|
|
 Re: صديرك عام تقول غرر الوزازين! يا بنات بلادي (Re: عبيد الطيب)
|
Quote: المقطع الفوق دا بتكلم عن زولة "مشيأة" من شيئ !!
زولة قليلة تجربة وخبرة بالحياة وغير منتجة بدليل (لدروبك انت ما شقن بوابير)
زولة غير مفيدة للمجتمع الحواليها .. إنسانة للجنس فقط (السمح مرعاك يا قش التناقير)
Quote: انتى ما بدوك لى زولا مسيكين
الا واحدا نخلو مقرون فى البساتين
سواقيهو تصحى الكانوا نايمين
؟؟؟؟؟؟؟؟؟؟
وأترك لك التعليق يا طه
وكامل تضامني مع الزول المسيكين :)
Quote: و تشكى من الطريحة تقول تقيلة |
يا عبد الوهاب سلآم، واشواق
كتيرة.
يا وهبة الشاعر دا زولاً مِسكيّن، لكن لشقاوتو وقع في حب آمنة دي، ويبدو أنها
بادلته الغرآم، لكن الإستحالة كانت في الوصال. هذا الشاعر يا عبد الوهاب إبن
بيئته، لذلك نجده إستعمل مفردات من البيئة ليعبر بها عن مدى حبه، ويصف بها
محبوبته.
التشبيه بالمدفون في المطامير لم يقتصر عليه هذا المِسكيّن، ولم يكن حكراً علي
النساء، فقد قال أحد شعراء البطانة:
جيتك بامتثال صاحبي المتمم كيفي
إبراهيم ثبات عقلي ودرقتي وسيفي
مطمورة غلاي مونة خريفي وصيفي
سترة حالي في جاري ونساي وضيفي .
كدي شوف (مطمورة غلآي) دي!!!. الشاعر جابا من صميم البيئة وشبّه بها صاحبه
دالاً علي كرمه، وإنه كالمطمورة ملئ بالنعم التي لا يبخل بها ساعة العسرة، فالمطمورة
حفرة يخزّن فيها العيش وغيره من المحاصيل لمواجهة سنين الجفاف، ودائماً يخزّن
المحصول في سُنبله حتي لا تطيله آفات الأرض (في سورة يوسف، ذروه في سنبله).
تشبيه المحبوبة بالمدفون في بطن المطامير فيهو رمزية بأنّ شوفتها تغيث الملهوف،
وتطمئن القلب المجروح، وتبعث الطأنينة في النفس. النعام آدم قال: لا شوفتاً تبل الشوق،
لا رداً يطمِن؟؟؟.
البوابير المعنية هنا أظنها بوابير البحر (البوآخر) التي كانت في القديم تأتي من الصعيد
للشمالية لنقل المحاصيل بعد شرائها للصعيد، فالمحبوبة بعيدة عن أيدي هاؤلاء التجار الذين
يأتون من الصعيد لأنها محصول بعيد عن بواخرهم وبعيد عن النيل، وذو صلة بالعتامير
التي لا تطيلها بوابير البحر.
الملآحظ أنّ هذا الشاعر المِسيكين زول بحر لكنه تحدث عن العتامير، والعتامير ليس لها
صلة بالبحر، والشمالية ليست منطقة أمطار ؟؟؟. حقيقة الأمر إنوا أهلنا ناس الشمالية في
موسم الأمطار بيشيلوا العتامير، أي يرحلوا إليها لزرآعة العيش، فالشاعر يصف محبوبته
بالقِشيش النابت في منتصف الخلاء. الفوق في العتامير، أي البعيد عن البحر وعن أرض
الشمال شحيحة الأمطار. ونسبةً لشُح الأمطار، ذكر أنّ العتمور مطران بالحيل، ورعده في
حالة زمجره دائمة، ودُكنوا قرآب، وتِعلوا يوّت يتفقع، ونبتو رويان، ومرعاه جميل يسُر
الناظرين، فتشبيه المحبوبة بهذا القِشيش، ولآحظ التصغير في قشيش ينم عن خفة روح
المحبوبة ولطافتها. السمح مرعاك ليست كناية عن المضاجعة في
السرير، إنما تعني أنّ المحبوبة في نضارها وجمالها وعنفوان شبابيها تسر الناظرين كأنها
قِشيش هذا المرعى الذي أصابه وآبل، فهاج وإخضرّ وأنبت من كل زوجٍ بهيج. التناقير
أظنها كلمة نوبية.
