|
ياسلاااام،...والد الشهيد مصعب،اشجع الرجال
|
يا فارس الفرسان،والد الشهيد مصعب... شاهدت الان حديثه،الان،،بين دمعة وصمود.....اشد علي يدك.. يا سلام عليك,, وسلام عليك,.. وعلي مصعب الف سلام يااخوي.. عوافي يا نخل الشموخ.. شوف الكلام الجاي من جوه القلب واضح معطر بالصدق ابلج وبين ذي صباح بين وساطع ذي شمس مليان صبر ومليان سماح رغم الاسي ورغم الجراح ياخوي سلام ياطيب انت وجاي من جوه الغمام انسان سوي وانسان ابي شايل من النخل الشموخ وشايل من الارض الحنين واقف علي جرف الاسي فارس محزم باليقين عنوانا في الزمن الصعب انسان وصاح يالله من قولو الصحيح ياربي من حرفو الصريح لا زقت لولوة الكلام لاخنت للولد التمام لابعت لاخوانو العظام لا قلت زيف لا شفنا خوف راجلا ميقن بالرضا وفارسا مزين بالفلاح بكاني فقدك لي جناك بكاني ولفك ياجميل بكاني لما اهديتو عشقك واديتو من جواك رضاك يازاهي يا عنوان وطن خلينا اخوي نغني ليك نتملي فيك وفي بهاك تقرع لك اجراس التمام تقيف لك الطوابير علم اشيلك التربال نغم اطرب بك الصلاح مديح تمرق من الخلوات ذكر ومصعب يمين شمس الشموس مصعب يمين قمر التمام ياغالي يارمز الوفاء ليك الغناء وليك النشيد ومني السلام يالفارس الصح التمام...
|
|
|
|
|
|