|
Re: مواقف عصيبه ,.,., (Re: رانيه محمد الشيخ)
|
حادثتين فى السودان كانوا اكيد لكل شخص اتوجد فى نص معمعتها قصه وموقف ,.,., اولها وفاة جون قرنق كنت مشيت البنك ايام كان مواعيده ثمانيه صباحا ما تسعه زى حسى وكنت ما بسوق كان فى سائق الشركه معاى ولمن واقفه فى الشباك اصرف شيك الدولار الامور بديت تجوط فى البنك واعصابى اضطربت لانى ما فهمت الحصل شنو ولفحت القريشات الناولنى ليها موظف البنك وجريت على العربيه واتذكر ان فجئه بتاعين المرور قلبوا الشوارع فى كل اتجاه المهم الناس تقوم جاريه وبس مكتبنا ايامها كان جوا فندق الهوليداى فيلا قطعنا شارع النيل برعب فظيع والناس الماسكين الرشاشات فى نص الزلط غايتو فى لحظه دى الخلعه بتكون مخليه الزول زى الاهبل لا بيسمع ولا بيفهم ولا بيتكلم ولا حتى بيحس وصلت المكتب وحمدته الله لقيت اخويه قاعد فى الشركه وكان باقى الموظفين اصلا ما وصلوا اتحبسنا برانا فى مكتب مع الناس الاتحبست فى الفندق وبقينا نحاول نتابع فى الاخبار من النت ونعاين لدخاخين فى السما ونطمن على امى كل شويه بالتليفون لانها براها فى البيت ونبهناها تقفل الابواب سمح وما تفتح لاى مخلوق لحد قريب العصر وكانت الخرطوم فى حالة سكون عجيب سكون حزين وبديت الناس تزحف على امدرمان زحف عديل بالرجلين شى يعصر القلب بالجد كان الطلاب والطالبات وموظفين وموظفات فى عربات خاصه قليله جدا كانت بتتحرك مافى مواصلات بتاتا اتحركنا انا واخويه بعربيته وكانت العربات زى الماشيين برجولها برضو وسط الحشود لمن قطعنا الكبرى ياداب حسينا الحياه رجعت لشوارع مامفروض اى زول يتمنى الموت لاى مخلوق مهما اختلفنا معاه ولا الدمار والخراب والشغب والحطام معقول فجئه يبقى اللون الابيض لمجرد انه ابيض جرم يستحق الدق والقتل والاهانه ربنا يجازى الكان السبب اصلا وخلق بين قبائلنا الكره دا ما بتذكر الامور استقرت تانى يوم ولا لا ,.,., لكن الحدث التانى فعليا كان اسوء من الاول وهو كان حق المرتزقه الدخلت امدرمان اليوم دا اظن كان سبت وكنت معزومه غدى فى قعدة نسائيه فى الواحه وكنت بالعافيه اقنعت امى انها توافق لانها بترفض البرامج دى والصحبه ولا تعترف بيها بتاتا حنست صحبتى سحر برغم انها شغاله تنزل عليه ونمشى سوا الغدى وفعلا اتحركنا وليسه داخلين بنسلم وقبال اقعد تليفونى رنه وفى نفس اللحظه تلفون صحبتى سحر رن وفجئه التليفونات الباقيه بديت ترن لمن رفعت لقيته اخويه قال لى انتى وين استعجبت قولت ما ممكن يقولى خلاص كفاكى كده ارجعى وانا حتى المويه ما شربتها قال لى سريع ارجعى البيت البلد معكوكه وكان برضو اهل صحبتى قالوا ليها كده وباقى البنات نفس الشى ان المفروض الكل يقوم جارى برغم صاحبة البيت قالت اقعدوا اضمن لكن امى كانت براها فى البيت ونحنا بيتنا فى نص الجوطه كان وامى على حسب كلام اخويه من صوت الرصاص منهاره بالبكى وهو اتحبس فى بيت اخويه جنب الاهليه ما قادر يطلع اول ما طلعنا الشارع انا وصحبتى ما قبل يودينا بانت شرق الا ركشه واتفقنا يوصل صحبتى حى العمده ويودينى بعديها لمن جينا ندخل الشوارع لحى العمده كانت مقفله عديل بالزحمه وكان القيامه