ناس دارفور يقتلون إخوانهم بأيديهم .. والشماعة الوحيدة : حكومة الجلابة

Quote: قرأت اليوم خبر مؤسف عن نزاع بين اهلنا الهوسا و اهلنا الهدندوة في شرق السودان..و ان السلاح المستخدم هو السلاح الأبيض.. تفتكر ليه؟.. ليه في شرق السودان مافي سلاح حديث منتشر بمثلما الإنتشار الحاصل في غرب السودان ، مع توفر نفس المعطيات الموضوعية..يعني الشرق مجاور لإثيوبيا..و اثيوبيا فيها حرب استمرت سبعة عشر عام متواصلة.. ليه ما اتسرب السلاح لشعوب شرق السودان؟..في نفس الوقت.. المعارضة المسلحة ضد حكومة الجبهة الإسلامية في التسعينات انطلقت من ارتريا يعني حدود شرق السودان..و كانت ليها عمليات في شرق السودان..و ناس شرق السودان كان عندهم فصيل الأسود الحرة المسلح.. ليه ما انتشر السلاح هناك؟ ليه مافي نزاعات دموية يستخدم فيها السلاح الحديث؟.. في نفس الوقت غرب السودان بتربطوا حدود مع تشاد..و تشاد كانت فيها حروب كثيرة..و تسرب السلاح التشادي و السلوك العنيف الى غرب السودان.. تفتكر ليه؟..في نفس الوقت انطلقت معارضة مسلحة في غرب السودان..و اهو زي ما شايف السلاح على قفا من يشيل..و النزاعات الدموية على قفا من يشيل.. تفتكر ليه؟..