعد،،ازاحتنا بشراسة عن الصبي،كانا ضواري ولسن رفيقات اسمارها،حافظات اسرارها التي لاتنضب..انكفات علي الصبي بوجد ولهفة والتياع،اخذته في حضنها ،امطرت جسده قبلا ودموع،،وبكت وسط فرح،شوق،وامتنان. قلنا اذن هو ابنك قالت ابني من رحم هذه الشجرة ثم من حينها اضحت سدرة اللمحرومين مقصدا ومزارا |
جميل، جميل جداً يا قريبي. هذا هو بيت القصيد ومربط الفرس، لك مني نواضر التحايا. ان يأتوا للدنيا من جزع شجرة أو برميل قمامة فهذا ليس خيارهم وليس لنا الحق في ان نحاسبهم لأنهم لم يولدوا علي الأسرّة الدافئة. تُرى متي تنبُت سِدرة الحُريّة حتي يتفيأ الكل ظلالها، ويتنسم الكل عبير عدلها ؟. متي يأتي من يوقف هذا العبث ويعطي كل ذي حق حقه ؟.
Quote:
أطـفـال الـمـايـقـومـا...
انا من متاهات العدم ساقتنى ازمات الضمير وسكنتَ في جوف الرِحِم مستنى في الظلمة المصير عآلم غريب!!! في جوفو بسمع كُلَّ همسات السكون ممزوجة بوخذ العيون صخب الجنون طعم المجون... ناس دآيره تطرحني وأموّت والعآر يفوت، والخلق في إيد الكريم لو قالوا كُن... لآبُد يكون... وجع أُمي كان ساعة الوضوع وخذ الضمير... وِلدونى في عِزّ الهجير فوق التُرآب ما فوق سرير... وصرخته في وجه الزمان: رجعني لدُنيا الأمان.. لكن مُحآل... لافرحة طافت بالمكان لا ضُل عشان بيهو استجير، وبسمّتَ في كُلّ الوجوه بسمة غرير.. لا شالني اب طاف بي يباركولو الرجال! لا عم لاخال!! وحُضن أُمي كان عين المُحآل، وانا روعة آية من الجمال فرحان أضاحك في الملآك ما حاسي بخطر الهلآك... والوضع كان بالجد خطير... ساقتني خطوات القدر إجتزتَ مرحلة الخطر... في الدنيا شان احيى واشوف... الدنيا طوّف شآقي العُبآب... مليانة هم... مليانة خوف... مدّ البصر... قدامي ابحُر من سرآب اثآر حُطآم... اثآر خرآب... ظُلمة، وضبآب... شاهدتَ نور شاقي الظلآم همسآت وِئآم، وشتات كلآم... وقفتَ أسترق السمع... برق الأمل... في جوف دواخلي سطع لمَع، لمآن سمعتَ الناس تقول: حق اللبن!!! ياريت كمان... الناس تقاسمنا الحنان. ما تقول علينا اولآد حرآم. كِلمة بتقد طبل الأضان... جُرح السِنآن ببرى ويطيب ما بتبرا جرحات الِسآن... بالعآزة دايماً نستجير لمآن يصيبنا الزمهرير. حق اللبن... اوتآر كمان... صمآم أمآن... عايزين نحِس لاتحرمونا كلّ أُم هي أُمنا، وكلّ أب يا عآزة أبونا وكلّ أخ بالحيل أخونا... يا عآزة، ناديلنا البنات... خيرك كتيّر... لابقولوا فآت... لا بقولوا مآت... عايزين يكون فينا المدير، فينا السفير، فينا الأمير... يا عآزة تقرير المصير سبناهو للطيبين أهلنا، ونحن في غمرة جهلنا. طالبين حنان بالحيل كتير... للمجتمع بنمد إيدينا ما ترموا كوم اللوم علينا إن كان أبينا، وكان رضينا للدنيا نحن قدرنا جينا... يا عآزة ما دايرين نعيش عِيّشة غريب. جيناك بقسمة ونصيب وسهم القدر لا بُد يصيب. أدونا فُرصة نعيش عُزاز نمطر في وِديآنك رزاز... يا عآزة، كلمي لينا أولآدك وبنآتك... وحياة غلآتِك وحياة حلآتِك قولي ليهن: بنمدهن إيدينا ليكم وكبير، كبير ده عشمنا فيكم وصآفي اللبن، ليكم نقدمو فرحة في دارنا الحبيب ولمآن نشوفكم، والله خاطرنا بيطيب يا اهلنا صلوا علي الحبيب وتعالوا في الزمن القريب حق اللبن... ضحكات صغار في إنتظآركم يا ابواتنا دارنا حقيقة دآركم ونحن يا أُماتنا زينا زي صغآركم جبيبوهم أطفالكم هنا نعلب معآهم في محبّة وفي هنا ونغني بفرحة وحبور هودنا يا هودنا... هودنا يا هودنا... . . . ود المدير.. |
يا زول تصبح علي خير...
