|
|
 قصص..مواقف..نكات..ما عرفنا سييدا منو؟
|
ونحن صغااار ونتشالق في قصة الفنانين ونحن ملمومين تحت شجرة النيمة ذات نهار مسخخن جات السيرة عن الاستاذا ود اللمين واحد من أولاد الحلة قال لينا أووووو ياخ ود اللمين ده ملك العووود ..قبل كده جابوهو في لقاء انا حضرتو قال فيهو والله لو ما إحترامي لي الموسيقى كنت عزفت العود بي رجلي..
رسخت المعلومة في ذهني تمااماً بل وإستلمتها ليكم من صاحبنا ده وبقيت بقشر بيها كمعلومة وأصصر وإلللح إنو انا زاااتي قبل كده سمعتها في لقاء تلفزيوني..
قبل فترة وانا قاعد مع يمني وكان مشغل تلفزيون اليمن جابو فنان يمني صوتو جميل وبيعزف العود بي طرقة جميييلة قمت علقت لي اليمني ده بي إنو الزول ده شكلو فنااان شديد وبيعزف العود بي طريقة غريبة ..
رد علي اليمني بي إنو أووو ده الفنان فلان الفلاني وهو معروف بي عزفه على آلة العود وواصل قائلاً :
يا عمر هذا الفنان في لقاء تلفزيوني قال لمقدم البرنامج لولا إحترامي للفن لعزفت على العود بقدمي !!!
نفس الحكوة تكررت لي مع صديقي السعودي وانا أحادثه عن إعجابي بالفنان عباد الجوهر وكيف أن عزفه على آلة العود مريييحة فرد علي السعودي :
يا عمر عباد الجوهر قال في لقاء صحفي لولا إحترامي للعود لعزفت عليه بقدمي !!!
من القصص أعلاه إتضح لي تماااماً إنو المقولة دي يا إما ما عندها سييد يا كمان سييدا واحد لكن بعد داك إتلفحت وأييي زول بقا يللصقا في فنان من بلدهم..
نموذج تاني متعلق بي النكات ..
كتيير من النكات بتتحكي في المجالس على إنها موقف حقيييقي والزول يحلف لييك يقول ليك حصلت لي صحبي وانا كنت قاااعد معاهو لمن حصلت ..تقوم بعد فترة تمشي لي منطقة تانية تلاقي نففس النكتة بيحكيها ليك زول تاني ويحلف ليك إنو حصلت ليهم فييي الحلة عندهم وهو أحد الشهود عليها..
يعني مننن ونحن صغااار أييي زول بيحكي ليك إنو في حصة الإنجليزي في واحد صاحبم الأستاذ قال ليهو أقرا كلمة Enough يقول ليك قراها ليهو أنقهي وواحد تاني يقول ليك الأستاذ وقف اصحابي يقروا في حصة الإنجليزي قام الأول قال ليهو ويير إز ذا كنايف التاني رد ليهو آي دونتي كنو ..
والقصة دي يبدو إنها مننن الستينات أيي زول بيقول ليك حصلت لي صحبي..
نموذج تالت متعلق بي القصص حقت المغتربين خصوووصاً في الخليج ..المغترب في الإمارات يحكيها ليك على إنها حصلت في الأمارات وفي شركتهم ..المغترب في السعودية يحلف بي التقطعو إنها حصلت عندهم وهو كان حاااضر ..والمغترب في قطر يقول ليك وحاااة الله القصة دي انا شوفتها بييي عيني ..
اللي هي يجي واحد يحكي ليك يقول ليك إتنين من الكفلاء (اصحاب العمل الخلايجة) قاعدين مع بعض بيتونسو قام واحد فيهم قال للتاني أوريك الفرق شنو بين المصري والسوداني؟؟ داك قال لهيو أييييوة ..
اها قام الكفيل الخليجي(طبعاً محل خليجي دي خوتو سعودي إماراتي قطري حسب رواي القصة مغترب وين) نادا ليك المصري وقال ليهو الليلة يوم كم؟؟ المصري قال ليهو اللية يوم 15 ..قام الكفيل قال ليهو خلاص نهاية الشهر نحن قررنا ننهي خدماتك ونتخلى عنك ونعمل ليك خروج نهائي..فقام المصري جا للكفيل وباس يدو ولييه يا بيييه وانا عملت إييه وأبووس إييدك خليني انا عندي عيال أربيهم وعندي وعندي ..أبووس رجلك يا بيه..فقام الكفيل قال ليهو خلاص كدي أمشي وبنشوف..
