|
|
 Re: عن حبيبتي ( أركويت ) بحكي ليكم ... (Re: سمرية)
|
(7)
ذاكرتي البكر ، كانت لا تزال تحتفظ بذكرى جميلة لرنين الهاتف ،
او ربما لهيئته ، باللون الاسود اللامع والسماعة التقيلة والاقراص الدائرية ،
كنت احكي لامي عن ذلك ، فكانت تقول لي :
ما ممكن تكوني بتتذكري تلفوننا في بيتنا حق ( السجانة ) ،
لانك كنت مشي ما بتمشي ، لا يمكن تتذكري !
كنت اغالط امي واوصف لها شكل ( السايد بورد ) الذي كانوا يضعون عليه التلفون .
كمان بذكر رقمه كان ببدأ بـــ كم واربعين .. او ربما كان لدي خيال ( استباقي )
او ميتافزيقية الخيال ، لست ادري ..
ثم قرر ابي ذات يوم ، ان يدخل التلفون لبيتنا في اركويت ، فكيف السبيل ؟!
هل التلفونات وصلت اركويت خلاص ؟
اكد ابي انه رأي بعض العمدان ( الاعمدة ) قد وصلت اركويت ،
لذا سيتصل بمصلحة الهاتف للتأكد من الامر.
وفعلا ردوا عليه بان العمدان ( اعمدة ) ،
قد وصلت اركويت ولكن في مناطق معينة ومحدودة جدا ،
اما بالنسبة للمربع الذي نسكنه فلم تصل بعد ،
وان الامر قد يتطلب شهورا عديدة او ربما تمتد لسنوات حتى يتم توصيل كامل المنطقة ،
احزننا الخبر جدا ، بعد ان كنا نمنى الروح برنين الهاتف ،
الذي سوف يغير البيئة الصامتة للصالون ،
والذي قررنا ان نضع فيه الهاتف في حال تم توصيله ،
كنوع من الزينة وافتخارا بهذا الحدث التاريخي .
لذا حين سافر ابي للقاهرة ، احضر معه جهاز تلفون جميل جدا ..
كالذي كنت اشاهده في المسلسلات حقت الباشاوات ..
عندو رقبة طوويلة كدا ، ومغلف بــ معدن لامع جميل على شكل الخشب الفورمايكا ..
ووضعناهو في الصالون الى حين توصيل التلفونات !!
ثم بعد شهور ، لاحظنا وجود عمدان ( اعمدة ) في شارعنا ذاتو ،
فهرع ابي للمصلحة حتى يقوم بعمل اجراءات التوصيل .
ولكنهم خيبوا امله حين قالوا له ان هذه التلفونات تم توصيلها بـ ( العون الذاتي ) ،
ولم اعرف لغاية هسي ماهو العون الذاتي ؟
لكني فهمت فيما بعد ان العون الذاتي يعني احد الناس المهمين .
واقترحوا عليه في حال اراد التوصيل ان يقوم بشراء العمدان والاسلاك ،
وحينها ما على الهيئة الا توصيل ( الحرارة ) وما ادراكم ما ( الحرارة ) ..
وفعلا قام ابي بشراء عدد خمسة عمدان بمبلغ وقدره ، عشان يجرو لينا سلك من العمود الرئيسي الواصل بيت .. ( الفكي )
ايوة في حلتنا كان في ( فكي ) .. ومافي زول بعرف ليهو اسم غير الفكي ..
ما شاء الله عليه كان راجل واصل .. وعندو بيوت كتيرة .. وعيال كتار ماشاء الله
وكان اول تلفون يدخل حتتا ، كان ليهو هو ...!
وبعد ايام وجري ومتابعة ثم توصيل ( الحرارة ) و.. رن جرس الهاتف في بيتنا لاول مرة !
كررررررررررررررررن ، كرررررررررررررررن ..
لم يعجبنا الرنين لانه كان مختلفا عن الجرس التقليدي المعتاد ..
