|
Re: حـــــــرب العصابات .. والجبهه الثوريه (Re: محمد حمزة الحسين)
|
وبهذه المناسبه نهديكم قصيدة الرايع شاعر الشعب محجوب شريف التى نظمها فى العام 1984 م اطال الله فى عمره وانعم عليه بالشفاء
Quote:
حنْبنيهو
حنْبنيهو البنحْلم بيهو يوماتي وطن شامخ وطن عاتي وطن خيّر ديمقراطي وطن مالك زمان أمرو ومتوهج لهب جمرو وطن غالي نجومو تلالي في العالي
إراده سياده حريّه مكان الفرد تتقدم قيادتنا الجماعيه مكان السجن مستشفى مكان المنفى كليّه مكان الأسرى ورديّه مكان الحسره أغنيّه مكان الطلقة عصفوره تحلّق حول نافوره تمازح شفّع الروضه
حنْبنيهو البنحلم بيهو يوماتي
وطن للسلم أجنحتو ضد الحرب أسلحتو عدد ما فوقوا ما تحتو مدد للأرضو محتلّه سند للإيدو ملويّه
حنْبنيهو البنحلم بيهو يوماتي
وطن حدادي مدادي ما بنبنيهو فرّادي ولا بالضجّه في الرادي ولا الخُطب الحماسيّه
وطن بالفيهو نتْساوى نحلم نقرا نتْداوى
مساكن كهربا ومويه تحتنا الظلمه تتهاوى
نخت الفجر طاقيّه وتطلع شمس مقهوره بِخط الشعب ممهوره تخلّي الدنيا مبهوره إرادة وحده شعبيّه
محجوب شريف 1984 |
|
|
|
|
|
|