|
|
 Re: يا أهل الرياض كلنا ذلك الرجل (Re: عبدالله ود البوش)
|
السلام عليكم هشام
زكرتنى مقولة سمعتها من الامين العام السابق لمجلس دول التعاون الخليجي .. قال فيها :
(الرياض مدينة تجبر العازب على الزواج)
يا هشام .. الرياض فعلا قاسية .. وجافه ... ومحبطة
خالية من كل جمال ... عدا بعض الجمال المصنوع .. والذى لايساوى شئ امام الجمال الطبيعي .. وامام عظمة الجمال الانساني .. والذى تفتقده الرياض ايضا
والاحساس ده يا هشام يطال حتى سكان البلد من السعودييين .. فالشاءت ظروفى انى اتكلم معاهو فى الحته دى وجدت انطباعه نفس انطباعك ونفس انطباعي
قد تكون هذه واحده .. من قبح العواصم .. التى دائما ما تمتلئ بالاسفلت والاسمنت وتزدحم بالناس والسيارات ... وتخلو .. من العاطفة .. والرقة .. وجميل الاحساس
متى يفرح الانسان فى الرياض ؟
هل جربت الفرح فى الرياض ؟
فى عادة المدن والاسلامية منها .. يفرح الناس بالاعياد والمناسبات الدينية من خلال الخروج الى الزيارات والاماكن العامة والمنتزهات
يفرحوا بفرح الاطفال ولعبهم ...
تعال اكلمك عن الفرح فى الرياض وعن العيد فى الرياض
فالى عهد قريب ... لم تكن هناك منتزهات او احتفالات عامه فى الرياض (عدا الشئ القليل) فكان عيدنا فى الرياض فقط الخروج من الرياض
والذهاب اما غربا الى جده .. او شرقا الى الدمام .. او العمرة وزيارة المصطفى صلى الله عليه وسلم فى المدينة .... او يسعد حظنا ونركب الطائرة الى الديار والاهل
والان وبعد شوية من فسحة امل .. وشوية من برامج تطلقها امانة الرياض اصبح هنالك بعض الفرح وبعض مظاهر العيد من خلال تزييين الشوارع وزيادة عده المتنزهات
وعمل برامج ترفيهيه والعاب نارية .. ولكن :::::
الخروج فى شوارع الرياض اشبة بالمغامرة اليومية وخصوصا وقت الاحتفالات ... فالقيادة فى الشوارع والاحتكاك بالمئات من الشباب وصغار السن وبعض كبارهم
يضع حياتك وحياة من معك فى محك صعب .... فالقيادة هنا .. سباق دائم .. وكره دائم .. وخطر دائم . وعدم احترام دائم .. ووووووووو...
والكثير من الاشياء هنا فى الرياض محبطة يا هشام ... دى حقيقه من ( وجهه نظرى )
ومعظم الناس هنا فى الرياض منكفئين على انفسهم .. تجنبا لفارغ القول والعمل .. وخطورة الاحتكاك بناس لاتعرف عن خلفياتهم شئ
فنادرا ما تجد تواصل اجتماعى بين جنسيات مختلفة الا فى اضيق الحدود وبحذر شديد .. واهل البلد هم اسا هذه المعاملة بتجنبهم التواصل الاجتماعى مع الاجانب
وطبعا معروفة الاسباب .. واهمها التباينات الثقافية بين الشعوب
وحتى بين الجنسية الواحدة ولصعوبة التواصل وبعد المسافات وزحمه الشوارع تجد كل مجموعه صغيرة من تلاته او اربع اسر .. اكتفت (بتطبيع) العلاقات بينهم
والاكتفاء بالمناسبات العامة للتواصل مع البقية (مثل الفرح او الكره) ... وده انا شايفو ايضا فى السودانييين
طيب احنا عايشين فيها كيف ؟
انا لحدى الان تقريبا .. ماشى معاك فى نفس انطباعات وقد نكون متشابهين حتى الان .. لكن شوف انا بختلف معاك وين ؟
الحاجة الوحيده يا هشام البتخفف عننا كل القلت ليك .. هم السودانييين فى الرياض
