ماركس الاسفيري

Quote: لك التحية .. مافي أي دفن لكن كدا كدا بنأخذ حقنا التأريخي .. يا قيقا و بدر الدين بخصوص موضوع القيمة دا .. صاحبي شيوعي بدأ بزننس ، لكن اعتمد بشكل أساسي على أصحابو ليدعموه حتى العمل يقيف على كرعيه الحقيقة اصحابو وأهلو .. أها بعد العمل وقف على رجليه وبقى مربح ، قلت ليهو أها العمل وقف وبقى الفائض عالي جدا .. حاتعمل شنو ؟ حاتزيد القروش البتدينا ليها وتخليها زي الماشي في البلد ول فهمك شنو؟ قال لا ما حيزيد أي حاجة بخصوص العمل لكن بيدينا فضلا من عندو زيادة حبة كدا... قمت قلت ليهو ياخي بقترح عليك العائد من الشغل دا يتقسم على تلاتة تلت تشيلو انت .. وتلت للصيانة وتجهيز العمل بمافيه مرتب له هو نفسه بإعتباره من طاقة الصيانة والتجهيز.. والتلت الباقي للعمال اللي هم نحنا ديل أصحابو وأهله ... أطرق كدا مسافة ثم قال لي : - الماشي في البلد كدا .. يعني رفض الفكرة تماما بل سارع للي التخلي عن مجهودنا وإستعان بآخرين أيضا يحلمون بتحسن الظروف... يبقى الكلام عن رأس المال بهذه الطريقة فيهو إشكال عجيب.. بل كيف يمكن أن تدير بنيات ثلاث تتحكم في مجمل وعينا ... وهي بنية العقل التناسلي وبنية العقل البرجوازي وبنية النشاط الخلاق بدون أن يكون لديك مفهوم الفاعلية كغاية والنظام الفيدرالي كماعون أصيل يربط كل تلك البني ببعضها... عشان نحسم موضوع رأس المال الرمزي والمادي دا ياقيقا... الماركسية عملت على بنية واحدة وهي بنية النشاط الخلاق وساوت بين كل العناصر دون أن تحسم الصراع الذي سيتشكل عبر التراكم. برجع تاني للتوضيح