|
Re: أيــن تــســكــن ؟ ما هـي ثــقــافــتــك ؟ (Re: أمير محمد ادريس)
|
مرحب امير
طبعا اللهجة فى السعودية مشكله ... وخصوصا للبجى جديد ةما بقصد لهجتنا السودانية لكن اللهجه السائده بين الاجانب والسعودييين فالواحد فى الاول وبدون ما يشعر بلقى نفسو بتكلم بى طريقة غريبه وامكن الواحد ما ينتبه لى نفسو لكن الناس بتنتبه ليهو وبمرور الوقت ببدأ الواحد يستعدل ويشعر انو ما فى داعى يستخدم كلمات سعودية او الخلطة الغريبه المنتشره ..
طبعا اللغات واللهجات .. هى اول حاجه بحتك بيها المغترب والمهاجر وفى تغييرات كبيرة بتحصل فى الانسان .. نمط التفكير ... طريقة الحياة اكتساب بعض العادات الجديدة وفى اشياء بتدخل فى افكار الواحد من غير ترتيب ومن غير ما يحس بيها لكن بتنعكس فى تصرفاتو وسلوكياتو ووو .. الخ
تحياتي
|
|
|
|
|
|
|
|
|