|
Re: لـو كنت الـريس !! (Re: محمد درار)
|
اذكر قبل زمن طويل جدا كنا نلعب لعبة كمبيوترية اسمها " Age of Empires" لعبة استراتيجية بقمة المتعة فكرتها ترتكزعلى ترتيب اولويات امبراطوريتك حسب فهمك وانت المتحكم في بناءها وتقويتها اقتصاديا وعلميا وحربيا بل حتى روحيا (كان عندهم سحرة). كل ذلك يجب ان يتم قبل الامبراطوريات المجاورة والمحيطة بك واذا لم تكن امبراطورية قوية ومتطورة ستهاجمك الامبراطوريات المجاورة وتقضي عليك (وتمشي تغسل وشك وتجي تبدأ قيم جديد). ولديك في هذه اللعبة كل مقومات الامبراطورية (زي بلدنا دي) لكن دا اذا عرفت تستغلها بالصورة الصحيحة حيث تتوفر لك (في اللعبة طبعا)الارض الزراعية الواسعة , سكان, غابات لاستخراج الاخشاب , ثروة حيوانية متنوعة , كتائب الفرسان , الجنود , الرماة , فرق بحرية , مراكز علمية لتطوير الامبراطورية , مراكب وسفن حربية , مراكب صيد , سحرة , ..........الخ.
المهم تعالوا نكبر "الاسكيل" دا شوية ونتخيل انو السودان دا كلو - بوضعه الحالي - هو امبراطوريتك !! ونفترض أنك الريس (ما مهم جيت كيف) كيف ستقود (سودانك)؟؟كيف ستحكم السودان لو كنت الريس ؟؟؟؟؟ كيف ستخرج (امبراطوريتك) من التردي الذي فيه؟ كيف ستحكم ؟؟؟ ما هي استراتيجياتك ؟ ما هي رؤيتك للاقتصاد , للصحة , للتعليم , للسياسات الخارجية , للامن , للحدود , لدول الجوار , للزراعة.... ؟؟
كيف ستختار بطانتك ؟ ولاتك؟ مستشاريك؟ كيف ستقضي على امراض المجتمع ؟؟ مع ملاحظة :انو الاختلاف هنا بتلقى الـ Game شغال (يعني ما حتبدأ من الصفر بل الحكاية ممكن تكون بالسالب) وفي بعض التحديات الصغيرة للتشويق مثل (العنصرية , البعد الاخلاقي والانساني , ..... , وتعمل حسابك انك ممكن تموت و اللعبة لسة شغالة).
كدي نخلي الحكاية مثل *mind storm ونسمع رأيكم
وخلوا بالكم للقصة الفوق ديك بتاعة اللوحة ( لانو اللوحة – بي مصايبة دي- ليهافترة طويلة معلقة)
---------- * قلنا نجرب الكلمة دي لو بتشتغل
|
|
|
|
|
|