اقتراح للأخوة في المؤتمر الوطني.. قسم الاعلام الاسفيري .. يجدهم تيقا

Quote: تعرف يا صديقي ود هباني، وبما إنك الراعي الرسمي للملكية الفكرية بالمنبر وحامل لواء حقوق الغير الأدبية، المفروض تقنن لينا المسألة دي وتنظمها !! يعني مفروض تورينا (الزبون) مفروض يتقبض كم مرة عشان نطلق عليهو صفة (حرامي قوقلي) مثلا انا اليومين دي كنت بقلب في مكتبة مناضل [مناضل كبير] أوي أوي !! يعني ما من عينة المناضلين النص لبة والتحت التمرين ديل !! وبطريقة اوضح ما زي ناس فرج ابو وردة او شلة الطوربيدات ... مناضل كبير، كبير يعني شفت كيف ؟ قبضتو (بعيد عنك) بالثابتة، يا زول ثابتة شنو، ثابتتين .. اها انا جيتك طالب النصيحة وانت زول خبير وكدا وليك (باع) في المجال دا .. أرشو ببوست طوالي ولا اصبر شوية لحدي ما تورينا المعايير واللوائح الجديدة . لاني شايقك طلبت من ود جمعة انو يقيف سنتين ويعتذر لخمسة فئات أوجهات مختلفة !! وبرضو لو اديتني تكتيكات ونصائح عشان انا داير البوست يكون تاريخي .. ___________ خخخخخخخخخخ