كيف يستمد .. انور كينج .. قدرته علي المباطنة وقلب البحر الي طحين؟؟؟؟؟!

Quote: عزيزي أشرف... طبعاً لو داير تعرف مدى إهتمام المتابعين بقصص مغامراتك دي... فأنصحك بفتح بوست بعنوان مغامرات أشرف مصطفى...وشوف عدد الزوار وكده! أعتقد أنو مغسة ناس كتّار مني...هي السبب في شمارهم العالي لمعرفة حاجة سلبية عني... ولو سألوني والله بريحو روحهم...لأنو كلي سلبيات...والحمد لله على كل حال... لو داير بدل إعلان...ما عندي مانع...بس أول أعمل البوست القلتا ليك عليهو ده...وبعدين نتحاسب...عشان نشوف البيكون داير من رفيقو منو؟ يا اشرف مشروع بناء المدرسة دي جد حاجة جميلة وملهمة...كونك داير تبني للأجيال التي حُرمت والأجيال الجديدة... والمدرسة لها خصوصية شديدة عند السودانيين حسب تاريخنا...الذي فيه الخلوة "المدرسة السودانية التقليدية" أقدم من الكسرة البياكلوها الناس في السودان... عشان كده ما عندي أي مانع أطلع مداعي للناس من أجل مشروع المدرسة دي... أحرّم أمشي السودان؟!!!!!؟ عشان منو وعشان شنو يا اشرف يا أخوي أحرّم أمشي بلدي ومسقط رأسي ومصيري ومآلي؟ هو أنا بلا السودان ده، في شئ مخليني أباري القراية أم دق؟ السودان يحتاج للعلم يا اشرف...وحا أساهم في تحقيق هذا الهدف يا أشرف...متعلم سوداني من الطراز البرنجي... إن شاء الله... ولو قصدك "ممكن أكون خايف من كلاب الأمن" أو الخ...فدي صدقني ما بتلقاها عندنا بتاتاً...ذلك أنو قناعتنا...لو في زول خلقنا غير ربنا ...اليجي يهبش شعرة من شنبنا! وعندي كبير الجمل...وزول عندو بيضتين زي حالتنا دي... ما بيملاء عيني بتاتاً، إلا أن يكون عالماً في علم ما، نافعاً غيره به...هذه هي الإهلية التي تجعل مني عبارة عن جرو صغير أمام عظمة العلماء... أمّا أصحاب الطواقي والبوري...فديل لو ما أحترمو روحهم...فشخصياً كفيل جداً بتأديبهم كما ينبغي...وما أبيت الدواس من يوم ولدوني يا اشرف! نعيش من أجل السودان...ومستعد تمام الإستعداد، للموت من أجله... كيف معاك الكلام ده؟