وسماحه السودانييين .. وكرم السودانيييين .. وتواصل السودانييييين ... ونجده وشهامه السودانييييين
وخلينا نفرق يا هشام بين السودانييين كأسر وعوائل عندهم ارتباطاتهم ومشاغلهم وبين السودانييين كجالية وافراد بشيلو هم بعض ومهتمين بالعمل العام والجماعى لخدمة بعض
انا لما فهمت الرياض وطبيعه الحياة فى الرياض وانا الان لى فيها 16 سنه عرفت وفهمت انو الواحد لازم يكون نشيط فى محيطو الاجتماعى السودانى
ولازم يبارد بالتواصل مع تجمعات السودانييين .. والمشاركة معاهم .. لان وجودك هنا ... وحياتك هنا .. وبرنامجك هنا .. لازم يكون معاهم
الا ... فسوف تواجه وحده حقيقيه .. وفراغ حقيقى .. وهم وقلق حقيقيين
فى الرياض يوميا يا هشان فى نشاط لمجموعه سودانية
بتلقى تجمعات ترفيهيه وخيرية لناس ربطت بينهم الدراسة فى جامعه معينة اة مدينة معينه .. وعاملين تنظيم يجمعهم
يقدموا لبعض خدمات التواصل والترفيه والمساعده
بتلقى مجموعه اعضاء فى منتديات معينة زى منتديات كورة مثلا .. عندهم تنظيمهم وبرامجهم وحياتهم الاجتماعية البحاولوا يكسروا بيها ... جو الرياض
وبتلقى مجموعات للاطباء والمهندسين وووووو
بتلقى روابط المدن والقرى وجمعياتهم .. برضو عاملين حلقات من التواصل والاهتمام المتبادل
بتلقى روابط كرة القدم ... وجمعيات المثقفين من ادباء وشعراء وموسيقييين وووووووو
والعديد العديد يا هشام من الفعاليات والتجمعات
وبتلقى الشخص الواحد .. مشترك فى لجنه مدينه او قريته .. ومشترك فى ملتقى ادبى معين .. او منتدى انترنت معين او اوا او
بتلقى ناس يا هشام ما لاقين وقت يغطوا فيهو نشاطاتهم المختلفة
السودانييين هنا فى الرياض يا هشام اقل واحد فيهم بدفع شهرى .. لاهله فى السودان
وللجمعيات والراوابط الخيرية
ولاعمال الخير البطرحوها الناس فى التجمعات المختلفة
وللعندهم ظروف علاج ولا حجز ولا حادث جركة
السودانييين فى الرياض يا هشام اغلبهم ... بدفع الواحد فيهم ما متوسطه 700 ريال شهرى تبرعات لجهات مختلفة بهدف مساعده سودانييين اخرين
يا الله يا هشام على السودانييين فى الرياض
يا الله على كرم السودانييين
يا الله على شهامه السودانييين
يا الله على روعه تنظيم السودانييين لانفسهم
يا الله يا هشام على احساس السودانيين بى بعضهم البعض
كل المطلوب يا هشام
كل المطلوب .. فقط ان تخرج من قوقعتك
ولكل سوداني ما شاف الحاجات السمحه الانا اتكلمت عنها
انو يخرج من قوقعتو ... ويسجل نفسو عضو فى الجمعيات الخيرية
يجرى جري لاهله ومنطقته ويساعد معاهم ويدفع معاهم
ينتسب للتنظيمات ويشارك معاهم بى مجهوده وماله ووقته
يملأ وقت فراغه بالمفيد لى نفسه ولى اهله
ووقتها حا تتفتح أمامه كنوز المحبه .. الى يبذلها السوداني بدون من ولا أذى لاخية السوداني
وحا يعرف قيمة انو يساعد الناس .. ويتواصل مع الناس ..
وبالتالى حا يكون ساعد نفسه ... ووضعها موضع التقدير والاحترام والقبول
السودانيييين فى الرياض يا هشام ....
يا الله عليهم من رجال .. يسدوا عين الشمس
فقط .. ادخل برجلك اليمين
وادخل من الباب الصاح ...
