|
Re: الأستاذ محجوب شريف يرثي الدكتور بدر الدين مختار (Re: Yasir Elsharif)
|
كان بدري عليك يا بدر الدين ود فضل السيد كان بدري عليك يازول يا ذوق داني الثمرات ومكانن فوق أعلي الاشجار وضاح صداح قمريك قوقاي بين الأغصان انسان فنان ومحب للطب وجدان سودان أقصى العالم أياً كانت تلك البلدان النجمه هناك تاخد منك انت العنوان والنسمه تمر طعم الحلو مر ياقلية بن في بيت الجار والأّنسِ جميل يابنت النيل النيل النيل من لايبزج نمشي امدرمان جيتك ممكون ياخي وبردان ياما ادفيت ممتن للناس انا ما مجروح ماكنت بظن قدامي تروح تختلي بالموت وتبوح بالروح كان صوت الموت جنبك مبحوح ماقادر حتي يعاين ليك فالهيبه تلوح والوجه صبوح والرضا فواح من ورده تفرهد في خديك يوميين والشوق لابس راجيك أحلى القمصان وعشمنا نشوفك ونلاقيك لو تعرف كم يابدر التم اشتقنا اليك بس ما أعلاك بين الأفلاك واذا بالشوق خزان احزان كان بدري عليك قد كنت أخاً أماً وأباً أيام وأبّنْ ياصافي لبن يمتدَّن بيك الله يخليك الله يعليك يابدر الدين ود فضل السيد
حُزن يكمم أفواه الحروف
تغمد الله الفقيد برحمته وجعل مثواه الجنة مع تعازينا الحارة للجميع
ويا المحجوب سلام عليك سلام لروحك الوارفة وقلبك الملآن بالمحبة
|
|
|
|
|
|
|
|
|