| |
|
|
|
|
|
|
Re: الرحيمة رجع تاني من قبرو (Re: معاوية المدير)
|
07:35 م Feb 6,2015 سودانيز أون لاين محمد حمزة الحسين - امدرمان- ابوسعد مكتبتي في سودانيزاونلاين
قريبي ود المدير إزييييك مليح
Quote: ياسلااااام... ياجماعة عليكم الله اعفو لي استثناءتحية لقريبي اللذيذ ودالحسين ياخي انا عارفك زولنا تب زول حلال وحلا وحمار ياخي سيبنا من سياسة البلد النصيحا مغيب دي،ونباري عرق المحبة |
يا قريبي المحبة دي عرق ربنا ما بديهو من جم انا وانتا غايتو سلكنا واصل
Quote: محمد حمزة الحسين الشي الإنت حكيتو ده ، مو طبيعي .. لكنه موجود.. بس الناس المنكرة لا بتصدّق قول الناس ولا بندّي الناس قولة صح .. الله يكفينا شرهم |
يا ود قاسم عليّا الايمان الحياة الدنيا فيها جنس محن نحنا عايشين فيها ميتت قلب ساااي ربي اختم علينا بالايمان والعمل الصالح
Quote: النبي فيك تحكي لينا الحصل بدون أي محاولات دس.. قصدي كان قدرت! |
قصدك يا بت خوجلي كان قدر يجي يكتب بي جاااي تاني
Quote: ود همزة ود الحسين في ضمتك تحكي لينا شي عن "نطي شمهروش" |
قريبي ود الشيخ ازييييك يا حبوب والله كتبتها مرة في بوست بتاع شواطين لي ود الباوقة ان ليقتو بجيبا ليك بي جااااي وان ما لقيتوو اليومين ديل زراعة البرسيم يا خوي بحاول اعيد كتابتها مرة تانية وبلزقا في بوست صاحبي دا اصلو البينا عامرهـ : : : : : مع التحيات لله الزاكيات
| |
|
|
|
|
|
|
Re: الرحيمة رجع تاني من قبرو (Re: محمد حمزة الحسين)
|
09:35 م Feb 6,2015 سودانيز أون لاين عبدالعزيز عثمان - usa مكتبتي في سودانيزاونلاين
ثم فكت ثوبها،،طرحته ارضا واراحت ضناها عليه،فتحت شنطة التوليد،اخرجت قماشا ابيض،عالجته بملح وتراكيب اخر،وتماما مثلما تفعل مع مولود انزلته بيداها المباركتين الحاذقتين في التو،تولت امر الصبي،بوجد لا يوصف،حنان متدفق،بصيرة ودربة صقلتها السنين. الصبي اصلا جاء مبرا من كل عيب،قمر مكتمل البهاء... وكمارد عظيم،وقفت عليطولها،استطالت حتي فاقت علو الشجرة،وهتفت بقوة كانها تخطب في جمع عظيم،لسنا نحن رفيقات دربها،،استولي علينا فزع غامر،لابد ان صاحبتنا تلبسها جن ،او لعلنا نحن المسحورين .ثم خيل الينا ان كل المشهد ماهو الا حلم عجيب،حتي هتفت،،،،،،،،قالت حلال النهر السبع،انها ارعبت بذاك الصوت الغاضب الهدار،جاء في ضحي اعقب ليلة الاهوال والناس لازالو محتمين بالبيوت من عنت الليل ، ,, مباركة عندي الثمار من اي الاشجار طرحت، مقدسة هي الارحام باي نضفت اخصبت،انا نصيرة الاهة وكبد الحمل ووجع الطلق ومشقة الانجاب،انا ام المؤودات محملات بعار السنين ،انا موساكم ايها السحرة الجبناء،تفوزون باللذة،تتركون للصبيات العار.. والله لو لا الثمر المبارك،لعريتكم فردا فردا. كل الثمار طيبة،انتم هم الكاذبون.....
| |
|
|
|
|
|
|
Re: الرحيمة رجع تاني من قبرو (Re: Dahab Telbo)
|
ليس الرحيمة وحده من اخلد بعد مبعثه الاخير للسكون انا نفسي احتاج لروح جديدة تنفخ في لالم حيواته معا اطرق باب بيته وات منه بخبر بين ويقين فاعذروني سادتي لكني بلا شك ساقص عليكم كل شئ.. هناك بوست جميل ل د ياسر نتابعه معا..
| |
|
|
|
|
|
|
Re: الرحيمة رجع تاني من قبرو (Re: عبدالعزيز عثمان)
|
Quote: بت خوجلي إنتي مصدقة إنهم بيرجعوا قبرهم تاني ؟ في زول يمرق من القبر يرجع تاني ؟ في زول بيرجع القبر بعد البعث ؟ ديل يا ستي بيشوفوا ليهم بلد تاني يمشوا يعيشوا فيها معززين مكرمين ولا في زول عارف عنهم حاجة يعرسوا من جديد ويلدوا ويربوا ويموتوا تاني ويدفنهوهم ويقعدوا شوية في القبر ويرجعوا تاني يعيشوا وهكذا دواليك.. حلوة دوااليك دي .. موش |
لكن يا العزيز عبد العزيز يا الحبيب
علي قول اخونا ود قاسم
في زول يموت في السودان دا وتااااااني يجي راجع
دحين مييي حااااااارة
يعني
.........
| |
|
|
|
|
|
| |