|
Re: ابليس والمرأة والنظر (( اكيد شفته مقام سيدنا ابليس)) (Re: نادر النور آدم)
|
بمناسبة مقام سيدنا ابليس في المفترع: اول مره الوالد اجيبو حج كنت معاهو طوالي للزحمة وايضا كبر السن عايز مدارجة ، وبحكم التعامل الصوفي كان معاهو ناس من الجزيره صداقات الحج ديل بقولو ليهم دفعة الحج تلقي الزول طوالي اتونس بيهم لما ارجع السودان وتنشأ علاقة قوية بينهم. في المدينة بالقرب من المسجد النبوي الوالد طلع بدري شويه من الفندق لصلاة الظهر لحقتو وجدت الحاج وجماعتو قاعدين مع جماعه عاملين سياج بشريط وقاعدين في دائره. مشيت طلعتهم وفاجأتهم بسؤال .... لا اله الا الله المقعدكم هنا شنو؟؟؟؟ الحاج قال لي لقينا الناس اللابسين بدل وكرفتات وشكلهم حمر حمر ديل قاعدين شايلين كتب قلنا ندعا معاهم كان الله استجيب لينا.... يا حاج ديل عاملين السياج ده بفتكرو هنا كان بيت السيده خديجه هم شيعه. (( المسأله دي خلت الجماعه معاهو امسكوها ليهو يا الشريف احنا مبارينك تقعدنا مع الشيعه عايز تخرب حجتنا ... في واحد من ناس القرية اربعين بشاغل بيها الوالد طوالي اقول ليهو يا حاج شفته البدل والكرفتات والناس الحمر ديل قايل دي الجنه.... كنت برمي للوالد الجمرات في اليوم الاول اليوم الثاني الحاج قال لي لازم امشي معاك الرجل بتاع القرية اربعين البشاغل الوالد قال لي يا ود الشريف انا ما قادر امشي ارمي لي معاك. بعد جينا راجعين سألني أها جدعتهن لي الجمرات في الشيطان.... قلته ليهو ايوه ..... عاين للوالد قعد اضحك قال ليهو الحمد لله ولدك ده طوالي بلحقنا كان ما هو كان رجعنا بدون حجه من حكاية المدينة ديك بتاعت الناس الحمر حمر ... الوالد قال ليهو انت ذاتك يا خوي ما عندك حجه خلي انا موضوعي بتاع الشيعه انغشيت فيهم لي نضافتم واللبس السمح ، انت امس بعد جيت من رمي الجمرات كرعينك مكسرات ومورمات ليلك كلو ترطن في ولدك الجابك حج ورسل ليك من ابوظبي قعدته تقول يا جماعه الولد ده عاقل كان رسل لينا قروش الحج دي في السودان شبعنا فيها خرفان سااااااااااااكت ما احسن من جيتنا هنا نجدع في الحجار زي المجانيين. كسرة .......................................... (( مقام ابليس محل رمي الجمرات)) مره لقيت حاجه بي شباشبا تجدع مع الناس ..... يا حاجه ما في داعي للشباشب الدين قال سبعة حصحاصات وخلاس .... قالت لي يا ولد الناس ابليس ده طلقني من راجلي بي الثلاثة.....
|
|
|
|
|
|
|
العنوان |
الكاتب |
Date |
ابليس والمرأة والنظر (( اكيد شفته مقام سيدنا ابليس)) | عباس الدسيس | 02-04-13, 09:54 AM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-04-13, 10:31 AM |
Re: ابليس والمرأة والنظر (( اكيد شفته مقام سيدنا ابليس)) | نادر النور آدم | 02-04-13, 11:18 AM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-04-13, 12:52 PM |
Re: ابليس والمرأة والنظر (( اكيد شفته مقام سيدنا ابليس)) | وليد التلب | 02-04-13, 01:02 PM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-04-13, 01:59 PM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-04-13, 03:03 PM |
Re: ابليس والمرأة والنظر (( اكيد شفته مقام سيدنا ابليس)) | ود الباوقة | 02-04-13, 04:16 PM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-05-13, 06:01 AM |
Re: ابليس والمرأة والنظر (( اكيد شفته مقام سيدنا ابليس)) | othman mohmmadien | 02-05-13, 07:30 AM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-05-13, 09:18 AM |
Re: ابليس والمرأة والنظر (( اكيد شفته مقام سيدنا ابليس)) | ناصر حسين محمد | 02-05-13, 09:26 AM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-05-13, 11:13 AM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-06-13, 06:25 AM |
Re: ابليس والمرأة والنظر (( اكيد شفته مقام سيدنا ابليس)) | عادل خياري | 02-06-13, 06:53 AM |
Re: ابليس والمرأة والنظر (( اكيد شفته مقام سيدنا ابليس)) | عباس الدسيس | 02-06-13, 12:51 PM |
|
|
|