|
|
|
 Re: صور افطار بورداب الدوحة ... (Re: معتصم الطاهر)
|
كان من نتائج هذالا الافطار
تكليف لجنة بأعباء ( بورداب الدوحة) و مقررها د. ص. محمد حيدر المشرف ..
و عضويتها
معاوية الزبير
شبكة
متولى مالك
هارون دياب
أحمد خضر
ليلى صلاح
أمير طمبل
معتصم الطاهر ..
و على اللجنة تكليف عاجل بمواضيع هامة و هي:
* حصر العضوية و متابعتها
* حل الخلافات القائمة ( وفى هذا قدم شكر للعضو هجو الأقرع)
* استقبال البورداب القادمون من أنحاء العالم و ارشادهم حول الاقامة فى الدوحة ( عمل أو زيارة أو بحث عن عمل)
* قضية السيدة المريضة بالسرطان.
* إحياء و دعم أنشطة الأعضاء.
* المساهمة فى تدريب و تشغيل أسر البورداب.
| |
  
|
|
|
|
|
|
|
|
Re: صور افطار بورداب الدوحة ... (Re: محمد حيدر المشرف)
|
Quote: كان, في الواقع, أجمل !!
بمعتصم الطاهر ..
وياسر مبيوع ..
والسني ..
وليلى صلاح ..
وجنابو الطيب ..
وعفراء ..
و ..
الشبلي بالتأكيد .. |
شكرا يا حيدر المشرف علي العصيدة ام ملاحا طاعم ولذيذ
هجوم كاسح كان عليها ولم نتمكن من تصوبرها
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
الطيب جنابو يا شبلي بتاع الامارات ؟؟؟؟؟؟
لو هو .... الزول دا بقى شيخ يسافر بعصاتو وركوته ولايعرف الحدود والطيران
لأني سألت في كل المطارات والبوبات البرية لم يخرج من البلد ههههههههه لكن هاتفه مغلق نظام تمويه زي ما قال القردابي !!!!!!
سجل غياب من أفطار الأمارات ليظهر في أفطار قطر
والعجب العجيب لو حصل بتاع جده
ثانياً الوجيه أيمن الطيب هل كان حضور ؟؟
تحياتي اهل قطر وفطور مبارك عليكم وإن شاء بالعافية
تحياتي ومودتي اخي شبلي
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
البرنامج نفذ كما أعد له تماما ( بالاضافات المفاجئةالمعدة سلفا) ..
ايى من الذكر الحكيم ( عبد الوهاب بوب)
كلمة بورداب الدوحة ( ابنوسة)
كلمة بورداب الدوحة الجدد ( عنهم الطيب بشير)
كلمة ضيوف الدوحة ( عنهم عفراء سند)
البرنامج الأسرى و الأطفال ( ابونا محمد السني بمشاركة محمد سامي الدين السهروردي)
غناء و أناشيد وطنية ( ياسر مبيوع) ..
و سنعود لكل فقرة بالتحليل إن شاء الله ..
| |
|
|
|
|
|
|
|
|
|
Re: صور افطار بورداب الدوحة ... (Re: وضاحة)
|
.
كان يومآ باذخ الجمال
شباب زي الورد...ربنا يحفظ و يبارك
...أعجبتني جدآ، كبوردابي جديد، فكرة الإحتفاء بالأطفال
تقريبآ كان يومهم...أستاذ السني و كل من إهتم بحضوره و دعوته و متابعة ذلك..
في كثير من لقاءات السودانيين يكون الأطفال مصدر (إزعاج)!!
لأننا نأتي بهم لموقع البرنامج ..و يقوموا يملوا من برامج الناس الكبار
لمن يعملوا برنامجهم بتاع الجري و النطيط، يأتي التعليق الظالم (شفع المغتربين قليلي أدب)!!
اليوم كانوا قمة الأدب
شكرآ بورداب الدوحة لإنصاف الأطفال و تصحيح الصورة النمطية
.
| |
|
|
|
|
|
|
|
|
|
Re: صور افطار بورداب الدوحة ... (Re: الطيب بشير)
|
ما شاء الله
إن شاء الله دائما ملمومين في الخير
Quote: الطيب جنابو يا شبلي بتاع الامارات ؟؟؟؟؟؟
لو هو .... الزول دا بقى شيخ يسافر بعصاتو وركوته ولايعرف الحدود والطيران
لأني سألت في كل المطارات والبوبات البرية لم يخرج من البلد ههههههههه لكن هاتفه مغلق نظام تمويه زي ما قال القردابي !!!!!!
سجل غياب من أفطار الأمارات ليظهر في أفطار قطر
والعجب العجيب لو حصل بتاع جده |
تشرفنا أيما شرف بحضور جنابو الطيب عثمان يوسف لإفطار بورداب جدة
وقد كان كعادته نجما في سماء عروس البحر الأحمر
| |
|
|
|
|
|
|
|
|
|
Re: صور افطار بورداب الدوحة ... (Re: جعفر محي الدين)
|
منعني ظرف طاريئ من الحضور ، حيث إستضفنا أسرة صديقة على الإفطار و كانوا على سفر ف تعذر ايجاد يوم بديل
وعلى شرفهم دعونا أخرين منهم الفنان علاء سنهوري و حفنة شباب من الملتحقين جدد بالشرطة القطرية
كنت أتحرق شوقآ لمقابلة ( الأخ ) عادل إبراهيم ، لكن تأتي الرياح بما لا تشتهيه المراكب
أعملوا لينا حاجة تعويضية في العيد
دقستكم في إصراركم على تصنيف المصوراتي أمير طمبل ، منكم .. المصوراتي شايت بهناك
| |
|
|
|
|
|
|
|
|
|
Re: صور افطار بورداب الدوحة ... (Re: معتصم الطاهر)
|
أبنوسة (ليلى صلاح )
فى تقديم كلمة بورداب الدوحة ..
بعد البسملة و الحمد
شكرت فى بداية كلمتها بكرى ابو بكر
و دعت بالرحمة و المغفرة للذين رحلوا من البورداب و بورداب الدوحة ..
ثم ذكرت البورداب بواجبهم و مسئولياتهم تجاه الآخرين و بعضهم و حددت بعضها و التى تم تكليف اللجنة بها ..
| |
|
|
|
|
|
|
|
|
|
Re: صور افطار بورداب الدوحة ... (Re: أيمن دياب)
|
Quote: اخي عماد والجميع
لظرف قاهر شديد لم أسعد بحضور هذا اللقاء الجميل
وواضح مما سمعته من بعض من حضروا ومما قرأته هنا ، فان الجمع كان جميلا جميلا
هنيئا لكم والتهنئة للجنة البورداب |
مولانا حسن طه رمضان كريم
والله فعلا افتقدناك
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
التحايا يا شباب وتقبل الله من الجميع صالح الأعمال والدعوات، وكل عام وأنتم بألف بخير.. وإن شا الله دايماً تامين وسالمين ولامين في الخير.. ثم أما بعد:
| Quote: * استقبال البورداب القادمون من أنحاء العالم و ارشادهم حول الاقامة فى الدوحة ( عمل أو زيارة أو بحث عن عمل) |
الجزئية دي أعجبتني جداً، وزي ما بقولوا وقعت لي في جرح رغم وجود عدد من المعارف والأصدقاء من البورداب وغيرهم.. أنوي زيارة الدوحة الشهر القادم بإذن الله وسأتصل باللجنة وربنا يجزيكم كل خير مقدماً..
| |
|
|
|
|
|
|
|
|
|
Re: صور افطار بورداب الدوحة ... (Re: معاوية الزبير)
|
ثم مرحب بالضيوف الذين أشعرونا بأننا ضيوفهم
وشكرا للذين لبوا الدعوة من الأعضاء الجدد والقدامى وأسرهم
ورغم أنني كنت من أعضاء اللجنة المنظمة وشهادتي مجروحة
إلا أنني أتجرأ وأزعم أن لمة الأفطار هذه كانت من أحلى اللمات التي شهدتها
وين ما قبلت تدقشك ابتسامة أو ضحكة عدييل بمناسبة وبدونها . وكأن الجميع كانوا فرحانين من أجل الفرح ليس إلا
فهنيئا لهذه النفوس بسماحتها وتسامحها. ومن هنا:
| |
|
|
|
|
|
|
|
|
|
Re: صور افطار بورداب الدوحة ... (Re: معاوية الزبير)
|
Quote: كان من نتائج هذالا الافطار
تكليف لجنة بأعباء ( بورداب الدوحة) و مقررها د. ص. محمد حيدر المشرف ..
و عضويتها
معاوية الزبير
شبكة
متولى مالك
هارون دياب
أحمد خضر
ليلى صلاح
أمير طمبل
معتصم الطاهر ..
و على اللجنة تكليف عاجل بمواضيع هامة و هي:
* حصر العضوية و متابعتها
* حل الخلافات القائمة ( وفى هذا قدم شكر للعضو هجو الأقرع)
* استقبال البورداب القادمون من أنحاء العالم و ارشادهم حول الاقامة فى الدوحة ( عمل أو زيارة أو بحث عن عمل)
* قضية السيدة المريضة بالسرطان.
* إحياء و دعم أنشطة الأعضاء.
* المساهمة فى تدريب و تشغيل أسر البورداب. |
| |
|
|
|
|
|
|
|
|
|
Re: صور افطار بورداب الدوحة ... (Re: معاوية الزبير)
|
ولن يهدأ لنا بال حتى نحقق إنجازا ملموسا في كل نقطة مما ذكر أعلاه،
وإذا كتب لنا مزيد من العمر وشهدنا رمضان القادم سنقدم كشف حساب بأعمالنا
وهنا أدعو إلى ضم عدد آخر من الأعضاء لنغطي أكبر مساحة ممكنة من الاحتياجات
و ... هيا إلى العمل يا شباب ويا شابات
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
الشبلي يا حريف ..
سايق البوست بي التقسيمة وعارف الخيل الحره بتجي في اللفه ..
لمة السني مع الاطفال وغنا ياسر ..
وين صور أمير ودياب ومعتصم ؟!
طمبل ده عندو اهم لقطة ..
اللقطه الجماعية بتاعت الختام !
| |
|
|
|
|
|
|
|
|
|
Re: صور افطار بورداب الدوحة ... (Re: معاوية الزبير)
|
شكرا ليك أستاذ الشبلي للصور الجميلة
و الشكر موصول للأعزاء معاوية الزبير و متولي و المشرف و بقية كل الأخوان و الأخوات لمجهوداتهم الجبارة لأنجاح هذ الأفطار
بلفعل لمة جميلة كانت و أنشأالله تكرر قريب
| |
|
|
|
|
|
|
|
|
|
Re: صور افطار بورداب الدوحة ... (Re: معاوية الزبير)
|
ود الزبير :
| Quote: بعدين انت الشيوعية دي كان ما عفتك من الصيام والقيام، شن فايدتها ليك |
قيل ، والعهدة على الراوي ، أن الترابي عنما لاحظ صلاة بعض أعضاء الحزب الشيوعي السوداني
( طبعآ أنا بفضل عضو الحزب الشيوعي ، على شيوعي حفيانة كده ساي ، عشان الشيوعي بتعني التزام كامل بكل النظرية
و عضو حزب شيوعي سوداني ، بتعني ، أن تسألوه فقط عن برنامج الحزب حيث يتقيد به فقط )
الشاهد أن الترابي علق قائلآ : الشيوعينن السودانيين ديل لمن يكبروا في السن بيقلبوا أنصار سنة أو صوفية )
المدهش ، أنه ماقال بيصيرو أخوان مسلمين ( كيزان ) عارفهم مهما إرتدوا أو تراجعوا أو حتى ، إنحطوا
فلن يبلغ بهم الإنحطاط أن يكونون كيزان .. بإعتبار أن الكوزنة أحط حاجة في الدنيا .. بس عملها أحمد سليمان المحامي
و المدهش كمان ، إن كل من أنصار السنة و الصوفية بيوافقوا شيء من أعضاء الحزب أو الشيوعيين على الإطلاق
ف الأخ في أنصار السنة منغلق و إقصائي ، بيشبه الشيوعي الشمولي
و الصوفي فيه محنة و محبة و شفافية ، بتشبه سجايا معظم اعضاء الحزب الشيوعي السوداني
غايتو لو قلبت ، إلا بس مع الضلالي الأمين جكسي بيبسي ، على الأقل بيلبس الأحمر .. التقول مدستر
اللهم أختم بالطيبات الحسنات أعمالنا ، و اسألك أن لاتتوفني إلا و إنت راض عني ، و أن ترزقني الميتة السوية
و تحرم جسدي على النار وتدخلني الجنة بغير حساب
| |
|
|
|
|
|
|
|
|
 Re: صور افطار بورداب الدوحة ... (Re: عماد الشبلي)
|
المجموعة....الرائعة...بورداب الدوحة....و ضيوفكم...كلهم....ســـــلآم
انشاء الله دائماً تامين و لآمين فى الخير و للخير......
لم نستطيع الحضور لارتباطات مسبقة لكن الجايات اكتر من الرايحات......
سعدنا بالوست و بس بنسأل اين الصور.....و الصور دائماً حكيها....اكثر تعبيراً....و آلفة.....
تحياتى و كل عام و انتم جميعاً و امة الخير فى الف سلام....و عيدكم مبارك مقدماً
صديق القاعد بعيد
| |
|
|
|
|
|
|
|
|
|
Re: صور افطار بورداب الدوحة ... (Re: معتصم الطاهر)
|
شاعرنا الكبير معتصم الطاهر
اعتزار شنو البتعتزرو لسامي
سامي ده ما ولدك يا خ سامي ده وولد كل البورداب
ترفع صوتك وتكسر راسو لو قلة ادبو
مش بيقولوا الجنا جنا الكل ولا ما كدا يا بشمهندس
ولك احتراماتي
| |
|
|
|
|
|
|
|
|
 Re: صور افطار بورداب الدوحة ... (Re: احلام وهبي)
|
يا سلام عليكم يا بورداب الدوحة ..
كان من المفترض أن اغادر إلى دبي نهاية الأسبوع الماضي ولكن شاءت الظروف ان اقوم بتأجيله لأسبوع آخر ..
وقد كان في نيتي ان اكون من ضمن الحضور ولكن مشيئة الله ..
تقبولوا احترامي وتقديري ..
دكتور المشرف ما عندي حظ الاقيك والله .. مشتاق لي عشرة ونسة معاك يا حبيب ..
دمتم جميعا بخير ..
| |
|
|
|
|
|
|
|
|
|
Re: صور افطار بورداب الدوحة ... (Re: محمد حيدر المشرف)
|
Quote: وين صور أمير ودياب ومعتصم ؟!
طمبل ده عندو اهم لقطة ..
اللقطه الجماعية بتاعت الختام ! |
يا دكتور المشرف
شكرا كتير هلي مجهودكم
امير طمبل صور المرحلة التانية من الافطار
ومفروض برسل لي الصور لنشرها
انا لدواعي العمل كسحت بعد الافطار طوالي
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
.
