يا ملاسي علييك الله أشرح لي حمزة سليمان قال شنو؟؟

Quote: يا زول ذاكرة شنو البتخونك , هي وينها الذاكرة المفترى عليها دي , اها خدوا زي الصادق دا يجيك معارض زي مكنة المازدا ويقول ليهو كلام بثقة متفوق علي ثقة عمر الفاروغ في النقد الفني وبي تحليلات فطيرة ما اتعب نفسه فيها زاتو , اولن بالتبادي يا الصادق لو انت بطلت القراية بالاضنين كان لقيتني قبييل قلت اني زول من ربنا ما خلقني موهبة واااحدة ما عندي , زول ساااكت بدون مواهب وابداع ما عندي علاقة باي ضرب من ضروب الابداع , عشان كدا لا حاولت اكون كاتب ولا فشلت ولا الموضوع دا اصلن كان بيمثل ولو نسبة يسيرة من اهتماماتي في يوم من الايام , انا زي قلت زمااان في المنبر دا انه اللماني بسودانيز اون لاين دي الشات بتاعها , كان فيها اشد شات سوداني واصلن مافي بورد فيها بس شات , وطبعا الزمن داك كمغتربين جداد وما عندنا موضوع وعايشين في السعودية بنين , مافي حل تلقي الجنس اللطيف الا في زي شات ود حبيب واللهو بكري ابو بكر الواحد دا , فزي ما قلت زمااان دخلت بكامل الالق الرومانسي والبحث عن الجنس اللطيف وقتها , وبالصدفة البحتة قمت جربت رقبتي في الكتابة لقيت ليك الموضوع ولا صعب ولا حاجة وانه زي ما بتتكل في اي لستك مدفون في ناصية الشارع وتتونس مع اولاد الحلة وتنظر معاهم عن الكورة والكحومة والخدمة الالزامية والجزر نفس الحاجة دي ممكن تعملها بس الفكرة في انه في ناس ماخدين الونسة دي بصورة جادة ودايرين يشيلوا بيها الحكومة البنتونس فيها دي , فشنو دخلت وبقيت شغال مغارز للمناضلين , الله وكيلك يا الصادق بعد فترة قصيرة لقيت ليك روحي الله ورقبتي كفة والبورد دا كله كفة وممكن ترجع الارشيف , اها دي الفترة الاكتشفت ليك فيها فصاحتي وانه المسالة كلها حنك في حنك وزي ما بيقول امين نوتة الناس الكانوا ما عاجبهم حنك المناضلين او الرماديين بالجنيه القديم التفوا ليك معاي ونصبوني ليك امير الظلام مقابل امارة الاستنارة وهاااك يا زمن لكن من كلامك دا ما حرقتني الا حتة واحدة اللهي ( شاهدنا ) طرده من منبر اخر !!؟ بتين شاهدت يالعشا بلبن ؟ يعني اي زول طاشى جاب ليهو كلام بدون ادلة بيبقي من مشاهداتك الشخصية الصادق بررررررررررة بنلحقك سفنجاتك بس انت دردق عجلك سريع