ماركس الاسفيري

Quote: اخونا المهندس/محمد عثمان محمد التوم رحمة الله عليه كان معانا في التلفزيون وعندو ورشة في الحلة جاتو واحدة مستعجلة دايرة تصلح تلفزيونها عشان تحصل المسلسل بي خبرته طوالي اكتشف العطل في مقاومة وفي دقيقتين سلمو ليها وطلب 100 جنيه زعلت وقالت ليهو المرقتها دي بي كم قال ليها بالكتير بي نص جنيه قالت ليهو طيب ليه تاخد 100 جنيه مصنعية دقيقتين قال ليها: شوفي يا اخت الدقيقتين ديل كانوا حصيلة لدراسة 12 سنة هنا وخمسة سنة في رومانيا غربة وتلتلة ومذاكرة وبعد داك خبرة 5 سنة في المجال قالت ليهو ما فضل الا كمان تحملني تمن البامبرز الكانوا بسوهوا ليك زمان فزي ما قال اخونا بدر الدين زمن لي زمن بيفرق في التمانينات كان هناك خلاف وجدل كبير بين المهندسين والفنيين في السودان وكانوا رافعين شعار (الاجر المتساوي للهمل المتساوي) والشعار يبدو عادل ولكن كان كلمة حق اريد بها باطل