والذي كنا نسمعه ايضا في المسلسلات العربية ..
لذا طلبنا من ابي ان يغير لنا هذا التلفون المتطور ويبدله باخر ذو جرس معروف ..
ثم اعطونا الرقم والذي كان يبدأ بــ 222 ، اظننا عملنا كرامة لهذا الحدث الجلل ،
واظننا نشرنا الرقم في الصحف اليومية واعلانات التلفزيون القومي ..
لانه ومنذ ان اصبح لدينا عدد اتنين تلفون واحد في الصالون ،
حيث التلفون القشرة والاخر في غرفة ابي ،
لان غرفة ابي تتوسط البيت لذا كان مسموعا بجرسه الجميل في كل ارجاء البيت ...
رررررررررررررن ررررررررن ..
وما احلى اقراصه الدائرية التي تكركر حين كنا نتسلل خلسة لاجراء محادثة مع صديقاتنا ..
واجمل من ذلك حين كان التلفون يرن ..
ونتسابق جميعنا للرد عليه ، لنعلن بذلك انتصارا جميلا لا مثيل له .
معظم الاتصالات كانت بتكون ( النمرة غلط ) ، واجمل من ذلك حين كان يجد المتصل ..
نفرين بردوا عليه ، واحد من الصالون .. وواحد من غرفة ابي .. الووووووو .. منو معاي ؟!
هكذا كنا نبدأ المكالمة ، بهذا الشكل العشوائي .. ثم سرعان ما تطور الرد .. وتطورنا نحن ..
فيما بعد ، فقد يرن الهاتف ولا يرد عليه أحد ،
لان كل منا يعرف تماما مواعيد الاتصالات التي تخصه ،
حتى صار في بيتنا ذات يوم اربعة تلفونات شخصية ( الله يبارك في سوداتل ) ،
غير التلفون الرسمي للبيت !
في الفترة الاولى لتوصيل الهاتف ، كانت فترة مزعجة جدا لنا جميعا ،
فبعد ان انتهت ( الفرحة ) والتسابق ، جاءت الفترة المزعجة لنا جميعا
وهي وبعد ان عرف الكثير من الجيران اننا نملك هاتف ،
صار الجميع ياتوا لنا للاتصال باهلهم وخاصة باقاليم السودان ..
فصرت احفظ كل مفاتيح تلك المناطق
سنار 561 ، مدني 511 ، بورتسودان 311 .. الخ !
في البداية كان الامر يقتصر على الجيران المقربين ،
فكنا بكل رحابة صدر نتعاون معهم ونجري لهم المكالمة ،
وفي اوقات اخرى كنا نرد لهم على اتصالات اتية من دنقلا ، او حلفا ، او ابعد من ذلك ..
امريكا والسعودية والخليج .. واستمر الحال هكذا ..
لنبلغهم عن وفاة فلان ، او فلانة .. ا
و تأتي احدى الجارة لترد على المكالمة ثم نسمعها تولول .. داخل حوشنا ..
بعد ان تعرف ان اخوها توفي ، اختها ماتت في الولادة .. وكانت محن عجيبة خلاص !
تطور الحال ، فاصبح ياتي الينا كل من هب ودب ،
ناس من مربعات بعيدة خلاص ، مربع 54 .. ومربع 50 ..
ومرة كمان من مربع 68 .. ومرات عديدة من مربع 61 ..
الحكاية جرت شديد ، وبصراحة بقينا نتغاتت عليهم ،
لاننا فترنا عديل .. وزهجنا كلو كلو ..
لوقت طويل كنت اعتقد ان التلفون الموصل عندنا دا مجاني ..
لانه ما حصل يوم شووفت واحد جاء شايل فاتورة وقال هاكم دا استهلاككم ..
ولا شووفت يوم التلفون قطع عشان ما سددنا الفاتورة ..
لانه اصلا هو معظم الوقت بكون مقطوع ،
والحرارة كان عادي بتطش يوم يومين وترجع ،
ومرات شهور ما بكون في حرارة ..
