|
Re: المرهف بدري الياس والفنان سيف عثمان ( شارع النيل ) فديو (Re: نعمات حمود)
|
مراره - بدري الياس
كر من بلادك يا حبيب تدلق همومه على قفاك كرباج من الوجع العصيب قلبك يطرز دمو منديل الولف وشرفك تأشرلك هلاك غرفك بتعزم من شبابيكا الضلام وأيامك الواقفات تحية جندي بي كف الكتيل تدميك ممكن ومستحيل تسبيك وعينك في الفكاك تعطش ونيلك كم سبيل ترميك في الآخر غريب وانت الجنا الما فات هواها شبر جفا واقف على جمر المحبة وما انكفى كلما جاتو نسمة عافية ضرى غناهو صفق دمعو بالترحاب وفرّش حوش وفاهو وفا لا سدّ باب لاهو اليعلي تقانتو من تالا الصحاب لا ختا في إخلاصو عيب تكتح بصيرتك كل صباح ألوان قباح يدوخ حرفك قبل يمرق تعاين فكرتك مسلوخة والعالم يحندك فيك تشم بوخة زبالة الروح تروح فد مرة عن ذاتك تغيب يا دي المرة يا جرح البلاد الخازن الرافض يطيب وديل كم حسرة لاقيت موتك الهيبة الوسيم قالدتو ما عرفك ... كشفت سماك شاف صفق الحيا المحتوت وقبل غادي إترجيتو قام صداك غمدتلو الفيها النصيب وديل كم عبرة في بابك وقف صياد ونشن لي معاد جوّاك مع زهرة وغمزلك : "جيب.." وشوف كم مرة تتهشم مراية الذات مع دخلة ملامح المرقه كم بندق أمان جوّاك يترايم يخف قلبك .. ينقز فوق قزاز كاس الحيا المكسور يمد دمعك إديهو الماب تحوق الفيك يشيح وجع الوداع في إديك كل ما المطار غيَّب قريب وتجفل كلما الأوتار تنوح بالغربة والأسفار يرك طير الليالي على حبال الذكرى يبدا يهز ويتساقط عقاب جَلَدَكْ مع دمع الفراق الحار وتتأوه .. كأنو قطر هواك المرَّ شتّت ملحو فوق جرح القضيب وتفجعك الحبيبة وكت غناك الفوقا ما يلفت بصيرتا للجمال الفيك تزوغ الدنيا من تحتك تمليك الهلاك ريح العدم حواليك رماد الخيبة في دمك يدخن سم وينكرك الزمن ينفيك وتقسم .. ما يقيف غفران على بابك ولا حزن الشجر يوفيك يكضبك الحنين بكره وتعاين قلبك الخاين ضبط ساعة انكسارو على مواعيده ومرق أسراب قصايدو وساقه بي نفس الدريب كأنها غربتك قدرك ومنافي محل تمدو مناك للمافي تدولق صبرك الأيام وتدلق حنّك الطافي تحنس رحمة النسيان وتابالك يسير قلبك على شوك الزمن حافي ورجاك يخيب
نعمات شكرا علي رفع البوست
|
|
|
|
|
|
|
العنوان |
الكاتب |
Date |
المرهف بدري الياس والفنان سيف عثمان ( شارع النيل ) فديو | saidahmed shami | 08-18-13, 11:22 AM |
Re: المرهف بدري الياس والفنان سيف عثمان ( شارع النيل ) فديو | الزنجي | 08-18-13, 12:25 PM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-18-13, 01:08 PM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-19-13, 04:45 AM |
Re: المرهف بدري الياس والفنان سيف عثمان ( شارع النيل ) فديو | نعمات حمود | 08-19-13, 09:23 AM |
Re: المرهف بدري الياس والفنان سيف عثمان ( شارع النيل ) فديو | نعمات حمود | 08-19-13, 09:36 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-19-13, 09:46 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-19-13, 10:56 AM |
Re: المرهف بدري الياس والفنان سيف عثمان ( شارع النيل ) فديو | الشيخ سيد أحمد | 08-19-13, 01:40 PM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-19-13, 01:54 PM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-20-13, 04:58 AM |
Re: المرهف بدري الياس والفنان سيف عثمان ( شارع النيل ) فديو | نعمات حمود | 08-20-13, 06:00 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-20-13, 07:21 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-21-13, 04:54 AM |
Re: المرهف بدري الياس والفنان سيف عثمان ( شارع النيل ) فديو | نعمات حمود | 08-21-13, 08:28 AM |
Re: المرهف بدري الياس والفنان سيف عثمان ( شارع النيل ) فديو | نعمات حمود | 08-21-13, 08:48 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-21-13, 09:13 AM |
Re: المرهف بدري الياس والفنان سيف عثمان ( شارع النيل ) فديو | بله محمد الفاضل | 08-21-13, 09:13 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-21-13, 09:19 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-22-13, 04:58 AM |
Re: المرهف بدري الياس والفنان سيف عثمان ( شارع النيل ) فديو | saidahmed shami | 08-25-13, 05:11 AM |
|
|
|