استاذ الموصلي البباري الجداد بوديه الكوشة

Quote: الأخوة الكرام السلام عليكم ورحمة الله وبركاته.. رمضان كريم وتصوموا وتفطروا على خير وتقبّل الله صيامكم وقيامكم. الناس بتخاف تقول الحقيقة وتواجه الموسيقى في وجه كثيرين .. السودان أصبح سودانيين .. حقنا اسمه جمهورية السودان. وحق الناس التانيين اسمه جمهورية جنوب السودان. زي كوريا الشمالية وكوريا الجنوبية.. ما لقيت يوم كوري جنوبي يتحدث عما يفعله ناس كوريا الشمالية والعكس صحيح. جمهورية جنوب السودان لها من المشاكل ما يفوق المشاكل في جمهورية السودان.. لماذ يوظِّف دينق الجنوبسوداني قلمه للكتابة عن جمهورية السودان .. وفي نفس الوقت لا يكتب ولا كلمة عن مشاكل جمهورية جنوب السودان؟ ما في سبب إلا أن الرجل بخاف من ناس حكومة جمهورية جنوب السودان.. وإلا لماذا لا يطرح مشاكلهم ويقدم الحلول ويكشف السئ الذي تقوم به حكومة جنوب السودان؟ ناس منظمة سودانية لا علاقة له بها تعزم من تعزم إن شاء الله يكون كرتي .. دينق دخله شنو؟ منسوبي الحكومة والمؤتمر الوطني في المنبر كلهم خوافين بخافوا من دينق وإلا كان مفروض يتصدوا له ويوقفوه في حده ولا يسمحوا له بالحديث عن حزبهم ومنسوبيهم بالصح وبالكضب. تحياتي.