ودي كانت مكنتنا حين نريد ان نطفش احد المتضهبين في بيتنا عشان يجري مكالمة ،
- الحرارة مافي !
- الحرارة مقطوعة !
- مافيه حرارة !
- التلفون مقطوع !
وكانت جرجرة طويلة جدا ، غياب الحرارة دي !
وفي وقت ما وبعد ان اصبحت علاقتي بالتلفون علاقة حياة جميلة وتواصل مع صديقات المدرسة ،
خاصة ايام الاجازة التي تمتد من شهر مارس وحتى اغسطس ،
وهذه الفترة بالذات كانت تصادف الخريف ..
والامطار التي كانت تجعل العمدان تقع او تتأرجح فتقع الاسلاك ،
او تنقطع تماما .. والكبائن تمتليء بالماء !
كنا اتابع عمال الصيانة من كباينة لـ كباينة ،
وهاكم رقمنا ، وصلحوا لينا رقمنا ، ومرات ابوي بقوم ( بحفز) العمال كما كانت ترشده امي ،
والتحفيز دا في راويات اخرى لم يكن سوى ( رشوة ) ..
ودا عشان يجتهدوا ويصلحوا لينا التلفون في وقت وجيز !
بقينا نعرف اسماء العمال ديل ، ونتعود على واحد معين ، ويصبح متعاون معانا ،
ومرات كنت بشك انه لما يفلس بجي يقطع الخطوط مخصوص ..
ألذ حاجة انا مرات كنت بقف جمبهم واشوفوا شغال كيف ،
وقدامه جقلمية خط متداخل في الف خط ملون ، وكنت بستغرب بفرز الخطوط دي كيفن ؟!
لغاية ما في يوم وراني الخط حقنا ..
وقال لي العمال ديل لما يجوا يصلحوا الخطوط ، بطبظوا ساي .. يفكوا دا ويركبوا دا .. فكان بقول :
عشان كدا : انت اول ما تيشوف اومال شغال هنا ، قول ليهو اقيف ما تلخبط خت هقنا !
بقت مرات لما الحرارة تقطع بجي براي وافتح الصندوق واشوف خطنا واصل ولا مقطوع ..
ولو لقيتو مفكوك ، طوالي بقوم برجعو محلو .. واجري البيت بلقاهو شغال زي العجب ...
وكما قلت لكم بان تلفوننا كان شبه مجاني ، كنا صايطنوا صواطة عجيبة ،
بالذات انا . كنت برفع السماعة وارد على مهوية ..
ودي صحبتي وكانت ساكنة الامتداد وزميلتي في المدرسة .
بقينا طوالي العصر ياهي تتصل يا انا ، وبنحل الواجب في التلفون .
ومرات كمان بنذاكر الاختبارات برضو بالتلفون .. وونسة تقيلة لغاية المغرب !
اجمل حاجة في التلفونات دي لما فجأة ترفع السماعة وتلقى الخط متشابك مع ناس تانية ،
وتكون سامع ونستهم عديل ... وصوتهم واضح جدا ،
وتقوم تجري جري تشوف التلفون التاني يمكن يكون في زول في البيت هو البتكلم ،
وتلقى التلفون التاني قاعد فاضي ولا في زول !
ترجع تشيل سماعتك واصلا بتكون خليتها برة عشان التشابك ما يروح وتقعد تسمع بمزاج !
مرات الونسة بتكون حقت نسوان ساي ، وكان شووفتي يا فلانة وكان ما شوفتي .. !
ومرات بتكون ونسة بين شابين ، حسهم تخين لا حولا .. !
ومرات بين بيت وولد ، ويا الله دي الونسة الكانت بتعجبني ..
-يوما داك جيت مالك ما مرقتي سلمت علي ؟
-بري والله ، ما شوفتك !
-وهسي الواحد كان داير يشوفك يسوي شنو ؟
-تعال ناس نعيمة انا متغدية معاهم بكرة !