العزيز عادل إبراهيم..ألف شكر على الكلام اللطيف....بتذكرني صديق عزيز جدآ إسمو (عادل إبراهيم)!! و هذا كل وجه الشبه بينكما..فهو من حيث الشكل أسود مثلي و رفيع ترى الراحل زيدان إبراهيم جنبو سمين دبة...لكن هذا ليس فقط وجه الإختلاف..حبيبنا عادل إبراهيم ضارب السنــّــة ، بكسر السين، زي تلتماية خمسة و تلاتين يوم في السنة..فقط طلع منها شهر رمضان الذي يعظمه جدآآ...فحكاية انو انت عادل ابراهيم و هو عادل ابراهيم دي عاملة لي ربكة...كلاكم حبيب و قريب و ظني بالله أن عادل ابراهيم ال########## أقرب لله من أئمة مساجد كثيرين...
خلينا نقول انو هو (نسخة الخرطوم) و أنت (نسخة الدوحة)
و دعني أرتدف معك هنا الصديق أيمن دياب
يا عزيزي أنا (مداوم) بالمجلس الأعلى للصحة قسم الإعلام منذ ثلاث أسابيع...و كلمة السر في كل إيميلاتي هي طابت مع أربع أرقام
تقديري و محبتي
.
| |
|
|
|
|
|
|
|
|
|
Re: صور افطار بورداب الدوحة ... (Re: معاوية الزبير)
|
Quote: .
العزيز عادل إبراهيم..ألف شكر على الكلام اللطيف....بتذكرني صديق عزيز جدآ إسمو (عادل إبراهيم)!! و هذا كل وجه الشبه بينكما..فهو من حيث الشكل أسود مثلي و رفيع ترى الراحل زيدان إبراهيم جنبو سمين دبة...لكن هذا ليس فقط وجه الإختلاف..حبيبنا عادل إبراهيم ضارب السنــّــة ، بكسر السين، زي تلتماية خمسة و تلاتين يوم في السنة..فقط طلع منها شهر رمضان الذي يعظمه جدآآ...فحكاية انو انت عادل ابراهيم و هو عادل ابراهيم دي عاملة لي ربكة...كلاكم حبيب و قريب و ظني بالله أن عادل ابراهيم ال########## أقرب لله من أئمة مساجد كثيرين...
خلينا نقول انو هو (نسخة الخرطوم) و أنت (نسخة الدوحة)
و دعني أرتدف معك هنا الصديق أيمن دياب
يا عزيزي أنا (مداوم) بالمجلس الأعلى للصحة قسم الإعلام منذ ثلاث أسابيع...و كلمة السر في كل إيميلاتي هي طابت مع أربع أرقام
تقديري و محبتي |
صباح الخيرات استاذ الطيب بشير
كثرة تشابه "العوادل" هذه صادفتني كثيرا..
فهنالك كثيرون يخلطون ما بيني وبين الصحافي عادل ابراهيم حمد ..و الكاتب الدرامي عادل ابراهيم اايضا.. وكلاهما بالسودان..
ولكن احمد الله كثيرا انني لا اشبه صاحبك هذا صاحب " السنة" بكسر السين..
وقصتك هذه ذكرتني باحد الاشخاص وجدني مع صديق مشترك واصبح يتحدث عن ايام السنة " بكسر السين" .. فقاطعه صديقنا المشترك منبها : يا فلان ياخي الزول دا ما بتاع حاجات زي دي؟
فما كان منه الا ان قال خارجا من الحرج : بالله الزول دا بي "فقرتو " الغليدة دي كنتا قايلو بتاع مريسة عديييل..هاهاها
ولكن ظني الكبير ان اي زول اسمو "عادل" فيهو خير .. ودونك في ذلك صديقك الشاعدينابي سداد الفرقات الفنان عادل التيجاني..
تحياتي واحترامي لك وله ..
| |
|
|
|
|
|
|
|
|
|
Re: صور افطار بورداب الدوحة ... (Re: عادل ابراهيم احمد)
|
Quote: لا حولااااا ..
معاوية وبركات الغائب "على وزن بله الغائب" .. قلبوها منضمة تقيلة ..
شغال "نايت" يا شباب ليس الا .. ههههههه |
خليها مستورة ياخ، وإن شاء الله في ميزان حسناتك، مش في خدمة الإنسانية برضو!