قامت امى كل ما اتصل بيها ما افهم شى من البكى واسمع صوت الرصاص فى التليفون منها قولت لسحر صحبتى انتى اخوانك فى البيت قاعدين ارح بيتنا نلحق امى ومنها مشى صاحب الركشه بشارع المورده وكنا الوحيدين الداخلين والعربات كلها جاريه العكس لمن بتاع حافله بدى يكورك فى بتاع الركشه انت ماشى لموت وفعلا لمن قربنا على المجلس الوطنى فى حاجه اترزعت لا عرفنا قنبله لا صاروخ لمن الركشه دى اطوطحت بينا فى نص الشارع وكان ناس الكلاشينكوف فى نص الشارع واقفين فى حالة استعداد لضرب النار بتاع الركشه الله يدى العافيه ويستره دنيا واخره قدر وضعنا وان امى فى البيت منهاره لازم نلحقها منها دخل فى نص الزقايق اللى مافيها صريخ ابن يومين الناس كلها ادسدست وما بيتسمع الا صوت ضرب الرصاص والكلاشينكوف غايتو فيلم اجنبى عددددددددددددددددددددددددديل كان لمن وصلنا باب العماره الساكنين فيها اديت لبتاع الركشه 50 جنيه عديل لانه جازف ووصلنا ودعيت له ربنا يمرقه بالسلامه وحاولت افتح باب العماره لقيته متربس من جوا سجمنا وادق التليفونات الخطوط معلقه كر علينا اتحبسنا انا وصحبتى فى الشارع ونرزع بالطوب والزلط الباب ولا فى زول عايز يهببنا لمن قررت اتلب بالحيطه عشان افتحه لقيت زول من جيرانا اخيرا سمعنا وجيه فتحه لينا جرى اخدنا السلالم ولمن وصلت البيت ودقينا الباب امى كانت وصلت فعلا مرحله الانهيار ومع شوفتى بديت تكورك وتبكى وتلطش فينى وتلطش فى روحها لمن وقعنا فى الواطه انا وهى وصحبتى وبدينا نهدى فيها ونكب فيها مويه عشان تفوق من الهستيريا المسكتها غايتو بالجد الناس البتعمل العمايل السوده دى فينا ليها يوم نحنا ذنبنا شنو ولزمو اصلا شنو الناس ابسط امنياتها تعيش فى امن وامان بالقليل وياها مستحملين البلا البنتكوى بيه من البالى بالكم اقلها يجوا على نفسهم شويه ويوفروا لينا الامان بدل تبقى موت وخراب ديار غايتو عيشنا يوم وليله ولا لبنان ولا فلسطين امدرمان بقيت منعزله ومنبوذه من الخرطوم وبحرى ربنا يرحم الماتوا فى الحادثتين ديل ويستر على باقى عباده ويحلها من عنده بلا دمار وقتل رحمتا بالنفوس الطيبه الماليها ذنب فى اى شى وهى البضيع اول شى
(عدل بواسطة رانيه محمد الشيخ on 09-01-2013, 10:31 PM)
|
|
|
|
|
|
|
العنوان |
الكاتب |
Date |
مواقف عصيبه ,.,., | رانيه محمد الشيخ | 01-27-13, 01:18 PM |
Re: مواقف عصيبه ,.,., | رانيه محمد الشيخ | 01-27-13, 01:55 PM |
Re: مواقف عصيبه ,.,., | ياسر السر | 01-27-13, 02:15 PM |
Re: مواقف عصيبه ,.,., | رانيه محمد الشيخ | 01-27-13, 02:24 PM |
Re: مواقف عصيبه ,.,., | رانيه محمد الشيخ | 01-27-13, 02:40 PM |
Re: مواقف عصيبه ,.,., | سامى عبدالله | 01-28-13, 00:52 AM |
Re: مواقف عصيبه ,.,., | رانيه محمد الشيخ | 01-28-13, 09:24 AM |
Re: مواقف عصيبه ,.,., | رانيه محمد الشيخ | 01-28-13, 11:37 AM |
Re: مواقف عصيبه ,.,., | رانيه محمد الشيخ | 01-28-13, 12:25 PM |
Re: مواقف عصيبه ,.,., | رانيه محمد الشيخ | 01-28-13, 12:35 PM |
Re: مواقف عصيبه ,.,., | رانيه محمد الشيخ | 01-28-13, 01:18 PM |
