|
Re: سؤال جادي: ( ول أبا ) يعني شنو؟ (Re: هاشم نوريت)
|
ولد ابا محمد جلال..حبابك يا صديق و حباب ضيوفك ، عيال ابا جملة..و بعد
كتر خيرك على السؤال ، و اهلك البقارة بيقولوا (البيسأل ، ما ضهب ، بكسر الضاد) ، و دي بتساوي في كلام ناس البندر ، بداية غنية بنات ابا البلابل (البيسأل ما بتوه)..
ول ابا ، زي ما قال صديقنا عبد الباقي ، هي مفردة تخاطب حنونة..و عند البقارة (ياهو المعني التكرموا الشباب بشرحوا هنا) بتكون في شكل نداء بين السجالي ، و السجالى مفردها سجيل ، و تعني النديد ، و السجالي تعني الأنداد..! اول مرة ادخلت استخدامها في هذا المنتدى سنة 2002 ، و استخدمتها كمخاطبة لأخونا المهندس كباشي الصافي (كانتونا ون)..و قلت ليهو..( ولد ابا ، الدابي اب سمين الغــــلّـب الحــوّاي)..و تاني مرة استخدمتها مع اخونا الدكتور ابكر ادم اسماعيل ، و قلت ليهو (ولد ابا ، ازرق كحل الشيخات)..و كحل الشيخات هو حجر الكحل الواحد..و في اساطير البقارة انو من الأحجار الكريمة..و لو ملاحظ في النموذجين ، انو بعد النداء بيكون هناك وصف لشخص المنادى..و العملية دي قد تستغرب من اسمها عند البقارة..و يسمونها (المنابـــذة)..يعني لمن زول يقول ليك فلاني نبـــّذني أو نبـــّـذت فلان.. يعني شكرتو..و اظهرت محاسنو..أما مفهوم (النبــذ) الشايع في البندر.. فعند البقارة يسمى (المـُعيار)..فيقول ليك فلاني عيــّرني..و ده معناتو بعدو طوالي يا طعنة سكين.. أو حربة.. أو فلقة عصاية.. يازول اهلك ديل صعبين خلاص..!!!!
وبرضك بيقولوا على وصف تبادل الشتيمة (المعايرة)..يعني يقول ليك عايرت فلان أو فلان عايرني (خت في بالك البقارة ما قاعدين يعايروا النساء ، باستثناء ناس المنبر هنا ، و منهم شخصي ، لأننا ناس ديم ساكت و مرات بندقس و بننسى قوانين الذوق الأصلية و الأتكيت بتاعة البقارة.. ياخي دي لو اشتغلنا بيها الواحد يبين فيهو نور صلاح عدييل..!!!)..و هل تصدق يا محمد ، مفردات الشتيمة في قاموس البقارة كلو ماها لاحقة عشرة كلمات..!!!!
و مقابل (ول ابا).. هي بت أبا ، و اول مرة استخدمتها في مخاطبة لصديقتنا الأستاذة نور تاور.. ثم ثاني مرة لمخاطبة صديقتنا دكتورة نجاة..ثم صديقتنا الغائبة الحاضرة زينب الفحل (دومه)..ثم صارت شائعة فيما بعد..و حتى اليوم في المدينة التي اقيم فيها ، هناك بعض من اصدقائي يقولون لي (ود أبا).. لأنهم ناس بحر ابيض و كده..!!!
بالنسبة لأخونا احمودي..البقارة ما عندهم مفردة (الحريم)..و بدلا عنها بيقولوا (العوين أو العيين ، الأخيرة دي مشهورين بيها ناس فارس موسى و ضو البيت حامد )..و فعلا هناك عبارة (ولد امي/ ولض أمي)..و يكثر استخدامها في حالة الإستغراب الحنون ، كقولهم (مالك علي يا ولض امي؟).. او في حالة الإستقبال (جيتا جيت يا ولض امي)..أو (كيف حالك يا ولض امي)....و يقابل عبارة (ولضمي ) قولهن (بت امي /بط امي )..و تشيع بين النساء كثيرا..و هكذا..
طريقة سؤال ولد ابا ضو البيت ، ادرع نمر البار.. عند اهل البندر تسمى الفزورة..و عند البقارة تسمى (الرُباط)..يعني كبر لو داير يشرح ضو البيت عمل شنو ح يقول ليك ضوالبيت ربطني..و العبارة (اباني يا ابا)..من يقول بها بيكون بيعمل حاجة اسمها (التنبر ، بكسر التاء).. و هي اظهار الشجاعة و الفخر..و العبارة هنا تعني هرب مني جبـــنأ..يعني زي غنية مبارك حسن بركات (سمعنالنا خبر من الهلالية ، خمسطاشر جواد سكن سبعمية )..!
من عبارات التنبر الشائعة.. كقولهم ( أنا الشافو خلو).. (أنا اخوك يا ام قرون زرقا)..(يسمعن بنات عمي)..(يسمعن الحكامات)..
اها يا ولد ابا ضوالبيت.. قريبتك قالت (ولد ابـــّـأ ، الفي الـدبّا بتدبــّأ)..و قريبك قال (بت أبــــّـأ ام شعرا مـــلْبـــّا)...و لمن تلحقوا الهضليم باحش القيزان ، عيــــّــط لي ، يا ولد ابا ..!!!
