محسن خالد ومحمود محمد طه: إبداع عرفاني في مركز دائرة الوجود (السودان)

Quote: يا قيقا سلامات يا اخوي ما تتحلل من المسؤولية باعتبار انك ما نبي ونبي تحت التمرين وغيره ؛ وبدعوى ان خرافاتك حقتك شخصية ؛ وركز لنا على المهم . المهم انك ومن اقتبست عنه - ما متذكرو والله - ناعين على محسن استخدام راسمالو الرمزي لنشر الخرافة ؛ يعني انتو عندكم موقف رافض للخرافة ؛ موش كدا ؟؟ يعني انتو زعلانين انو بيستخدم راسمالوا الرمزي لنشر الخرافة ؛ لو كان استخدموا لنشر العقلانية ما كان عندكم مشكلة ؛ اذن مشكلتكم مع الخرافة ومع نشرها ؛ ولا أنا غلطان؟ لو فهمتك صح اذن اقول لك ان الخرافة هي الخرافة ؛ سوى اتى بها محي الدين بن عربي او محمد بن عبد الله او محسن خالد ؛ وزي ما قال شاعر مزعوم في احدى قرى الشمالية (الفسالي (الفسالة) يا ها الفسالي ؛ بيتنا في الواطي وبيتكم في العالي ؛ قومي من ضلنا امك ما احمتنى النار ؟؟) - فكما الفسالة هي الفسالة ؛ والتي جعلته يطرد الفتاة من ضل بيتهم - ويتفاسل عليها - لان امها قد منعته النار (الولعة ) ؛ فالخرافة هي الخرافة ؛ والخرافة عندنا تنشر عبر مؤسسات الدولة والفضائيات والصحف والمدارس والسفارات ونجدها عبر الجرائد والفيس بوك وفي هذا المنبر ؛ وانتو ما عايزين تحاربوها - وبعضكم مؤمن بها - ؛ الا عبر محسن خالد ... هل هذا اتساق ؟؟ خرافاتك الشخصية ما في زول سألك عنها؛ كتبتها ام لم تكتبها؛ خلاص خلي خرافات محسن لي محسن ؛ يكتبها ولا يلوكها في صبر .. مالك متصدي ليهو بإسم الدفاع عن "عقيدتك" ؟؟؟ عقيدتك دي ياها عقلانية للدرجة دي ؟؟ وليه معترض على نشر محسن للخرافات وما معترض على الخرافات المتطاقشة في كل مكان ؟؟ دي زي كلام بشرى الفاضل الرافض ادعاءات ومهدية محسن لكن لا يرفض ادعاءات ومهدية محمد احمد المهدي؛ وذلك فقط لأن عدد المؤمنين بالآخير اكبر ... محن سودانية ...