Re: مواقف عصيبه ,.,., | رانيه محمد الشيخ | 01-29-13, 08:32 AM |
Re: مواقف عصيبه ,.,., | خالد عبدالوهاب | 01-29-13, 09:10 AM |
Re: مواقف عصيبه ,.,., | رانيه محمد الشيخ | 01-29-13, 09:32 AM |
Re: مواقف عصيبه ,.,., | رانيه محمد الشيخ | 01-29-13, 09:45 AM |
Re: مواقف عصيبه ,.,., | إدريس محمد إبراهيم | 01-29-13, 10:19 AM |
Re: مواقف عصيبه ,.,., | رانيه محمد الشيخ | 01-29-13, 10:56 AM |
Re: مواقف عصيبه ,.,., | رانيه محمد الشيخ | 01-29-13, 11:38 AM |
Re: مواقف عصيبه ,.,., | رانيه محمد الشيخ | 01-29-13, 11:44 AM |
Re: مواقف عصيبه ,.,., | سامى عبدالله | 01-29-13, 04:13 PM |
Re: مواقف عصيبه ,.,., | رانيه محمد الشيخ | 01-30-13, 08:27 AM |
Re: مواقف عصيبه ,.,., | رانيه محمد الشيخ | 01-30-13, 08:57 AM |
Re: مواقف عصيبه ,.,., | رانيه محمد الشيخ | 01-30-13, 12:39 PM |
Re: مواقف عصيبه ,.,., | رانيه محمد الشيخ | 02-04-13, 01:27 PM |
Re: مواقف عصيبه ,.,., | رانيه محمد الشيخ | 02-06-13, 08:46 AM |
Re: مواقف عصيبه ,.,., | showgi idriss | 02-06-13, 09:47 AM |
Re: مواقف عصيبه ,.,., | Musab Osman Alhassan | 02-06-13, 10:13 AM |
Re: مواقف عصيبه ,.,., | رانيه محمد الشيخ | 02-06-13, 10:51 AM |
Re: مواقف عصيبه ,.,., | رانيه محمد الشيخ | 02-07-13, 07:20 AM |
Re: مواقف عصيبه ,.,., | على عبدالله بشير | 02-07-13, 01:57 PM |
Re: مواقف عصيبه ,.,., | رانيه محمد الشيخ | 02-08-13, 09:30 AM |
Re: مواقف عصيبه ,.,., | رانيه محمد الشيخ | 03-07-13, 10:36 AM |
Re: مواقف عصيبه ,.,., | رانيه محمد الشيخ | 03-08-13, 10:57 AM |
Re: مواقف عصيبه ,.,., | رانيه محمد الشيخ | 03-08-13, 11:20 AM |
Re: مواقف عصيبه ,.,., | رانيه محمد الشيخ | 03-08-13, 12:32 PM |
Re: مواقف عصيبه ,.,., | رانيه محمد الشيخ | 03-10-13, 02:02 PM |
Re: مواقف عصيبه ,.,., | رانيه محمد الشيخ | 03-10-13, 02:32 PM |
Re: مواقف عصيبه ,.,., | رانيه محمد الشيخ | 03-10-13, 02:39 PM |
Re: مواقف عصيبه ,.,., | رانيه محمد الشيخ | 03-10-13, 02:41 PM |
Re: مواقف عصيبه ,.,., | رانيه محمد الشيخ | 03-10-13, 02:47 PM |
Re: مواقف عصيبه ,.,., | رانيه محمد الشيخ | 03-17-13, 07:22 AM |
Re: مواقف عصيبه ,.,., | رانيه محمد الشيخ | 04-01-13, 11:44 AM |
Re: مواقف عصيبه ,.,., | رانيه محمد الشيخ | 04-01-13, 12:33 PM |
Re: مواقف عصيبه ,.,., | رانيه محمد الشيخ | 04-01-13, 12:40 PM |
Re: مواقف عصيبه ,.,., | الزبير بشير | 04-01-13, 03:05 PM |
Re: مواقف عصيبه ,.,., | رانيه محمد الشيخ | 04-02-13, 08:58 AM |
Re: مواقف عصيبه ,.,., | الزبير بشير | 04-02-13, 10:09 AM |
Re: مواقف عصيبه ,.,., | رانيه محمد الشيخ | 04-02-13, 11:46 AM |
Re: مواقف عصيبه ,.,., | Alfarwq | 04-02-13, 12:32 PM |
Re: مواقف عصيبه ,.,., | رانيه محمد الشيخ | 04-02-13, 12:56 PM |
Re: مواقف عصيبه ,.,., | رانيه محمد الشيخ | 05-17-13, 12:18 PM |
Re: مواقف عصيبه ,.,., | صلاح عباس فقير | 05-17-13, 08:44 PM |