و دمتم.. كبر
|
|
|
|
|
|
|
العنوان |
الكاتب |
Date |
سؤال جادي: ( ول أبا ) يعني شنو؟ | محمد جلال عبدالله | 04-07-13, 06:58 AM |
Re: سؤال جادي: ( ول أبا ) يعني شنو؟ | وليد محمد المبارك | 04-07-13, 07:03 AM |
Re: سؤال جادي: ( ول أبا ) يعني شنو؟ | نادر النور آدم | 04-07-13, 07:05 AM |
Re: سؤال جادي: ( ول أبا ) يعني شنو؟ | Mohamed alhabib | 04-07-13, 07:08 AM |
Re: سؤال جادي: ( ول أبا ) يعني شنو؟ | محمد جلال عبدالله | 04-07-13, 07:09 AM |
Re: سؤال جادي: ( ول أبا ) يعني شنو؟ | رحمه فضل المولى عجك | 04-07-13, 07:25 AM |
Re: سؤال جادي: ( ول أبا ) يعني شنو؟ | رحمه فضل المولى عجك | 04-07-13, 07:48 AM |
Re: سؤال جادي: ( ول أبا ) يعني شنو؟ | محمد جلال عبدالله | 04-07-13, 08:13 AM |
Re: سؤال جادي: ( ول أبا ) يعني شنو؟ | رحمه فضل المولى عجك | 04-07-13, 08:27 AM |
Re: سؤال جادي: ( ول أبا ) يعني شنو؟ | Dawalbait Hamid | 04-07-13, 11:04 AM |
Re: سؤال جادي: ( ول أبا ) يعني شنو؟ | احمد حمودى | 04-07-13, 11:19 AM |
Re: سؤال جادي: ( ول أبا ) يعني شنو؟ | عبد الباقي الجيلي | 04-07-13, 11:41 AM |
Re: سؤال جادي: ( ول أبا ) يعني شنو؟ | نادر النور آدم | 04-07-13, 01:58 PM |
Re: سؤال جادي: ( ول أبا ) يعني شنو؟ | علي عبدالوهاب عثمان | 04-07-13, 02:16 PM |
Re: سؤال جادي: ( ول أبا ) يعني شنو؟ | عبد الباقي الجيلي | 04-07-13, 02:39 PM |
Re: سؤال جادي: ( ول أبا ) يعني شنو؟ | محمد جلال عبدالله | 04-07-13, 05:10 PM |
Re: سؤال جادي: ( ول أبا ) يعني شنو؟ | هاشم نوريت | 04-07-13, 05:15 PM |
Re: سؤال جادي: ( ول أبا ) يعني شنو؟ | Kabar | 04-08-13, 04:12 AM |
Re: سؤال جادي: ( ول أبا ) يعني شنو؟ | Kabar | 04-08-13, 04:27 AM |
Re: سؤال جادي: ( ول أبا ) يعني شنو؟ | محمد جلال عبدالله | 04-08-13, 05:02 AM |
Re: سؤال جادي: ( ول أبا ) يعني شنو؟ | محمد جلال عبدالله | 04-08-13, 05:04 AM |
Re: سؤال جادي: ( ول أبا ) يعني شنو؟ | الطيب رحمه قريمان | 04-08-13, 06:39 AM |
Re: سؤال جادي: ( ول أبا ) يعني شنو؟ | علي عبدالوهاب عثمان | 04-08-13, 11:41 AM |
Re: سؤال جادي: ( ول أبا ) يعني شنو؟ | Dawalbait Hamid | 04-09-13, 05:05 AM |
Re: سؤال جادي: ( ول أبا ) يعني شنو؟ | محمد قرشي عباس | 04-09-13, 07:16 AM |
Re: سؤال جادي: ( ول أبا ) يعني شنو؟ | عبد الباقي الجيلي | 04-09-13, 01:01 PM |
Re: سؤال جادي: ( ول أبا ) يعني شنو؟ | Kabar | 04-10-13, 05:59 AM |
Re: سؤال جادي: ( ول أبا ) يعني شنو؟ | Kabar | 04-10-13, 06:03 AM |
Re: سؤال جادي: ( ول أبا ) يعني شنو؟ | Kabar | 04-10-13, 06:07 AM |
Re: سؤال جادي: ( ول أبا ) يعني شنو؟ | Kabar | 04-10-13, 06:33 AM |
Re: سؤال جادي: ( ول أبا ) يعني شنو؟ | علي عبدالوهاب عثمان | 04-10-13, 07:34 AM |
Re: سؤال جادي: ( ول أبا ) يعني شنو؟ | جابر برمه | 04-10-13, 06:18 AM |
Re: سؤال جادي: ( ول أبا ) يعني شنو؟ | رحمه فضل المولى عجك | 04-10-13, 07:10 AM |
Re: سؤال جادي: ( ول أبا ) يعني شنو؟ | علي عبدالوهاب عثمان | 04-10-13, 07:56 AM |
Re: سؤال جادي: ( ول أبا ) يعني شنو؟ | Kabar | 04-10-13, 07:59 AM |
Re: سؤال جادي: ( ول أبا ) يعني شنو؟ | رحمه فضل المولى عجك | 04-10-13, 08:15 AM |
|
|
|