من وأد الديمقراطية في مصر ؟!!

Quote: امين رمضان كريم لن يحدث انقلاب كامل الدسم كما تظن، اعتقد ان الجيش أراد إرسال رسالة للإخوان انو دا انقلاب ونحن مسيطرين ولباقي القوى قال ليهم حنعمل تحقيق وقبضوا على ميتين نفر ستتم محاكمتهم والموضوع ينتهي على كدة بالطبع أتمنى ان يفعلوا ما ذكرت عشان المسالة تكون واضحة بدل الدغمسة البيعملو فيها دي يا يعملوا انقلاب عديل بي حالة طواريه واعتقالاتو يا يرجعوا مرسي ويا دار ما دخلك شر بدل جهجه الباكات اغلب يعملوا فيها دي يقولوا ليك ما انقلاب ويتصرفوا تصرفات انقلابيين قتل أنصار مرسي أمام الحرس الجمهوري مسؤول منو الجيش مسؤولية كاملة.

طيب ياخي إذا المسألة كده، ما يكلمو ناسهم و ناسنا بجاي إنو الموضوع إنقلاب عسكري متنكر !!
علم الله فترنا من شرح المشروح و فضح المفضوح !!
بعدين يا صادق، زي ما قلت لوليد فوق : القصة دي القيامة أمها بت عم أبوها، يعني مافي هدوء و عودة الامور لمجاريها و الحنك ده، من هنا و لقدام كان في مصر ولا غيرو، ما شايف ليكم غير البل يمشي على قدمين، قتل و ضبح و فتن تخلي الحاصل هسي ده هزار ساي !!
---------------
غايتو عزومتك نجيك ليها في الجنة إن شاء الله