|
Re: توقف لوفتهانزا بعد 51 سنة دليل آخر على إفلاس الحكومة و عزلة السودان (Re: صلاح الدين موسى)
|
سلام جميعا و شكرا على الردود
فرانكلي
كلامك في جزء بسيط من الصحة، لكن اسعار التركية لم تكن يوما نصف اسعار الهولندية، بل تختلف حسب المواسم مرات الفرق زي ما قيل هنا عبر الفيس بوك بكون 40-70 دولار
بعدين في خدمات بتقدمها الالمانية و الهولندية لا يمكن أن تقدمها التركية مثلا كل المسافرين من مدن مختلفة في بريطانيا مثل كاردف مثلا و اسكوتلندا كانوا بيجوا عبر هولندا، بل حتى ناس من ناس ألمانيا نفسهم مثل ناس دسلدورف كانوا بجوا عبر الهولندية لانها افضل و ارخص عشان كده قصة السعر دي ما صحيحة و رش للرماد على العيون ده طبعا ناهيك عن مستوى الخدمات و انضباط المواعيد
في معلومة تانية مهمة و هي أن الهولندية كانت تقدم خدمات ممتازة لناس امريكا في كل الولايات، و مش للسودانيين بس و برضوا للأثيوبيين و السفرية من هولندا كانت الخرطوم اديس امستردام و مرات بالعكس
على كل حال حتشوف يا فرانكلي حتى ناس التركية ديل ممكن يخفضوا أو يلغوا حتى رحلاتهم، ما القصة انهم في النهاية ما حيقدروا يحولوا قروشهم و ما في شركة طيران بتستحمل كده و دي بداية العزلة و ارهاصات الازمة
و الله يكون في عون الناس
|
|
|
|
|
|