الفكر السلفى فى ورطة امام الدكتور محمد شحرور !

Quote: شكراً امير في نقطه عاوز الفت الانتباه ليها اولاًِ عندما ياتي الكلام عن شحرور وهو التشابه، بل التطابق في كثير من النواحي مع طرحه ومع طرح المرحوم محمد ابو القاسم حاج حمد.السوداني الوحيد الممكن تسميهو فيلسوف. النقطه الاساسيه الانطلق منها الاتنين هي نظريه في اللغه تنفي الترادف والاشتراك اللفظي وهي فكره قريبه من تفسير القران بالقران حيث يتم اولا تحديد كل الاماكن التي ورد فيها اللفظ ومن ثم محاوله ايجاد تاويل للفظ يربط الاماكن دي كلها بي بعض. الحاج حمد مرق بي نظريتو من خلال كشف آلهي بقول ان حدث ليهو ابان اعتكافو في جبل لبنان و دا كلام مقبول جداُ. شحرور بقدم طرح تحديثي يبدو عليهو التماسك، ولكن المشكله انو الفرضيه البقوم عليها البنيان بتاعو دا هي فرضيه لا مجال للتحقق منها بالادوات المتاحه للبشرالعاديين واللهي انو "اللغه الالهيه لغه دقيقه جدا ولايمكن ان يكون فيها اشتراك او ترادف". يعني هسي شحرور بتسالو تقوليهو مثلاُ ياخ ليه بتفتكر كدا في القضيه الفلانيه يرد عليك بانو اذا ما افتكرته كدا بتكون اللغه الالهيه دي غير دقيقه. طيب غير دقيقه دي او معيار الدقه دا جبتو من وين ياشيخ ؟ لايعلم ولا احد يعلم !