عينان لا تمسهما النار، التانية عين باتت تحرس في سبيل الله. وأنتم ساهرون تزودون عن حق الإنسان في الحياة، وتحرسون جسده من الأمراض
انت قال ليك الإسلام دا كلو جزية وجز رقبة
| |
|
|
|
|
|
|
|
|
|
Re: صور افطار بورداب الدوحة ... (Re: أبو ساندرا)
|
عزيزنا ود المشرف
سلامات
قلنا نشاورك في مشروع ( عصيدة ود المشرف ) للتصدير
كراتين مقاس 30x35 FAT FREE
دخل الموضوع ده لا زيو بترول لا فحم .
وبعدين شايفك خاتف لون العصيدة من لون منبر بكري ابوبكر .
الختفات المتل دي فيها توقيفة 6 شهور
تحياتي
| |
|
|
|
|
|
|
|
|
|
Re: صور افطار بورداب الدوحة ... (Re: عمر سعد)
|
Quote: التحايا يا شباب وتقبل الله من الجميع صالح الأعمال والدعوات، وكل عام وأنتم بألف بخير.. وإن شا الله دايماً تامين وسالمين ولامين في الخير.. ثم أما بعد:
Quote: * استقبال البورداب القادمون من أنحاء العالم و ارشادهم حول الاقامة فى الدوحة ( عمل أو زيارة أو بحث عن عمل)
الجزئية دي أعجبتني جداً، وزي ما بقولوا وقعت لي في جرح رغم وجود عدد من المعارف والأصدقاء من البورداب وغيرهم.. أنوي زيارة الدوحة الشهر القادم بإذن الله وسأتصل باللجنة وربنا يجزيكم كل خير مقدماً.. |
طوالي يا عيسى وح تكون أول اختبار للمساعي والنوايا الحميدة للجنة
إن شاء الله الزيارة تتم ونتقابل
ويا ريت أكون موجود الوكت داك لأنو ناوي سفر أسبوعين خلال شهر أغسطس
مودتي
0097466226712
| |
|
|
|
|
|
|
|
|
|
Re: صور افطار بورداب الدوحة ... (Re: أبو ساندرا)
|
| Quote: دقستكم في إصراركم على تصنيف المصوراتي أمير طمبل ، منكم .. المصوراتي شايت بهناك |
يا دووب كلامك وقع لي يا أبو ساندرا. شايفو عمل نايم بالصور وهي من أهم أسباب نيل المركز الأول في مسابقات إفطار البورداب
وعليه سنعمل على إقصائه من اللجنة والاستعانة بأي رفيق من سوق واقف
| |
|
|
|
|
|
|
|
|
|
Re: صور افطار بورداب الدوحة ... (Re: معاوية الزبير)
|
Quote: المجموعة....الرائعة...بورداب الدوحة....و ضيوفكم...كلهم....ســـــلآم
انشاء الله دائماً تامين و لآمين فى الخير و للخير......
لم نستطيع الحضور لارتباطات مسبقة لكن الجايات اكتر من الرايحات...... |
وبن يا صديق البعيد
ياخ مشتاقين نشوفك
| |
|
|
|
|
|
|
|
|
|
Re: صور افطار بورداب الدوحة ... (Re: محمد حيدر المشرف)
|
Quote: هههههههههههه ..
والله (الموالي) ده قصه والله ..
طمبل احسن ليك جيب الصور ..