Re: مواقف عصيبه ,.,., | رانيه محمد الشيخ | 05-18-13, 09:30 AM |
Re: مواقف عصيبه ,.,., | رانيه محمد الشيخ | 05-18-13, 09:37 AM |
Re: مواقف عصيبه ,.,., | رانيه محمد الشيخ | 05-18-13, 09:47 AM |
Re: مواقف عصيبه ,.,., | رانيه محمد الشيخ | 05-18-13, 09:55 AM |
Re: مواقف عصيبه ,.,., | رانيه محمد الشيخ | 05-18-13, 10:01 AM |
Re: مواقف عصيبه ,.,., | رانيه محمد الشيخ | 05-18-13, 10:10 AM |
Re: مواقف عصيبه ,.,., | رانيه محمد الشيخ | 05-18-13, 10:16 AM |
Re: مواقف عصيبه ,.,., | رانيه محمد الشيخ | 05-18-13, 10:20 AM |
Re: مواقف عصيبه ,.,., | رانيه محمد الشيخ | 05-18-13, 10:27 AM |
Re: مواقف عصيبه ,.,., | رانيه محمد الشيخ | 06-14-13, 11:18 AM |
Re: مواقف عصيبه ,.,., | رانيه محمد الشيخ | 06-14-13, 11:24 AM |
Re: مواقف عصيبه ,.,., | رانيه محمد الشيخ | 06-14-13, 11:51 AM |
Re: مواقف عصيبه ,.,., | رانيه محمد الشيخ | 06-14-13, 12:25 PM |
Re: مواقف عصيبه ,.,., | رانيه محمد الشيخ | 07-01-13, 11:40 AM |
Re: مواقف عصيبه ,.,., | رانيه محمد الشيخ | 08-18-13, 02:26 PM |
Re: مواقف عصيبه ,.,., | رانيه محمد الشيخ | 08-29-13, 01:26 PM |
Re: مواقف عصيبه ,.,., | رانيه محمد الشيخ | 09-01-13, 10:11 AM |
Re: مواقف عصيبه ,.,., | رانيه محمد الشيخ | 09-01-13, 10:19 AM |
Re: مواقف عصيبه ,.,., | رانيه محمد الشيخ | 09-01-13, 01:02 PM |
Re: مواقف عصيبه ,.,., | رانيه محمد الشيخ | 09-01-13, 10:23 PM |
Re: مواقف عصيبه ,.,., | رانيه محمد الشيخ | 09-02-13, 01:12 PM |
Re: مواقف عصيبه ,.,., | رانيه محمد الشيخ | 09-17-13, 12:19 PM |
Re: مواقف عصيبه ,.,., | رانيه محمد الشيخ | 09-20-13, 01:59 PM |
Re: مواقف عصيبه ,.,., | رانيه محمد الشيخ | 11-14-13, 10:40 AM |
Re: مواقف عصيبه ,.,., | رانيه محمد الشيخ | 11-15-13, 12:50 PM |
Re: مواقف عصيبه ,.,., | رانيه محمد الشيخ | 11-15-13, 09:06 PM |
Re: مواقف عصيبه ,.,., | رانيه محمد الشيخ | 11-15-13, 09:40 PM |
Re: مواقف عصيبه ,.,., | رانيه محمد الشيخ | 11-16-13, 12:35 PM |
Re: مواقف عصيبه ,.,., | محمد فضل الله المكى | 11-25-13, 10:34 AM |
Re: مواقف عصيبه ,.,., | وضاحة | 11-25-13, 10:39 AM |
Re: مواقف عصيبه ,.,., | محمد فضل الله المكى | 11-26-13, 07:55 AM |
Re: مواقف عصيبه ,.,., | محمد فضل الله المكى | 12-02-13, 10:57 AM |
Re: مواقف عصيبه ,.,., | رانيه محمد الشيخ | 12-02-13, 10:03 PM |
Re: مواقف عصيبه ,.,., | محمد فضل الله المكى | 12-03-13, 05:46 AM |
Re: مواقف عصيبه ,.,., | محمد فضل الله المكى | 12-03-13, 08:01 AM |
Re: مواقف عصيبه ,.,., | رانيه محمد الشيخ | 12-10-13, 02:22 PM |
Re: مواقف عصيبه ,.,., | محمد فضل الله المكى | 12-11-13, 05:10 AM |
Re: مواقف عصيبه ,.,., | عبيد الطيب | 12-11-13, 05:28 AM |
Re: مواقف عصيبه ,.,., | محمد فضل الله المكى | 12-11-13, 05:36 AM |
Re: مواقف عصيبه ,.,., | محمد فضل الله المكى | 12-11-13, 06:48 AM |
|
|