جئت الى هذا المنبر لابشر " بالفدرالية"..!!

Quote: يا اخوى عبدالله الدولة المركز ية المترهلة دي (مركز و25 ولاية )ما بتنفع فيها انقلابات تاني ولا هم يحزنون زمان لمن الاستاذ محمود طرح برنامجه البارع دستور السودان 1955 وحدد السودان بخمس ولايات كان حل ابداعي ثم جاءت اديس ابابا 1972 وحددت السودان بستة اقاليم وكان نجاح اخر وجاءت الحركة الشعبية 1983 وحددت ايضا السودان بخمس ولايات ولكن الانقاذ فرضت واقع مزري بترهل الدولة والولايات العجيبة دي وعملت نيفاشا والدستور على تصحيح هذا الواقع المزري ووضعت دستور يضبط كل االساسة من الرئيس الى المواطن. ولم يلتزم به احد كالمعتاد واستمرت الغوغائية الساسية ..كان مفروض السودان يكون قد تجاوز مرحلة كيف يحكم اذا احترمت النخبة السودانية وادمان الفشل عبر العصر اصحاب الفكر الاستراتيجي السوداني..الاستاذ محمود ود.جون قرنق ولا زلنا حتى الان مع نفس الناس ونفس الفشل + الاخوان المسلمين اما الانقاذ دي تمشي بالتي هي احسن 1-ترجع الاقاليم وتلغي والولايات بمراسيم جمهورية عاجلة وتضع فيها حكام عسكريين مؤقتين لحدى الانتخابات الاقليمية في البطاقات 9و10و11و12 الحرة والنزيهة بعد تفعيل المحكمة الدستورية العليا ورفدها بقضاة محترمين وايضا المفوضية العليا للانتخابات في ظرف اربعة شهور بس ابريل القادم 2014 او تمشي بالتي هي اسوا 2-الاستمرار في ادمان الفشل والابتزال وتصعيد االحروب في الهامش حتى ينهار الوضع في المركز والمؤتمر يتشظى كل يوم وندخل مرحلة الفصل السابع وبعد داك اليتفرج ما يشتريش انقلاب شنو البلد مش الخرطوم بس الا اذا كان انقلاب ذى بتاع السيسي يجدع الاخوان المسلمين نهائيا و يرجع االبلد الى مسار صحيح والسلطة للشعب دون النظر الى الوراء بغضب وعبر خارطة طريق واضحة ومفهومة ذى حركة تمرد تنزل للناس كلهم عبر اعلام جاد ومسؤل مش ذى ابوهريرة الجديد حسين خوجلي والبرستيج بتاعو الممل ده