ومرات الونسة بتكون ... لا حووولا .. لما تخاف ذاتو يسمعوا صوت انفاسك من الخوف !
الخطوط البتتشابك دي كانت احيانا مزعجة جدا ، لانه مرات خطنا ذاتو بدخل في التشابك دا ..
لفترة طويلة .. وتكون ما قادر تتصل او تستقبل مكالمة الا بعد الخطوط دي تفكفك !
رنين الهاتف العالمي ، كان دائما يحظي باهتمام موبالغ فيه ..
الجرس عادة كان بكون طووويل ..
تقوم امي تكورك دا صوت ( ترانك عالمي ) وفعلا نجري نلقاهو خالي متصل من امريكا ..
او عمي في العراق .. ودائما كنا بنرد عليهم سريع طالما الجرس معروف ومميز !
لوقت طويل صرنا نستفيد من هذا الاختراع ، رغم ان مشاكله اكتر من فوائده ..
بجيب لينا الهوا زي ما قالت اختي !
في بنات من بنات الحلة كانوا بستقبلوا مكالمات عندنا ،
والمكالمات كانت بتكون من شبان !
اها الواحدة كانت بتديهو زمن وتجي تنتظر بالساعات ،
ومرات بكون خطيبها واحدة من السعودية ومن وين ومن وين ؟
اها كمان تقوم هي تحصل ليها ظروف وما تقدر تجي تنتظر المكالمة ،
نقوم نحن نتولى امر المرسال ونجري ليها في البيت ، عشان نكلمها ،
لكن وحسب ما بتكون وصتنا ما نكلمها قدام امها .. مرات ما بنلقاها ،
ونلقى امها .. ويكون صعب نوريها سبب جيتنا ..
فنهرب منها وهي بتحاول تقررنا دايرنها لشنو ؟
الحركة دي كانت بتدخلنا في حتات ضيقة خلاص ، لكن نسوي شنو ؟
ثم وبعد سنوات ليست طويلة دخلت التلفونات بعض بيوت الحلة ،
والحلل المجاورة ، واصبحنا يشاركونا هم التلفونات دي .
- الحرارة عندكم في ؟
- بري والله قاطعة ليها يومين !
- نحن نحمد الله جاتنا أمس !
- ناس التلفونات ديل شكيتم على الله ، ولدي حيضرب الجمعة ويلقى الحرارة مافي !
- وانا مفروض بتي تضرب عشان توريني الفيزا حقتي مرقت ولا لسه ؟
فجأة وبدون ما ندري التلفونادت دي كلها وقفت ، ومافي عمال ولا غيرو ..
والعمدان زادوا جوا شالوها ،
ابوي طوال قال ليهم هوي : الاعمدة دي حقتي ونزولها لي فورا ..!
العمال استغربوا :
- كيفن يعني حقتك ؟!
طوالي ابوي مشي جاب فواتيره .. ووراها ليهم !
-موووش دي اوراق رسمية اها انا اشتريت العمدان دي بـ حُر مالي
العمال والمهندس المعاهوا اقتنعوا بعد ما اتصلوا بمصلحة الهاتف .. واكدوا لهم الامر !
العمدان رقدت في حوشنا لفترة كدا ، لغاية ما ابوي اتصرف فيها .. بكون باعها ليهم تاني !
وانقطعت عننا التلفونات نحن وكل ناس الحلة ،
حتى عادت من جديد وبعد اجراءات وجرجرة عجيبة ،
عادت للخدمة بعد ان تم عمل ما يسمي ( بالتحديث ) وعاد بنفس رقمه القديم !
اها استمر التلفونات الجديدة تتوافد تباعا ، وصارت الارقام تزداد ،
فبعد ان كانت 222 اصبحت 221 ، 223 ، 224 ، 225 ...
ومن ستة ارقام طبعا ، مووش زي حق ناس الخرطوم والسجانة والديوم الــ خمسة ارقام بس ..
