|
|
 Re: الأستاذة/ سلمى الشيخ سلامة..أحسنتِ يا أصيلة (Re: Mahmoud Mustafa Mahmoud)
|
سربعة مرات
ومرات تجيك بلا إذن او كما قال الزول الغناى محمد النصرى "تندلقى حن "
ودى اغنية اهدانى اياها الراحل الجميل صديقى الذى اظل حزينة عليه طوال حياتى محمد عبد الرحمن المطرطش
يا سلام يا خ
محمد عبد الرحمن
المطرطش ضريب مثل
رحمة الله عليه
عارف الزول دا "براحة جدا "
ولمن رحل لكنته ما اتغيرت سبحان من له الدوام
يتكلم معاى باللهجة حقت اهله السمحة
اول مرة اتلاقينا وحات الله بكينا كنه فى زول مات
قال ـانتى بت الشيخ الواحدة دى ؟
قلت ليهو ـ يانى يا العشا
وحات الله قلدنى متل التقول امه وبكى لمن حننى
وبكيت معاهو بكايا يعزيلو جنازة وما تبدلت جوانيناتنا تب
وكل ما يتصل حتى لو اتصل مرتين فى اليوم اول شى يبكى
بكايا يحنن الطير فى السما
ونضحك بعد كل البكا داك
ضحكنا ضحكا يجيب الرايح
سماحة لمن تحيرك ، وطرافة لمن تتعجب
كان عندنا مراسلة فى جريدة الاتحادى صعيدى "وصعيدى ليلتنا صعيدى "
محمد اخوى رحمة الله عليه هكذا كنت اناديه وينادينى سلمى اختى ...
يوم محمد رحمة الله عليه كان مصحح فى جريدة الاتحادى "طبعا العربى البعرفو رغم انه مهندس زراعى يحيرك "
خت القلم واتمطى فى الكرسى وقال "والله الواحد تعبان لمن نعسان "
طوالى مجدى دخل فى الخط وقال لمحمد
"ياك بتعزق "
محمد دا ضحك لمن دمعو سال ، رحمة الله عليه
محمد عبد الرحمن لمن يسمع محمد كرم الله يبكى ويشهق ولمن يسمع محمد جبارة يبكى
قلت ليهو يا محمد اخوى نان ما نسمعلك جنس غنا ؟
قال
ـ القليب ما بقى رهيف يا سلمى اختى ...
وكان سبب علته رحمة الله عليه وهديتو الله يعلم هديتو من المحبة البتكتل لكنه مات بالحب
وحات الله محمد مات بالحب لانه قلبه ما استحمل الحب
كان يحب الناس والحياة
يوم رحل صديقنا المشترك يوسف ابراهيم المعروف يومها بالعشوائى بكاه كما يبكى طفل امه
ويوسف دا كمان حكاية براها
يوسف دا زول سمح لمن غلط
القلب ابيض من الحليب
كانوا يجو عندى فى البيت يقولو ماشين بيت العمدة
عادة كنت بخبز فى البيت سبب بلا سبب ، اقول امكن يجى ضيف وما يلقى اليسد بيهو عيال الجوع
يشربو معاى الشاى المغربية ويشيلو من الكعك لبيتهم
يوم جات ام العشوائى تزورو كانت اخر مرة يشوفا كانها جات تودعه
العشوائى بتونس مع امه وقدامهم كباية الشاى بعد الغدا ، شرب شايه وولع سيجارة قوم يا ويوسف اطفى السيجارة فى كباية امك
وامه كانت زعلانة من اسم العشوائى
ضحكت وقالت ليهو "يابا السماك العشوائى مو خاتى عليك "
فى رمضان فى القاهرة الفطور عند العمدة يجو الصحاب كلهم رحمة الله عليهم "احمد الطيب عبد المكرم ومحمد عبد الرحمن ويوسف العشوائى
نفطر فطور رمضان ونضحك ونتونس ونشرب الشاى وننزل نمشى الجريدة
يوسف العشوائى دا يا محمود اخوى كان رجل عجيب
حارب مع الفلسطيين فى صبرا وشاتيلا ، وكان صديق مقرب من قيادة الفلسطينيين "جورج حبش على وجه الدقة "
يحكى عن تلك الايام التى ما قتلته لكنها قوته ومنحته المحبة فالموت الذى وقف عليه كان مرعبا لكنه جعل منه انسانا قويا
يحارب الفساد ويقف ضد المفسدين
يقول انه يكره الوظيفة لكنه مضطر لقبولها
كان فراشة تختار رحيقها بعناية
رغم كثرة محبيه لكنه كان يحمل الحب للكل دون مهابة
جمعنا الحب الى يوم رحيله
رحمة الله على اصدقائى السمحين
شكرا ليك ياخ خليتنى افضفض
|
|
  
|
|
|
|
|
| العنوان |
الكاتب |
Date |
| الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-26-13, 09:53 AM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-26-13, 09:55 AM |
| Re: الأستاذة/ سلمى الشيخ سلامة..أحسنتِ يا أصيلة | محمد حيدر المشرف | 01-26-13, 09:57 AM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-26-13, 10:01 AM |
| Re: الأستاذة/ سلمى الشيخ سلامة..أحسنتِ يا أصيلة | سلمى الشيخ سلامة | 01-26-13, 01:17 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-26-13, 02:05 PM |
| Re: الأستاذة/ سلمى الشيخ سلامة..أحسنتِ يا أصيلة | سلمى الشيخ سلامة | 01-26-13, 02:46 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-26-13, 03:32 PM |
| Re: الأستاذة/ سلمى الشيخ سلامة..أحسنتِ يا أصيلة | سلمى الشيخ سلامة | 01-26-13, 05:20 PM |
 Re: الأستاذة/ سلمى الشيخ سلامة..أحسنتِ يا أصيلة | Amani Al Ajab | 01-26-13, 05:51 PM |
| Re: الأستاذة/ سلمى الشيخ سلامة..أحسنتِ يا أصيلة | إبراهيم عبد الحليم | 01-26-13, 07:35 PM |
| Re: الأستاذة/ سلمى الشيخ سلامة..أحسنتِ يا أصيلة | عادل عبد الرحمن حسن | 01-26-13, 08:45 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-26-13, 09:37 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-26-13, 09:39 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-27-13, 08:12 AM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-27-13, 01:12 PM |
| Re: الأستاذة/ سلمى الشيخ سلامة..أحسنتِ يا أصيلة | بله محمد الفاضل | 01-27-13, 02:05 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-30-13, 05:52 PM |
| Re: الأستاذة/ سلمى الشيخ سلامة..أحسنتِ يا أصيلة | سلمى الشيخ سلامة | 01-30-13, 08:05 PM |
| Re: الأستاذة/ سلمى الشيخ سلامة..أحسنتِ يا أصيلة | سلمى الشيخ سلامة | 01-30-13, 08:17 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 01-31-13, 09:08 PM |
| Re: الأستاذة/ سلمى الشيخ سلامة..أحسنتِ يا أصيلة | سلمى الشيخ سلامة | 01-31-13, 09:47 PM |
| Re: الأستاذة/ سلمى الشيخ سلامة..أحسنتِ يا أصيلة | Mahmoud Mustafa Mahmoud | 02-02-13, 01:15 PM |
|
| |
سلمى الشيخ سلامة
فيس بوك
تويتر
انستقرام
يوتيوب
بنتيريست