|
|
 
|
|
|
|
|
| العنوان |
الكاتب |
Date |
| يا أهل الرياض كلنا ذلك الرجل | يازولyazoalيازول | 03-08-14, 08:18 AM |
| Re: يا أهل الرياض كلنا ذلك الرجل | معاوية عبيد الصائم | 03-08-14, 08:34 AM |
| Re: يا أهل الرياض كلنا ذلك الرجل | يازولyazoalيازول | 03-08-14, 09:08 AM |
| Re: يا أهل الرياض كلنا ذلك الرجل | عبدالله ود البوش | 03-08-14, 08:35 AM |
| Re: يا أهل الرياض كلنا ذلك الرجل | يازولyazoalيازول | 03-08-14, 09:11 AM |
| Re: يا أهل الرياض كلنا ذلك الرجل | عبدالله ود البوش | 03-08-14, 09:23 AM |
| Re: يا أهل الرياض كلنا ذلك الرجل | يازولyazoalيازول | 03-08-14, 09:33 AM |
 Re: يا أهل الرياض كلنا ذلك الرجل | عبدالله ود البوش | 03-08-14, 09:42 AM |
| Re: يا أهل الرياض كلنا ذلك الرجل | عبدالله ود البوش | 03-08-14, 09:48 AM |
| Re: يا أهل الرياض كلنا ذلك الرجل | ahmedona | 03-08-14, 11:04 AM |
| Re: يا أهل الرياض كلنا ذلك الرجل | يازولyazoalيازول | 03-08-14, 12:05 PM |
| Re: يا أهل الرياض كلنا ذلك الرجل | وضاح عبدالرحمن جابر | 03-08-14, 11:50 AM |
| Re: يا أهل الرياض كلنا ذلك الرجل | يازولyazoalيازول | 03-08-14, 12:14 PM |
| Re: يا أهل الرياض كلنا ذلك الرجل | يازولyazoalيازول | 03-10-14, 01:24 PM |
| Re: يا أهل الرياض كلنا ذلك الرجل | Salah Habib | 03-08-14, 11:27 AM |
| Re: يا أهل الرياض كلنا ذلك الرجل | يازولyazoalيازول | 03-08-14, 12:17 PM |
| Re: يا أهل الرياض كلنا ذلك الرجل | ابو جهينة | 03-08-14, 01:07 PM |
| Re: يا أهل الرياض كلنا ذلك الرجل | يازولyazoalيازول | 03-08-14, 01:11 PM |
| Re: يا أهل الرياض كلنا ذلك الرجل | ابو جهينة | 03-08-14, 02:51 PM |
| Re: يا أهل الرياض كلنا ذلك الرجل | ابو جهينة | 03-08-14, 03:48 PM |
| Re: يا أهل الرياض كلنا ذلك الرجل | يحي قباني | 03-08-14, 04:02 PM |
| Re: يا أهل الرياض كلنا ذلك الرجل | يازولyazoalيازول | 03-08-14, 04:31 PM |
| Re: يا أهل الرياض كلنا ذلك الرجل | ابو جهينة | 03-08-14, 05:53 PM |
| Re: يا أهل الرياض كلنا ذلك الرجل | الصادق صديق سلمان | 03-08-14, 06:31 PM |
| Re: يا أهل الرياض كلنا ذلك الرجل | يازولyazoalيازول | 03-09-14, 06:50 AM |
 Re: يا أهل الرياض كلنا ذلك الرجل | عبدالله ود البوش | 03-09-14, 06:03 AM |
| Re: يا أهل الرياض كلنا ذلك الرجل | عبدالله ود البوش | 03-09-14, 06:09 AM |
| Re: يا أهل الرياض كلنا ذلك الرجل | يازولyazoalيازول | 03-10-14, 06:26 AM |
| Re: يا أهل الرياض كلنا ذلك الرجل | يوسف محمود | 03-08-14, 08:57 PM |
 Re: يا أهل الرياض كلنا ذلك الرجل | أيمن محمود | 03-08-14, 09:29 PM |
| Re: يا أهل الرياض كلنا ذلك الرجل | يازولyazoalيازول | 03-09-14, 06:49 AM |
| Re: يا أهل الرياض كلنا ذلك الرجل | يازولyazoalيازول | 03-09-14, 03:13 PM |
| Re: يا أهل الرياض كلنا ذلك الرجل | يازولyazoalيازول | 03-09-14, 11:37 AM |
 Re: يا أهل الرياض كلنا ذلك الرجل | سامى عبد المطلب | 03-10-14, 06:58 AM |
| Re: يا أهل الرياض كلنا ذلك الرجل | يازولyazoalيازول | 03-10-14, 08:15 AM |
| Re: يا أهل الرياض كلنا ذلك الرجل | علي عبدالوهاب عثمان | 03-10-14, 01:45 PM |
| Re: يا أهل الرياض كلنا ذلك الرجل | يازولyazoalيازول | 03-10-14, 02:23 PM |
| Re: يا أهل الرياض كلنا ذلك الرجل | علي عبدالوهاب عثمان | 03-11-14, 04:03 PM |
| Re: يا أهل الرياض كلنا ذلك الرجل | يحي قباني | 03-11-14, 04:38 PM |
| Re: يا أهل الرياض كلنا ذلك الرجل | يازولyazoalيازول | 03-12-14, 06:42 AM |
|
| |
وضاح عبدالرحمن جابر
فيس بوك
تويتر
انستقرام
يوتيوب
بنتيريست