لغاية ما جا وقت وقاموا زادو ليهم رقم على اليسار ..
ناس الخرطوم زادو ليهم 7 وناس السجانة والديم زادو ليهم 5 ..
حتى امدرمان وبحري زادوا ليهم 5 و3
لكن نحن الحمدلله بدينا بــ 6 طوالي ، عولمة وكدا !
وهنا دخلنا في مرحلة مختلفة جدا في تاريخ الاتصالات ،
فواتير ومقسم .. وخدمة مستمرة .. وخط تجاري ..
ودمغة جريح .. واييييييييك .. دفعنا لمن الله غفر لينا !
ادفع عشرة الف واحصل على خط هاتف .. بالتقسيط ! ..
سوداااااااااااااااااتل
ادفع عشرة الف وتحدث مع كل السودان .. !
سوووووودااااااااااااااااااتل
والله ما وراكم سوداتل اركويت الموجودة في ميدان مربع 50 ،
شرق جامع سيد احمد قريش ..
والجامع دا عندي فيه ذكريات سمحة خلاص ، ودا كان قبال الفترة دي بكتير ... !
في مقسم سوداتل اركويت كنت بتقيف صف طويل ،
عشان تدفع فاتورك والا الخط بقطع طوالي خاصة لو يوم 15 قرب !
وتدفع كامل الفاتورة .. مافي نقاش !
والا ..
( هذا الرقم مقطوع من الخدمة موقتاً .. )
موظفين جاهزين ومدربين عشان يواجهوا غضب المشترك ( الغير راضي ) ..
سوووووداتل ..
ومشاكل عجيبة كانت بتحصل في ( البكان ) دا .. كل الناس بقى عندها تلفونات ..
بتاع الدكان وبتاع البوتيك ، ومحل الاتصالات والله ما كتر الا الفئة دي .
بين كل محل اتصالات والتاني بكون في محل اتصالات .. والناس دي كلها بقت تنضم !
والسودان بقى كلو ينضم .. وغايتو !
وبقينا نعرف حاجات جديدة ما كنا بنعرفها ابدا ، فمثلا ابوي عرف انه ممكن يقفل مننا التلفون بشفرة بدون ما يحتاج لتركيب طبلة ..
ياخي منظر التلفون بالطبلة كان منظر محزن خلاص ..
وخاصة لما ابوي كان يطلع .. تلقانا نجري .. نضرب اي رقم عاوزين نتكلم بيه ..
بأن نرفع الطبلة بيدنا وندير الرقم .. باليد الاخرى ..
وشوية شوية بقينا نعرف نضرب اي الرقم بواسطة الحرارة ...
يعني الشفرة حقت سوداتل راحت شمار في مرقة .. ابوي بقى يدفع حق الشفرة كل شهر ..
وحق المكالمات الزايدة برضو ...
وكمان ظهر الكاشف .. .. ما الكاشف ..
