وكت الكلام جاب الكلام سؤال ياموصلي و تمبس !!

Quote: وللشليق المستعجل اخو عازف الكمان الخطير البيرد قبل الاستاذ موصلى (دى شمارات ساى) مع كلامك رائع ومنطقة ومنهجى لكن كدى بس خلونا نزح شوية من شماعة الحقيبة البنجدع فيها اى حاجة ليها علاقة بالموسيقى السودانية

الحقيبة يا ابو الزيك ما شماعة لكن واقع وحقبة تاريخية لا يمكن الفكاك منها والدليل على ذلك اعادة تدويرها حتى الان حتى في فرقنا الحديثة وفي موسيقانا البحتة التي تقوم عليها البحوث وإلخ .. حتى في شكل اعادة توزيع الاغاني ..
عن اننا نعلق كل شئ على شماعة الحقيبة ما هو إلا نكران لتلك المرحلة ومحاولة طمس ملامحها .. اتفق معك في اننا يمكن ان نعمل على الا نقحم اغنيات الحقيبة في تاريخنا الحاضر .. وننتبه لمكنونا ولانتاجنا المحلي والسودان غني .. فقط نحتاج إلى باحثين على قدر عالي من الذكاء أمثال العبقري عاصم الطيب .. والراحل اسماعيل عبد المعين ..
مع احترامي طبعا لاستاذ الموصلي .. أرى انهم لم يعطونا بقدر حجم انتظارنا لهم طيلة كل هذه السنوات واللوم ايضا موجه إلى كل من يستجلب لنـا اعمال عن حضارات غربية لا ترتقي إلى مسامعنا ولا تتوافق مع احساسنا كسودانيين .. نلتقط اشارات المدئح ليقشعر بها جلدنا .. ونستمع لحنان النيل ونزرف الدمع وننصت لعثمان حسين .. فتنتابنا اللوعـة ..
..
بعدين يا زكريا .. ياخ تلقى ليك مولد زي دا وتكبر اللفـه منو ..؟ والله لما لقيت اسمك قلت حسع دي ح تجي تفرتق لي (الصولو ) بتاع (القربـة) دا ( نوار .. نوار ) (كروش .. كروش) .. خاصة انو الحتة دي قطعتها ليك من مقترح حق بوست .. ح اتحفك فيهو بالهورن الفرنسي والتوبـا والترامبول والكلارنيت .. إلخ .
..

Quote: حقيقة اندهشت لانني كنت اظنك (هاوي بشدة) واتضح بانك (محترف) منقطه وحافظ لوحك

..
عليك الله الكلام دا قولو لي المدعو ود الصايم .. لانو ذبحني .. قالي عندي جيتار (عضم) عايز اجيبو ليك .. عليك الله الزول دا وديهو الضل وخليهو يسمع كلامي انا القدامك دا
وباملرة شوفو لي طريقة تذكية لي عضوية في الفور اوول .. انا بعد كدا قعادي معاكم هنا بقت فيهو مجاسفات بي امكانياتي الخطيرة دي .. انا تاني ما بكتب إلا مع حسن موسى