الشاعر تنقل في التشبيه بين العتمور وضفاف النيل. يا عجو المحس التقيل فدع العرآجين،
إنت ما بيدوك لزولاً مِسكيّن... عارف يا عبد الوهاب، يشهد الله نحن كُنا لآمن نطلع فوق
ود لقاي نلقى عسلو منقِط فوق الجريد، ومِن شدة ما رويان بالعسل وتقيل العراجين ديل تقول
هسسسسِع يكسِرِن. تشبيه المحبوبه بعجو المحس التقيل فدع العراجين تشبيه في مِحِلو، وهو
تشبيه زولاً فعلاً عارف قيمة الحآجة دي ومُستحضر جمالها. التمر النفر دا يا عبد الوهاب
المِسيكين دا ما بيقدر يدفع تمنوا صدقني، عشان كدا مات كمد، وراح يتحسر و يردد حِليلك
يا ام جبين يا بدر دورين. حليل دي كلمة تنضح وتعج بالشوق والحنين، إستعملها المِسكين في
لحظات حسرة وألم لفراق المحبوبة التي لم تسافر حيث أنّ السفر كان نادر الحدوث في ذلك
الزمان، فقد ذهب في عِصمة الزول اب تمراً مقرّن في البساتين، وسواقيهو تصحي الكانوا
نايمين.
صِديرك عام تقول غُرر الوزازين.
خلي بالك صاحبنا المِسكين دا رغم الشاكوش، الظاهر عليهو
حضر قطع الرحط،،،،،،،،هههههههه.
Quote: وأترك لك التعليق يا طه
وكامل تضامني مع الزول المسيكين :) |
معليش يا وهبة، إنت تركت التعليق لجعفر،
لكن أنا زول حُشري.
والله صحي...
|
|
 
|
|
|
|
|
| العنوان |
الكاتب |
Date |
 صديرك عام تقول غرر الوزازين! يا بنات بلادي | طه جعفر | 01-04-13, 02:18 AM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 02:19 AM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 05:14 AM |
| Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-04-13, 07:09 AM |
| Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-04-13, 07:12 AM |
| Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-04-13, 02:36 PM |
| Re: صديرك عام تقول غرر الوزازين! يا بنات بلادي | وضاحة | 01-04-13, 02:45 PM |
| Re: صديرك عام تقول غرر الوزازين! يا بنات بلادي | عادل عبدالعزيز عبد الرحيم | 01-04-13, 03:04 PM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 09:35 PM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 03:11 PM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 03:10 PM |
| Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-04-13, 03:26 PM |
| Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-04-13, 03:36 PM |
| Re: صديرك عام تقول غرر الوزازين! يا بنات بلادي | عبدالوهاب علي الحاج | 01-04-13, 06:47 PM |
| Re: صديرك عام تقول غرر الوزازين! يا بنات بلادي | Balla Musa | 01-04-13, 09:14 PM |
| Re: صديرك عام تقول غرر الوزازين! يا بنات بلادي | سيف النصر محي الدين | 01-04-13, 09:33 PM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 09:44 PM |
| Re: صديرك عام تقول غرر الوزازين! يا بنات بلادي | عبيد الطيب | 01-05-13, 01:57 PM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 09:40 PM |
| Re: صديرك عام تقول غرر الوزازين! يا بنات بلادي | طه جعفر | 01-04-13, 09:34 PM |
| Re: صديرك عام تقول غرر الوزازين! يا بنات بلادي | بثينة تروس | 01-05-13, 01:53 AM |
 Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-05-13, 02:11 AM |
| Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-05-13, 10:43 AM |
| Re: صديرك عام تقول غرر الوزازين! يا بنات بلادي | عبدالعزيز حسين عبدالرحيم | 01-05-13, 10:55 AM |
| Re: صديرك عام تقول غرر الوزازين! يا بنات بلادي | معاوية المدير | 01-05-13, 01:00 PM |
| Re: صديرك عام تقول غرر الوزازين! يا بنات بلادي | عبيد الطيب | 01-05-13, 02:08 PM |
| Re: صديرك عام تقول غرر الوزازين! يا بنات بلادي | معاوية المدير | 01-05-13, 03:48 PM |
| Re: صديرك عام تقول غرر الوزازين! يا بنات بلادي | طه جعفر | 01-05-13, 07:26 PM |
| Re: صديرك عام تقول غرر الوزازين! يا بنات بلادي | طه جعفر | 01-05-13, 07:28 PM |
| Re: صديرك عام تقول غرر الوزازين! يا بنات بلادي | طه جعفر | 01-11-13, 01:20 AM |
| Re: صديرك عام تقول غرر الوزازين! يا بنات بلادي | زياد جعفر عبدالله | 01-11-13, 02:21 AM |
| Re: صديرك عام تقول غرر الوزازين! يا بنات بلادي | بثينة تروس | 01-11-13, 04:35 PM |
| Re: صديرك عام تقول غرر الوزازين! يا بنات بلادي | Abdalla Ali Abdalla | 01-16-13, 05:37 AM |
|
| |
معاوية المدير
فيس بوك
تويتر
انستقرام
يوتيوب
بنتيريست