قام الكفيل نادا السوداني وقال ليهو جيب ملفات الحسابات وتعال..أها وسألو الليلة يوم كم ؟ السوداني قال ليهو يوم 15 ..فرد الكفيل خلاص يوم 30 في الشهر ح يكون اخر يوم ليك وح نعمل ليك خروج نهائي ..قام السوداني رمى ليهو الملفات في وشو وقال ليهو وليييي يوم 30 ؟؟هاكم عواليقكم دي من أسسسة وده طرفي منكم !!!!!
حقيقي إستوقفتني هكذا قصص وهكذا حنك وبقيت ما عارف الفهم منها شنو والرواي بيكون غرضو شنو لمن يستلم قصة سواء كانت نكتة أو مقولة أو موقف ينسبها لي روحو وإنها حصلت وهو شاهد عليها !!!
النماذج كتيييرة والقصص أكتر...
تخريمة :
عندنا صاحبنا الأستاذ كتب في السبورة I shall Do وقال ليهو أقراها قام صاحبنا قراها إسهال دو..
|
|
  
|
|
|
|
|
| العنوان |
الكاتب |
Date |
| قصص..مواقف..نكات..ما عرفنا سييدا منو؟ | عمر الفاروق | 08-25-12, 07:49 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-25-12, 08:15 PM |
| Re: قصص..مواقف..نكات..ما عرفنا سييدا منو؟ | الرفاعي عبدالعاطي حجر | 08-25-12, 08:21 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-25-12, 08:31 PM |
| Re: قصص..مواقف..نكات..ما عرفنا سييدا منو؟ | حمزه بابكر الكوبي | 08-25-12, 10:32 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-25-12, 10:37 PM |
| Re: قصص..مواقف..نكات..ما عرفنا سييدا منو؟ | حمزه بابكر الكوبي | 08-26-12, 00:33 AM |
| Re: قصص..مواقف..نكات..ما عرفنا سييدا منو؟ | الصادق اسماعيل | 08-26-12, 03:08 AM |
| Re: قصص..مواقف..نكات..ما عرفنا سييدا منو؟ | محمد حيدر المشرف | 08-26-12, 04:42 AM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 07:41 AM |
| Re: قصص..مواقف..نكات..ما عرفنا سييدا منو؟ | omer osman | 08-26-12, 08:17 AM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 08:27 AM |
| Re: قصص..مواقف..نكات..ما عرفنا سييدا منو؟ | omer osman | 08-26-12, 08:34 AM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 08:31 AM |
| Re: قصص..مواقف..نكات..ما عرفنا سييدا منو؟ | rani | 08-26-12, 09:37 AM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 10:51 AM |
| Re: قصص..مواقف..نكات..ما عرفنا سييدا منو؟ | طاهر بدر | 08-26-12, 12:14 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 12:30 PM |
| Re: قصص..مواقف..نكات..ما عرفنا سييدا منو؟ | الفاتح شلبي | 08-26-12, 01:04 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 01:37 PM |
| Re: قصص..مواقف..نكات..ما عرفنا سييدا منو؟ | ابوحراز | 08-26-12, 04:34 PM |
| Re: قصص..مواقف..نكات..ما عرفنا سييدا منو؟ | أيمن دياب | 08-26-12, 05:07 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 06:24 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 06:27 PM |
| Re: قصص..مواقف..نكات..ما عرفنا سييدا منو؟ | محمد عبد الرحيم جمعة | 08-26-12, 06:44 PM |
| Re: قصص..مواقف..نكات..ما عرفنا سييدا منو؟ | عمر الفاروق | 08-26-12, 07:39 PM |
| Re: قصص..مواقف..نكات..ما عرفنا سييدا منو؟ | طاهر بدر | 08-29-12, 01:32 PM |
| Re: قصص..مواقف..نكات..ما عرفنا سييدا منو؟ | محمد عبدالرحمن | 08-29-12, 01:50 PM |
 Re: قصص..مواقف..نكات..ما عرفنا سييدا منو؟ | معاوية المدير | 08-29-12, 02:15 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست