ولد نافع يشتري مزرعة بـ (5) مليون دولار+ صور من فساد الانقاذ

Quote: Salma Salama · انت ما مصدق ولا فاكر الحكاية هظار ؟ يا اخوى صدق لانه العملوه فى البلد مافى زول سبقهم عليه فساد لمن بقى امر عادى ونتانة لمن تشمها من ابعد نقطة وماعندى شغلة لا بمعارضة ولا مطاولة ، واحكى ليك حاجة كنت شغالة فى راديو امدرمان الحى وقاعد دا، اول ماجات البشرية دى كنت بعمل برنامج اسمه صباح الخير يا وطنى ، جانى واحد من ناس الحكومة ديل وقال لى " دا مفتاح عربية ، قلت ليهو يعنى بتشترينى ولادى كروة منك لى ؟ قال لى عشان تشتغلى معانا كويس ، الشاهد انه اشتكانى كم مرة للمدير وما ارعويت ، جانى فى يوم قال لى ليه انتى ما بتتكلمى عن الانقاذ ؟ قلت ليهو دى مجلة اقرا مكتوب شنو فى الصفحة الاولى ؟ قراها " مجلة تعنى بالوطن والحياة والانسان " قلت ليهو الانقاذ دى بره الكلام دا ؟ قال لى لا ، قلت انقاذكم دى مانى متكلمة عنها واعلى مافى خيلك اركبو ، تانى يوم جاب لى مفتاح العربية ؟ وبعدبقيت ما بسمع الكلام جابو لى الطيب سيخة عشان يهددنى ، وما وقفت التهديدات ولا انا وقفت عن ما كنت بكتبه ، لغاية ما جانى يوم واحد منهم وقال لى انتى متهمة بالخيانة العظمى ودى معناها سجن مؤبد او اعدام ، تفتكر دى ناس ممكن الزول يحترمها او يصدقها ؟ وخليك من دا كله ناس بشترو اسلحة بمليارت الدولارات وماقادرين يشترو دقيق للمواطنين ديل ناس اصدق حرف من كلامهم ؟ سلمي سلامة