ما الكاشف الفنان
كاشف الرقم طبعا .. ( جنس محن )
( يتبع )
( يتبع )
|
|
  
|
|
|
|
|
| العنوان |
الكاتب |
Date |
| عن حبيبتي ( أركويت ) بحكي ليكم ... | سمرية | 03-17-10, 06:48 AM |
| Re: عن حبيبتي ( أركويت ) بحكي ليكم ... | سمرية | 03-17-10, 07:02 AM |
| Re: عن حبيبتي ( أركويت ) بحكي ليكم ... | سمرية | 03-17-10, 07:06 AM |
| Re: عن حبيبتي ( أركويت ) بحكي ليكم ... | سمرية | 03-17-10, 07:15 AM |
| Re: عن حبيبتي ( أركويت ) بحكي ليكم ... | سمرية | 03-17-10, 07:29 AM |
| Re: عن حبيبتي ( أركويت ) بحكي ليكم ... | سمرية | 03-17-10, 07:52 AM |
| Re: عن حبيبتي ( أركويت ) بحكي ليكم ... | سمرية | 03-17-10, 08:53 AM |
| Re: عن حبيبتي ( أركويت ) بحكي ليكم ... | سمرية | 03-17-10, 09:29 AM |
| Re: عن حبيبتي ( أركويت ) بحكي ليكم ... | سمرية | 03-17-10, 10:27 AM |
| Re: عن حبيبتي ( أركويت ) بحكي ليكم ... | سمرية | 03-17-10, 01:30 PM |
| Re: عن حبيبتي ( أركويت ) بحكي ليكم ... | سمرية | 03-17-10, 01:35 PM |
| Re: عن حبيبتي ( أركويت ) بحكي ليكم ... | سمرية | 03-17-10, 01:39 PM |
| Re: عن حبيبتي ( أركويت ) بحكي ليكم ... | سمرية | 03-17-10, 01:43 PM |
| Re: عن حبيبتي ( أركويت ) بحكي ليكم ... | محمد الامين محمد | 03-17-10, 07:29 AM |
| Re: عن حبيبتي ( أركويت ) بحكي ليكم ... | سمرية | 03-17-10, 07:34 AM |
| Re: عن حبيبتي ( أركويت ) بحكي ليكم ... | عبد الدائم سيد أحمد | 03-17-10, 07:36 AM |
| Re: عن حبيبتي ( أركويت ) بحكي ليكم ... | سمرية | 03-17-10, 07:41 AM |
| Re: عن حبيبتي ( أركويت ) بحكي ليكم ... | عبد الدائم سيد أحمد | 03-17-10, 07:53 AM |
| Re: عن حبيبتي ( أركويت ) بحكي ليكم ... | سمرية | 03-17-10, 09:04 AM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 09:44 AM |
| Re: عن حبيبتي ( أركويت ) بحكي ليكم ... | سمرية | 03-17-10, 10:08 AM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 10:22 AM |
 Re: عن حبيبتي ( أركويت ) بحكي ليكم ... | على محمد الخير | 03-17-10, 10:43 AM |
| Re: عن حبيبتي ( أركويت ) بحكي ليكم ... | هواري نمر | 03-17-10, 11:11 AM |
| Re: عن حبيبتي ( أركويت ) بحكي ليكم ... | سمرية | 03-17-10, 12:01 PM |
| Re: عن حبيبتي ( أركويت ) بحكي ليكم ... | سمرية | 03-17-10, 11:46 AM |
| Re: عن حبيبتي ( أركويت ) بحكي ليكم ... | Ashraf El Bagir | 03-17-10, 10:57 AM |
| Re: عن حبيبتي ( أركويت ) بحكي ليكم ... | سمرية | 03-17-10, 12:36 PM |
| Re: عن حبيبتي ( أركويت ) بحكي ليكم ... | سمرية | 03-17-10, 12:55 PM |
| Re: عن حبيبتي ( أركويت ) بحكي ليكم ... | سمرية | 03-17-10, 11:24 AM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 11:59 AM |
| Re: عن حبيبتي ( أركويت ) بحكي ليكم ... | عبد الدائم سيد أحمد | 03-17-10, 12:16 PM |
| Re: عن حبيبتي ( أركويت ) بحكي ليكم ... | سمرية | 03-17-10, 01:02 PM |
