المرهف بدري الياس والفنان سيف عثمان ( شارع النيل ) فديو

مرحبا Guest
اخر زيارك لك: 05-31-2024, 06:50 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-19-2013, 09:46 AM

saidahmed shami
<asaidahmed shami
تاريخ التسجيل: 01-08-2013
مجموع المشاركات: 2348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: المرهف بدري الياس والفنان سيف عثمان ( شارع النيل ) فديو (Re: نعمات حمود)


    الحبيبة الطيور
    التّموت دونْ غناها
    الحبيبة السّحابه
    اليَرَضِّعْ نداها
    الحبيبة التراب
    المَعَطَّرْ مداها
    تبين في البيوت
    المَطَيَّن رِدَاها
    وهي نفس الشوارع
    المَغَبَّرْ سماها
    الضُّرَاعْ البِتَنْزِف
    فطوره وغداها ...

    الحبيبة المعاني
    الضفاف ..
    الرصيف..
    المرافي التّقِيف
    شان تَقَعِّدْ ضُيوفه
    وهي حُضْن المواني
    الحنينه ..
    الولُوفَه

    الحبيبة الأنامل
    التَلَقِّمْ أغاني
    وتدَرِّجْ خُطاك
    للزمان الفلاني
    وتَطَعِّم دِماك
    بي رحيق الثواني
    وتسافر معاك
    في الغياب الزماني
    وتَغِّيبْ رُؤَاكْ
    في الحقول
    الأماني ...

    الحبيبة البِتَسْكِن
    مسام القصيدة
    وتفَكْفِك رموزه
    القريبه وبعيده
    الحبيبة التريده
    وتطمِّنْ خواطرَك
    رُؤَاها العنيده
    تشوف البحر ..
    كبرياهُو الجميل
    والعوالم الجديده ...
    إذا ما تجيك
    والصباح مَدّةْ إيده ...

    الحبيبة الأهل ..
    قومَتُنْ لي لقاك
    فرحتُن والأمل
    دخلتُن في دماك
    مرقتُن للعمل
    طلَّتُن في صفاك
    نهرتُن في الزعل
    حضرَتُن في مساك
    اصدقاك والجدل
    في مآسي الهناك
    والتِّميرْ العَوَلْ
    مدَّتْ إيدُن معاك
    شان تَسِنْدُو الحَتَلْ
    نظرتُن للفكاك
    والبلاد العَدَلْ
    تشتهيك في الرعود
    في الرزاز النّزَل
    هاكا كلَّ الوُعود
    بس تعود بى مهل

    الحبيبة الدُّعَاش
    كرنفال المطر
    شوق حَوَاسْ الرّشَاش
    لي حكاوي الزهر
    جُمْلةْ بين عاشقين
    لا رَوَاهَا الكلام
    لا حَمَاهَا الحَذَر
    فَرْحَةْ العايدين
    فُوحْ جَنَاين السَّلام
    نار دُمُوعْ السَّفَر
    جَيَّةْ الماب يَحِينْ
    سِرْ مَلامْحْ الصُّوَرْ
    تَمْتَمَاتْ اللُّحُون
    في عُرُوقْ الوَتَرْ
    حين تَمُرْ بالقَصِيدْ
    فيك يبِين الأتَر
    تدخُلَك في النَّشِيد
    زي نُعَاس أو خَدَرْ

    الحبيبة الدُّروب
    التّوَالِف مَشِيك
    الحبيبة القريبة
    وتَرَاهِن عليك
    الحبيبة الصَّعِيبَة
    وتكون بين إديك
    الحبيبة البِتَفْرِد
    جُنُونَهْ وتَجِيك
    الحبيبة التَشُر
    ضَيْ صَبَاحْنَا الوَشِيك

    الحبيبة الدّوَانْكِي
    التّجِمْ الغُبُشْ
    حُلْمَهُنْْ في المَنَامْ
    صَحْيَتُنْ في الدغش
    إلفَهُنْ والخِصَامْ
    لا الأَشَوْ ... لا الرُّوُشْ
    الحبيبة التّخُشْ
    في ضُفُور الكلام
    حين تَحَضْنْ الطّوَارِي
    الإدين الخُرُشْ

    الحبيبة الشَّمِشْ
    كبرياء الدُّخول
    والطلُوع الحِمِشْ
    لون سلام الحقول
    والنخيل اليَهِشْ
    لي وصول الرِّيَاح
    والصراح اليَمِشْ
    في حنايا الصَّباح
    الحبيبة الصباح ...
    الحبيبة الشمش ...



