سلام الجنيد ياخ الحنة دي هندسة عديل كدة وعندها خرط ,,, آي علي الجزيمة عندها خرط ,, وخرطها بتناقلوها بالبلوتوث ,, شئ خرط كرعين و شئ خرط يدين ,, وكمان عندهم موقع في الفيس بوك والحنانة عندها شروط ,, مثلا ما بتحنن في بيت زول ,, ولا ما بتحنن في بيتها تلقا العوين مجدعات في بيت الحنانة زي الراجيات الدكتور للكشف ,, وواحدات بجهزن الموية الباردة ,, وواحدات تاكل نارك تجي جاهز ومويتك معاك وفي حنة العروس ودي شغلها براهو وقروشو براهو ثم اضف ايضا سوات الخبيز والكعك و تحية للمرأة السودانية محننة او بتحنن ولا حاده
|
|