| Re: عن حبيبتي ( أركويت ) بحكي ليكم ... | هواري نمر | 03-17-10, 12:20 PM |
 Re: عن حبيبتي ( أركويت ) بحكي ليكم ... | على محمد الخير | 03-17-10, 12:56 PM |
| Re: عن حبيبتي ( أركويت ) بحكي ليكم ... | سمرية | 03-17-10, 01:15 PM |
| Re: عن حبيبتي ( أركويت ) بحكي ليكم ... | سمرية | 03-17-10, 12:43 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 01:04 PM |
| Re: عن حبيبتي ( أركويت ) بحكي ليكم ... | عبد الدائم سيد أحمد | 03-17-10, 01:21 PM |
| Re: عن حبيبتي ( أركويت ) بحكي ليكم ... | سمرية | 03-17-10, 01:54 PM |
| Re: عن حبيبتي ( أركويت ) بحكي ليكم ... | سمرية | 03-17-10, 01:25 PM |
| Re: عن حبيبتي ( أركويت ) بحكي ليكم ... | anwar abu gaidaa | 03-17-10, 01:59 PM |
| Re: عن حبيبتي ( أركويت ) بحكي ليكم ... | سمرية | 03-17-10, 02:15 PM |
| Re: عن حبيبتي ( أركويت ) بحكي ليكم ... | حافظ حسن ابراهيم | 03-17-10, 02:01 PM |
| Re: عن حبيبتي ( أركويت ) بحكي ليكم ... | سمرية | 03-17-10, 02:21 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 02:04 PM |
| Re: عن حبيبتي ( أركويت ) بحكي ليكم ... | ابوحراز | 03-17-10, 02:04 PM |
| Re: عن حبيبتي ( أركويت ) بحكي ليكم ... | طارق جبريل | 03-17-10, 02:10 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 02:21 PM |
| Re: عن حبيبتي ( أركويت ) بحكي ليكم ... | معتصم دفع الله | 03-17-10, 03:21 PM |
| Re: عن حبيبتي ( أركويت ) بحكي ليكم ... | خالد عبد الله محمود | 03-17-10, 04:03 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 05:18 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 05:20 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 05:30 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 05:34 PM |
| Re: عن حبيبتي ( أركويت ) بحكي ليكم ... | مزمل خيرى | 03-17-10, 05:38 PM |
| Re: عن حبيبتي ( أركويت ) بحكي ليكم ... | طارق جبريل | 03-17-10, 07:59 PM |
| Re: عن حبيبتي ( أركويت ) بحكي ليكم ... | على محمد الخير | 03-17-10, 10:46 PM |
| Re: عن حبيبتي ( أركويت ) بحكي ليكم ... | سيف الدولة كامل | 03-18-10, 00:09 AM |
| Re: عن حبيبتي ( أركويت ) بحكي ليكم ... | Ashraf El Bagir | 03-18-10, 04:26 AM |
| Re: عن حبيبتي ( أركويت ) بحكي ليكم ... | سمرية | 03-18-10, 12:11 PM |
| Re: عن حبيبتي ( أركويت ) بحكي ليكم ... | سمرية | 03-18-10, 10:51 AM |
| Re: عن حبيبتي ( أركويت ) بحكي ليكم ... | سمرية | 03-18-10, 08:02 AM |
| Re: عن حبيبتي ( أركويت ) بحكي ليكم ... | مزمل خيرى | 03-18-10, 06:53 PM |
| Re: عن حبيبتي ( أركويت ) بحكي ليكم ... | سمرية | 03-18-10, 11:10 AM |
| Re: عن حبيبتي ( أركويت ) بحكي ليكم ... | سمرية | 03-18-10, 09:11 AM |
| Re: عن حبيبتي ( أركويت ) بحكي ليكم ... | سمرية | 03-18-10, 09:04 AM |
| Re: عن حبيبتي ( أركويت ) بحكي ليكم ... | سمرية | 03-18-10, 08:19 AM |
| Re: عن حبيبتي ( أركويت ) بحكي ليكم ... | على محمد الخير | 03-18-10, 10:11 PM |