انا عند\ي عندك تلاتة لقطات بشاكل فيهم عديل كده :) |
ود المشرف
ياخ طمبل دا ما تطغتو علية كتير
بيقوم يطش بالصور مرة واحدة
رازو شوية شوية
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
Quote: شكرا ليك أستاذ الشبلي للصور الجميلة
و الشكر موصول للأعزاء معاوية الزبير و متولي و المشرف و بقية كل الأخوان و الأخوات لمجهوداتهم الجبارة لأنجاح هذ الأفطار
بلفعل لمة جميلة كانت و أنشأالله تكرر قريب |
سعدنا كثيرا يا شريف بحضورك
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
سلام ياعمدة ـ تقبل الله الصيام والقيام وصالح العمل
ياخ مابتعرف الاستاذ مجذوب عبدالرحمن ماعندك
ليهو صورة في الفطاير دي ـ ياخ لو عندك نزلها لنراه
بعد ان فرقتنا الايام وبلغه مني التحايا الخالصة
| |
|
|
|
|
|
|
|
|
|
Re: صور افطار بورداب الدوحة ... (Re: عبدالعزيز الفاضلابى)
|
Quote: سلام ياعمدة ـ تقبل الله الصيام والقيام وصالح العمل
ياخ مابتعرف الاستاذ مجذوب عبدالرحمن ماعندك
ليهو صورة في الفطاير دي ـ ياخ لو عندك نزلها لنراه
بعد ان فرقتنا الايام وبلغه مني التحايا الخالصة |
الفاضلابي
عيد سعيد
بنظر في طلبك ويفاد
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
كل الأحبة هنا سلام
اعتذر للتأخير علما لي زمن طويل من هنا
أجمل مافي الإفطار أنو خمائر العكننة ما حضرو
أبوساندرا ده طبعا خلاص ضربو الزهايمر و كمان فصلو من شلتو
معاوية الزبير طلعتني رفيق قلت لي ياخي في رفيق طولي مترين غايتو جنس غايتو
ود المشرف دخلت هنا عشان خاطرك يا ريسنا الجديد
| |
|
|
|
|
|
|
|
|
|
Re: صور افطار بورداب الدوحة ... (Re: عماد الشبلي)
|
Quote: أصبح الصبح أغنية المناتلين حركت كل احاسيسهم ههههههههههههههه
|
والله شخصيا قربت ابكي وأخرج شاهرا في الشوارع الهتاف .. ههههههههه
ازيك يا طمبل ياخ ..
شويه كده وكان الواحد حيبدأ يشك مجرد شك انو بورداب الامارات قد ينافسوننا في المركز الاول ..
كما ونما لعلمنا انحياز كوستاوي المريب لبورداب الخرطوم ..
واحد يرفع لينا لينكات لصور بورداب القاهرة والمغرب ..
ما طقشت العين :)
| |
|
|
|
|
|
|
|
|
|
Re: صور افطار بورداب الدوحة ... (Re: عزالدين عباس الفحل)
|
الأحباء والأعزاء والأصدقاء
خالد علي المنسي
جعفر محي الدين
نصر الدين عثمان
أيمن دياب
عثمان موسى
عبد المنعم سيد أحمد
هشام عبادي
ناصر أحمد الأمين
عبد العزيز الفاضلابي
الطيب شيقوق
أيمن تابر
عز الدين الفحل
نشكركم على مداخلات التهنئة التي تفضلتم بها
وإن شاء الله نكون عند حسن ظنكم بالمحافظة على القمة
كما هو الحال دائما
والعاقبة عندكم في الأفراح
| |
|
|
|
|
|
|
| |
عماد الشبلي
معتصم الطاهر
محمد حيدر المشرف
خالد علي محجوب المنسي
هجو الأقرع
وضاحة
الطيب بشير
جعفر محي الدين
أبو ساندرا
عادل ابراهيم احمد
نصر الدين عثمان
khaleel
حسن طه محمد
معاوية الزبير
Osman Musa
عبد المنعم سيد احمد
Faisal Al Zubeir
Sharif Nasirladeen
Siddig A. Omer
احلام وهبي
هشام كمال عبادي
عمر سعد
ناصر احمد الامين
عبدالعزيز الفاضلابى
امير طمبل
الطيب شيقوق
Aymen Tabir
عزالدين عباس الفحل
فيس بوك
تويتر
انستقرام
يوتيوب
بنتيريست