|
Re: سكرات الموت أو الأحتضار (السودان نموذجآ) (Re: Osama Mohammed)
|
Quote: لاخ محمد عوض تحية طيبة . فتحت خيطا في العام 2008 اتحدث عن نهايات الدول وزوالها واحساسها بذلك وارسال الدول ( المحتضرة ) لاشارات للمركز لكي يعلم القائمين بالامر ان الدولة في خطر. التاريخ قاسي ولا يرحم لن يغفر اي احد عاش في السودان في هذه الفترة العصيبة ما فعله رجال الدولة بهذه البلد ( الكانت طيبة وطيب اهلها) . الموضوع في غاية البساطة عمر البشير وكل جوقة الحرامية والمستفيدين المعاهو من اكبر واحد لي ود الباوقة وعلاء الدين يرحلو والناس العاقلة تشوف حل لي جنازة البحر دي ( يا يدفنوها يا يتفرق دمها بين القبايل ). راجع البوست هنا به اقتباسات سيشيب لها راسك عن كيفية زوال الدول ونهايتها |
تحية طيبة يا أسامة ومشكور على الرابط انا المُحيرنى انو الشعب السودانى دا كلو حاسى بالخطر وبتلفت والشارع يشهد على حجم الحاجات البتحصل كل يوم
صفوف بنزين وجازولين صفوف عيش غلاء معيشة
ياخى مافى حاجة بتمشي بى اخوى واخوك فى البلد دى والبيمشى الا بى قروش ولا واسطة....
اهمال فى اى مكان ناس تموت بعد العناية بالمستشفيات اخطاء طبية لا تُحصى ولا تُعد
البلد كلها حروبات وميزانية تتوزع كيف انا ماعارف خدمات زى الزفت.. وكل شوية يجيك مسؤول يقول ليك عملنا ليكم شارع ولا كبرى قروض وديون لا ليها اول ولا آخر
سد مروى طلع ماسورة وبى بجاحة يطلع واحد مسؤول يقول ليك آآي وبى عين قوية كمان مدارس وجامعات انتهت.... شباب اتدمر
ويجى ود الباوقة يقول ليك ازمة وعدت الحمد لله ياخى اطلع الريف دا شوف الناس دى روحا مارقة كيف والريف والعاصمة بقت واحد.. مع اختلاف الشكل
والجرايد تشيل وتضرب كل يوم ولا حياة لمن تُنادى ولا زول سمع وجا يبرر يمكن تجيك جلطة من التبرير ياخ انا اشك فى انو اى زول عندو قلب وبل ضغط ولا جلطة تكون سببو الحكومة
لا مخزون استراتيجى... لا مركز دراسات استراتيجى حكومة فهما كلو تاتشرات ودوشكات وبالجد استغلت طيبة الشعب السودانى
والايدو فى الموية مازى الايدو فى النار
خدمة مدنية منتهية.. سكك حديد تتباع خُردة نقل ميكانيكى يتباع اراضى استثمارية نقل نهرى يتباع خُردة برضو المدينة الرياضية يوسف عبد الفتاح العامل فيها رامبو ماكل قروشا وقابضنو بالثابتة ولى يوم الليلة مسؤول (فى الحكومة طبعآ) خطوط طيران لا تملك طيارة واحدة
ياخ الحبش البيضحكو عليهم عندهم اسطول جوى تقريبآ اكتر من مية كم وستين طيارة نحنا لى اسى ساكين دايرين نعرف الباع خط هيثرو منو...
هروب جماعى لخبرات كان اجدى تخدم البلد اى زول بيفكر يتخارج بس... وفى المُخارجة بتلقا التماسيح راجينك يعنى عشان تمرق زاتو الا تمرق اباطك والنجم
بلد مُستباحة وسرقة عينك ياتاجر انا خايف المواطن يطلع هو المُلام بعدين
الحكومة حتطلع نظرية من نظرية جوع ######ك يتبعك احتمال كبير جدآ تكون موت شعبك ولايهمك... بنجيب ليك شعب تانى
انا لو واصلت الحبر دا شكلو حيقطع... والرهيفة التنقد
|
|
|
|
|
|
|
العنوان |
الكاتب |
Date |
سكرات الموت أو الأحتضار (السودان نموذجآ) | Mohammed Awad | 01-21-14, 08:54 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 09:02 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 09:10 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 10:07 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 10:10 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 10:20 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 10:32 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 10:38 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 10:49 AM |
Re: سكرات الموت أو الأحتضار (السودان نموذجآ) | saidahmed shami | 01-21-14, 11:19 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 11:32 AM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 11:55 AM |
Re: سكرات الموت أو الأحتضار (السودان نموذجآ) | Osama Mohammed | 01-21-14, 12:17 PM |
Re: سكرات الموت أو الأحتضار (السودان نموذجآ) | Mohammed Awad | 01-21-14, 02:36 PM |
Re: سكرات الموت أو الأحتضار (السودان نموذجآ) | Osama Mohammed | 01-21-14, 03:00 PM |
Re: سكرات الموت أو الأحتضار (السودان نموذجآ) | Mohammed Awad | 01-22-14, 08:47 AM |
Re: سكرات الموت أو الأحتضار (السودان نموذجآ) | Mohammed Awad | 01-22-14, 12:42 PM |
Re: سكرات الموت أو الأحتضار (السودان نموذجآ) | Mohammed Awad | 01-22-14, 02:31 PM |
Re: سكرات الموت أو الأحتضار (السودان نموذجآ) | Mohammed Awad | 01-22-14, 02:46 PM |
|
|
|