    الحبيبه بصوت الشاعر بدري الياس



    الحبيبه بصوت الفنان جلال كودري






    نعمات خليك قريبة من البوست

    (عدل بواسطة saidahmed shami on 08-19-2013, 09:47 AM)
                  

العنوان الكاتب Date
المرهف بدري الياس والفنان سيف عثمان ( شارع النيل ) فديو saidahmed shami08-18-13, 11:22 AM
  Re: المرهف بدري الياس والفنان سيف عثمان ( شارع النيل ) فديو الزنجي08-18-13, 12:25 PM
    Re: المرهف بدري الياس والفنان سيف عثمان ( شارع النيل ) فديو saidahmed shami08-18-13, 01:08 PM
      Re: المرهف بدري الياس والفنان سيف عثمان ( شارع النيل ) فديو saidahmed shami08-19-13, 04:45 AM
        Re: المرهف بدري الياس والفنان سيف عثمان ( شارع النيل ) فديو نعمات حمود08-19-13, 09:23 AM
          Re: المرهف بدري الياس والفنان سيف عثمان ( شارع النيل ) فديو نعمات حمود08-19-13, 09:36 AM
            Re: المرهف بدري الياس والفنان سيف عثمان ( شارع النيل ) فديو saidahmed shami08-19-13, 09:46 AM
              Re: المرهف بدري الياس والفنان سيف عثمان ( شارع النيل ) فديو saidahmed shami08-19-13, 10:56 AM
                Re: المرهف بدري الياس والفنان سيف عثمان ( شارع النيل ) فديو الشيخ سيد أحمد08-19-13, 01:40 PM
                  Re: المرهف بدري الياس والفنان سيف عثمان ( شارع النيل ) فديو saidahmed shami08-19-13, 01:54 PM
                    Re: المرهف بدري الياس والفنان سيف عثمان ( شارع النيل ) فديو saidahmed shami08-20-13, 04:58 AM
                      Re: المرهف بدري الياس والفنان سيف عثمان ( شارع النيل ) فديو نعمات حمود08-20-13, 06:00 AM
                        Re: المرهف بدري الياس والفنان سيف عثمان ( شارع النيل ) فديو saidahmed shami08-20-13, 07:21 AM
                          Re: المرهف بدري الياس والفنان سيف عثمان ( شارع النيل ) فديو saidahmed shami08-21-13, 04:54 AM
                            Re: المرهف بدري الياس والفنان سيف عثمان ( شارع النيل ) فديو نعمات حمود08-21-13, 08:28 AM
                              Re: المرهف بدري الياس والفنان سيف عثمان ( شارع النيل ) فديو نعمات حمود08-21-13, 08:48 AM
                                Re: المرهف بدري الياس والفنان سيف عثمان ( شارع النيل ) فديو saidahmed shami08-21-13, 09:13 AM
                                Re: المرهف بدري الياس والفنان سيف عثمان ( شارع النيل ) فديو بله محمد الفاضل08-21-13, 09:13 AM
                                  Re: المرهف بدري الياس والفنان سيف عثمان ( شارع النيل ) فديو saidahmed shami08-21-13, 09:19 AM
                                    Re: المرهف بدري الياس والفنان سيف عثمان ( شارع النيل ) فديو saidahmed shami08-22-13, 04:58 AM
                                      Re: المرهف بدري الياس والفنان سيف عثمان ( شارع النيل ) فديو saidahmed shami08-25-13, 05:11 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de