| Re: عن حبيبتي ( أركويت ) بحكي ليكم ... | سمرية | 03-21-10, 10:05 AM |
| Re: عن حبيبتي ( أركويت ) بحكي ليكم ... | سمرية | 03-18-10, 08:07 AM |
| Re: عن حبيبتي ( أركويت ) بحكي ليكم ... | معتصم دفع الله | 03-18-10, 08:20 AM |
| Re: عن حبيبتي ( أركويت ) بحكي ليكم ... | سمرية | 03-18-10, 07:38 AM |
| Re: عن حبيبتي ( أركويت ) بحكي ليكم ... | سمرية | 03-18-10, 06:47 AM |
| Re: عن حبيبتي ( أركويت ) بحكي ليكم ... | Mohamed Ibrahim Ahmed | 03-18-10, 07:10 AM |
| Re: عن حبيبتي ( أركويت ) بحكي ليكم ... | عبد الدائم سيد أحمد | 03-18-10, 09:12 AM |
| Re: عن حبيبتي ( أركويت ) بحكي ليكم ... | طارق جبريل | 03-18-10, 10:15 AM |
| Re: عن حبيبتي ( أركويت ) بحكي ليكم ... | محمد يوسف الزين | 03-18-10, 11:20 AM |
| Re: عن حبيبتي ( أركويت ) بحكي ليكم ... | سمرية | 03-18-10, 12:52 PM |
| Re: عن حبيبتي ( أركويت ) بحكي ليكم ... | سمرية | 03-18-10, 12:32 PM |
| Re: عن حبيبتي ( أركويت ) بحكي ليكم ... | سمرية | 03-18-10, 12:24 PM |
| Re: عن حبيبتي ( أركويت ) بحكي ليكم ... | سمرية | 03-18-10, 11:38 AM |
| Re: عن حبيبتي ( أركويت ) بحكي ليكم ... | Mohamed Ibrahim Ahmed | 03-18-10, 12:25 PM |
| Re: عن حبيبتي ( أركويت ) بحكي ليكم ... | سمرية | 03-18-10, 01:11 PM |
| Re: عن حبيبتي ( أركويت ) بحكي ليكم ... | طارق جبريل | 03-18-10, 01:56 PM |
| Re: عن حبيبتي ( أركويت ) بحكي ليكم ... | سمرية | 03-18-10, 02:07 PM |
 Re: عن حبيبتي ( أركويت ) بحكي ليكم ... | Mohamed Ibrahim Ahmed | 03-18-10, 02:07 PM |
| Re: عن حبيبتي ( أركويت ) بحكي ليكم ... | سمرية | 03-18-10, 02:24 PM |
| Re: عن حبيبتي ( أركويت ) بحكي ليكم ... | مزمل خيرى | 03-18-10, 06:35 PM |
| Re: عن حبيبتي ( أركويت ) بحكي ليكم ... | tarig alnour | 03-19-10, 00:06 AM |
| Re: عن حبيبتي ( أركويت ) بحكي ليكم ... | على محمد الخير | 03-19-10, 11:34 AM |
| Re: عن حبيبتي ( أركويت ) بحكي ليكم ... | وجدان جمال | 03-19-10, 01:18 PM |
| Re: عن حبيبتي ( أركويت ) بحكي ليكم ... | طارق جبريل | 03-19-10, 01:29 PM |
 Re: عن حبيبتي ( أركويت ) بحكي ليكم ... | tarig alnour | 03-19-10, 02:16 PM |
| Re: عن حبيبتي ( أركويت ) بحكي ليكم ... | بكري عباس علي | 03-19-10, 04:10 PM |
| Re: عن حبيبتي ( أركويت ) بحكي ليكم ... | سيف الدولة كامل | 03-19-10, 07:15 PM |
| Re: عن حبيبتي ( أركويت ) بحكي ليكم ... | مزمل خيرى | 03-19-10, 07:27 PM |
| Re: عن حبيبتي ( أركويت ) بحكي ليكم ... | مزمل خيرى | 03-19-10, 07:39 PM |
| Re: عن حبيبتي ( أركويت ) بحكي ليكم ... | سيف الدولة كامل | 03-19-10, 07:46 PM |
| Re: عن حبيبتي ( أركويت ) بحكي ليكم ... | مزمل خيرى | 03-19-10, 08:08 PM |
| Re: عن حبيبتي ( أركويت ) بحكي ليكم ... | مزمل خيرى | 03-20-10, 10:13 AM |
|
| |
سمرية
فيس بوك
تويتر
انستقرام
يوتيوب
بنتيريست