|
|
 Re: هل تتوقع تمرد القابئل العربية في دارفور (الابالة) (Re: عوض الله نواي)
|
الأخ عوض الله نواي
لك التحية يا أخي
القبائل العربية هي أصلا متمردة وتبتز النظام ، جماعة الخرتوم بي بوعارهم وجعيرهم ورقيصهم عندما يأتوا الى دارفور بصبحوا حملان ، الناس ديل حفرتهم بعيدة ناس الأمن اذا فروا من نيالا عشان يصلوا الخرتوم قيامتهم بقوم ، الحكومة بتدفع دم قلبها لاسكاتهم ، لا يستطيع أكبر زعيم من ناس حرم ديل أن يرفع أصبع لبقاري من دارفور ، وبعدين يتمردوا كتمرد ناس مناوي ليه طالما كل الحاميات العسكرية تحت سيطرتهم ، اذا تابعت خطاب د. نافع علي نافع عن الجيش فهو صحيح 100% ، الجيش من البقارة ، والبقارة ما بحاربوا لسودان الخرطوم ، عشان كدة بتجد قوات الأمن والمخابرات الوطني هي التي تقود العمليات من خلف الجيش ، والله حكى لي قريب عسكري صف من نيالا قال لي كان جاءني ظابط كبير وقال لي تعليمات ، بقول للظابط يا وليد قلت شنو وبعدين بقول ليه أنا ماشي بشوف بقري أو ماشي الشوقارة والدرت بجي وكن أبوك راجل وقف مرتبي فحكومة ناس حرم بحنسوا الناس تحنيس والله الباقي ليهم يمسكوا رجلين البقارة بدارفور ، وطبعا ناس حرم عارفين اذا أغضبوهم بخلوا ليهم ناس الجبهة الثورية ينوموا معاهم ضحى بالخرتوم وفهم بدلعوا على الخرتوم والخرتوم ما عندها حيلة لأنهم خايفين ناس الجبهة الثورية بحلقوا ليهم بدون مويه ، بس أنتظر قليلا اذا سقطت الفاشر في هذا الشهر أو بعده ، والله عمر البشير يشرب مويه النيل ، الناس ديل لقوها باردة وكان الحارة جات بدخلوا تحت السرير ، وهاك يا بوعار وهاك يا جعير وهاك لهز المؤخرات الكبيرة ، عشان كدة بنقول لناس الجبهة الثورية أمشوا قدام الله يعدل دربكم وتاني يوم يا نافع أو غيره بنط لناس البقارة وهاك يا هدايا شقق مفروشه بالمهندسين .
بستحضرت أحداث عدالفرسان 1993 و1994 أيام بولاد ، " الفرسان فى ظهور خيلهم بقولوا للزبير محمد صالح " يا أبو رقبه كين مشيت لي ألو جعبه وهو عمر البشير قوال ليه الحالة صعبه " وطبعا أبورقبه الزبير بهز بيده وما دارى ذي ما بقولوا "الكلام ليك يا المطرطر عينيك" ، عزيزي البقارة لنت تقاتل انابة عن الحكومة وكان قاتلت تقاتل من أجل الحفاظ على ثروتها ، فلدينا بجنوب دارفور أكثر من 12 مليون راس من الماشية ، فلن يضحوا بهذه الثروة من أجل عيون مناوي أو الجبهة الثورية ، وأظن أن مناوي وعى الدرس جيدا ، ففى الاسبوع الفائت أوقفت قوات مناوي بعض عربات الفلاتة متجهة الى تلس من الضعين ، وبعدين قالوا ليهم من فضلكم عربتنا قطعت بنزين أدونا بنزين يوصلنا معسكرنا فادوهم ، لكن لو كانت هذه العربات عربات ناس حرم والله مناوي بحلقهم حلق بدون مويه ، أما الآن وقد أتجهت قوات مناوي صوب الفاشر لاحتلالها ، أن الفاشر لقمة صائغة ، الرزيقات لن يقالتلوا الا اذا كان مناوي يريد ترسانة الاسلحة وكان حاول مناوي أو الجبهة الثورية أخذ ترسانة السلاح فقد تضربه القبائل العربية ، دارفور اصبحي مثل الغابة من بيده السلاح بفرض الشروط وناس الجبهة الثورية لو أمتلكوا ترسانة السلاح سيحاولون تغيير لعبة دارفور.
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست