|
Re: والد الزميلة وضاحة بالعناية المركزة نسألكم له الدعاء (Re: اسماعيل عبد الله محمد)
|
Quote: الله يسلمك ويسعدك تسلم يا كل الزوق
محمد ما عاوز ليك عجل ولا بقرة اصدقاء بابا والاهل امطرونا بالهداية البقرية فاصبحت مزرعتنا فى سوبا مكتظة هههههه
|
طبعا يادكتورة.............. طلعي لي عجل كدى للملاريا الجاية بتاعت العيد الكبير
اهو بتاعت اجازتنا الفاتت طلعن منها كيت وكانت خفيفة شوية وخفف منها وجودنا وسط الأهل والأحباب
ربنا يديكم العافية يارب
| |
|
|
|
|
|
|
Re: والد الزميلة وضاحة بالعناية المركزة نسألكم له الدعاء (Re: MOHAMMED ELSHEIKH)
|
Quote: طبعا يادكتورة.............. طلعي لي عجل كدى للملاريا الجاية بتاعت العيد الكبير
اهو بتاعت اجازتنا الفاتت طلعن منها كيت وكانت خفيفة شوية وخفف منها وجودنا وسط الأهل والأحباب
ربنا يديكم العافية يارب |
والله يا محمد اكتر شي بخاف منو في السودان الملاريا علشان كده لما افكر اسافر باخد حبوب للوقاية قبل السفر بي 4 ايام فا انت لما تفكر تسافر شوف اقرب مركز صحى واخد الوقاية لانوا صراحة بتاعت السودان صعبة شديد ربنا يكون فى عونن البلد ######ااانة ومافى صحة بئية والناس تعبانة وتغذيتها ضعيفة
| |
|
|
|
|
|
|
Re: والد الزميلة وضاحة بالعناية المركزة نسألكم له الدعاء (Re: عماد موسى محمد)
|
Quote: حمداً لله على السلامة أخت وضاحة ما أكبرها فرحة حينما يجد الإنسان والده وهو أسبغ الله عليه ثوب العافية أجر وعافية إن شاء الله |
حبابك يا عمدة الله يسلمك من كل شر
ما تتخيل جدتى فرحانة كيف وبتدعى ليه كيف طبعا هى بتدعى لى اولادها فى كل صلاة لو سمعتها في المصلاية وبتدعى ليهم تعرف عظمة الام وخوفة على اولادها لكن ابوى دا عندوا دعوات خاصة مسمياهو الخير ومرات بتقول ليه العشاء بالبن ههههه اعمامى وعماتى بغيروا مرات يقوموا يقولوا ليها يا حجة الخير دا اخد كل الدعوات تقوم تضحك وتقول ليهم كلكم بحبكم لكن فى جناك عندك حبيب وهى ما شاء الله مراة عظيمة والله يا عمدة هى فى الثمانين من عمرها تصدق بتصلى صلاة نصف اليل كل يوم وصلاة الضحى
مرة انا فى السودان كنا جاين من عرس وحفلة وربة للصباح هههههه طبعا الكلام دا ما بعجبك ربنا يهدينا قامت جاتنى في غرفتى وانا نايمة دقت لى الباب بالعصاية بتاعتها قالت لى يا بت صليتى الصبح الساعة 9 مقسم الارزاق جاء بدرى قسم الرزق وانتى نايمة
قلت ليها بعد شوى بس زعلت شديد رفضت تكلمنى 3 يوم هههههه وعاهدها من الزمن داك تانى ما بفوت الصبح الله يخليها لينا دعواتك يا عمدة
| |
|
|
|
|
|
|
Re: والد الزميلة وضاحة بالعناية المركزة نسألكم له الدعاء (Re: Hani Arabi Mohamed)
|
Quote: Author: Hani Arabi Mohamed اسأل الله العظيم رب العرش الكريم
أن يشفيه ويبلغه الصحة والعافية ويزيل عنه الألم والبؤس والشقاء
وأن يعيده لأسرته وأهله وأحبابه وأصحابه سليماً معافىَ وأن يعيش بصحة وعافية
ونفس الدعاء لكل المرضى من البورداب وذويهم
والدعاء للأصحاء بتمام الصحة
الأخت الكريمة وضاحة ... قلوبنا معك من أجل شفاء والدك |
اووووو هانى العريس الف الف مبروك شكرا ليك كتير ربنا يسعدك ويحفظك
أمين أمين
يسلم قلبك هانى يا ملك
| |
|
|
|
|
|
|
Re: والد الزميلة وضاحة بالعناية المركزة نسألكم له الدعاء (Re: وضاحة)
|
Quote: اذا احب الله عبداً حببه الى خلقه وهكذا هو الوالد يا وضاحة لذا ليس غريباً ان يفرح الجميع بسلامته ويذبحوا الكرامات ويسعوا بها لشفاء سند الضعيف والقوي والصورة بتقول
عجل الهوسكى الضاقن الاسود دواسو خرّاج الذمة فى قرنو المحـنـدد راسو جانا الخبر ربنا شفاهو ود المغلق ساسو فوقو أتلملموا وضبحوا الكرامات ناسو
كيف لا يفعلوا ذلك فرحاً بأن من الله على صاحب المكرمات رباي اليتامى قشاش الدموع بالشفاء
والعمرابي عشّاي ضيوف الهجعة نُص الليل العمرابي مُقنَع ولياتنا الـ بِعدْل الميل العمرابي الما بيعد فرق الكتير وقليل العمرابي فارس قبيلتو الباقي ليها دليل
العمرابي البجيب العيش كتير مجّان العمرابي البقنّع ديمة في النسوان العمرابي البكافي السيَّة بالإحسان العمرابي البشنِّق فيها مو خجلان |
مشكور علوى تعجدز الكلمات فى وصفك يا مك ربنا يسعدك ويخليك لينا
| |
|
|
|
|
|
|
|