ماركس الاسفيري

Quote: وين اصلا انا جبت تفصيل سيرة انواع الدواهي ديل? انا تكلمت بصورة عامة عن الاسهم كرأسمال اجتماعي, و لم ادخل في تفاصيل انواعها و من غير المهم من اساسه ذكر انواعها هنا في النقاش دا, عشان تجي تشرح لي في فرق كبيييير او صغييير. و لما انا ذكرت البوندس bonds او السندات الحكومية, كان كمثال للاسهم بصورة مطلقة, لكن اصلو ما كان همي اني اشرح انواعها يا قيقراوي ياخ شنو كل مرة فاكي فينا رد هيرنغ عشان تحرف النقاش هههههههه ركز النقاش يا قيقراوي, لو عايزنا نتكلم عن الماركسية او حتى هل ندفن ماركس, ام نختو في الفترينة, خلينا نتكلم في الموضوع ياخ! انت لو ذاكرتي كويسة, في واحدة من مداخلاتك رفضت فكرة ان الاسهم هي رأسمال اجتماعي, استندت على شنو? و تعريفك لاجتماعي شنو? ياخ الشفيع تضايق مننا ياخ هههههههههه يا نناقش الموضوع يا اديني حق تذكرتي قبل المحطة الجاية هههههههه

ياخ الجاب السندات للاسهم شنو عشان تبقى مثال .. ومطلق ليها

شرحت ليك الفرق، وانت مصر انك ما دايرو .. اسوي ليك شنو

يا عزيزي (السندات) وما كلها حكومية بالمناسبة، فقط سندات الخزانة هي الحكومية، هي اداة اقراض .. وماها من ادوات الملكية كلو كلو زي الاسهم
والشرح الابيتو دا رداً على الكلام الساي بتاع زولك الترجمتو داك .. انو حملة الاسهم العادية بجوا في ذيل القائمة في حالات التصفية (سامعني يا شفيع!؟ التصصصصصصصصصصصصفية بس)
للي السنة الجاية في حالة التصفية بتم تسديد الدائنين وحملة السندات اولاً .. ولو بقى شئ من اصول الشركة بتوزع لحملة الاسهم(الملاك)، والافضلية لحملة الاسهم الممتازة (لطبيعتها الاقل مخاطرة واقل ربحية)
الكلام دا ما فيو اي استغلال ولا خج .. ومعروف للجميع قبل اختيار اداة الاستثمار البتناسب شعر كل مستثمر.
ما جبت حاجة من عندي لو ملاحظ .. انت جبت كلام ما علمي .. فندتو ليك
لو في زول طلع برة الموضوع فهو انت دا










--------

ولي ي ي ي السنة البعد البعدها .. شركة المساهمة العامة اعلى مراحل الرأسمالية -حتى الآن- وهي تمظهر لتركيز وتمركز رأس المال ..
وليست ملكية اجتماعية .. بفهم ماركسي
فقط الراسمالي بدل فرد .. بقوا مجموعة افراد .. وزيها راسمالية الدولة
وحافظت على التناقض الرئيسي القالو ماركس ..
في شكل علاقات الانتاج المختلة مع قوى الانتاج .. ونفس الاستغلال المخاتل
وسيجت دا كلو بكمية من التدبيج البلاغي النظري /الفكري بس
مازال زيت العامل هو البطلع .. وبلهفوهو غيرو
اسي الشيوعي منو فينا!؟