|
|
 Re: *** عصافير البورد *** (Re: اسماء الجنيد)
|
Quote:
ابتني الهدهد عشاً
زارني في الليل
سرب من حمام
قلت للنورس همساً
صادر الوالي
خطابات الغرام!
أخذ الطاووس
من ريشي
واهداني ريوشاً
كي أنام
بايعتني الطير
أسراب القطا
والعصافير تغنت
باناشيد القيام!
انني صرت مليكاً للحمام
انني صرت رسولاً للسلام
تحياتي الصديقة اسما وما عهدناك الا عصفورة من عصافير الجنة.
|
يا سلاااااااااااااام حديقة من العصافير الشجية جاتنا صباحية
طلتك حنينة حنيـــــــنة شاعرنا القامة زمراوي
صبحك الله بي خيرو الكتير ووفير ، وملاك عافية بقدرما ما بتملانا محنة وفرح
إنت رسول السلام والمحبة والوئام شاعرنا الكبير
عهدناك دوما وطني غيور وشاعر ثوري جسور
ربنا يمتعك بالصحة ويعدلا عليك وين ما تقبل
تسلم اخوي العزيز وصديقي الوفي الإنسان الشاعر النبيل
فخوووورة أنا بمعرفتك وخوتك يعلم الله
| |
 
|
|
|
|
|
|
|
|
Re: *** عصافير البورد *** (Re: حافظ انقابو)
|
Quote:
سلام يا بلومة يالخاتية اللومة
يا حنين يا طير الجنة يا مرسال شوقنا لي اهلنا
الشوق ليك اطنان اطنان ولكل المتداخلين السلام |
حيوتة الخرزة والياقوتة ,,
حبابك يا حبيبتي وقريبتي المن بطن اماتي ,,
والله يا حياة ماك طالباني حليفة يا خية التكننا اخوات بنات فد بطن ,, والله صحي
حبابك يا الغالية واعذريني باقي عزيز ود عمي عيسى جابلو نصيبة برتقالية لا عرفتها سمكة ولا عرفتها طيرة , والله صحي
شتت نظري وخلتني ما اشوف المداخلة إلا بعدما ردي ليه ,,
النبي امشي شوفي الطيرة واللون البرتقالي فيها , النبي ما بنفع يكون توب توتال سااااااااادة .؟ دسدتر بي اللون يا خية , والله صحي
تسلمي يا حيوتة وتسلم ايامك كلها يا يمة
وإنتي ياختي غصن السلام البشيل عصافيرنا الحنينة
| |
|
|
|
|
|
|
|
|
 Re: *** عصافير البورد *** (Re: اسماء الجنيد)
|
صديقتنا بت الجنيد
قال الشاعر:
واذا اتتك محبتي من بلبل
فهي الشهادة لي بأني هدهد
لك تحية"طايرة" وللعيال وابوهم
ومن ام العيال تحية أخرى.
وتحية لكل طيورنا المهاجرة
ومن في اعشاشها
وعلى العموم:
أحلى الطيور مقفولة في اقفاص حديد
والحرة طايرة بلا شروط: غربان وبوم
| |
|
|
|
|
|
|
|
|
Re: *** عصافير البورد *** (Re: اسماء الجنيد)
|
الأستاذة / أسماء الجنيد
سلام
مع ريحة الدعاش البترد الروح وتعدل الكيف والدنيا خريف، بقول يا حليل السمبرية أم قدوم حتى هي رحلت عن ديارنا وخلتها حزينة ، ولينا زمن ما شفناها ونحنا في غربة الجن دي ، ويا حليل الزمن الجميل والطيور الكثيرة ومتنوعة خاصة التي كانت تشرفنا في فصل الخريف ، وياما كنا نملا شباكنا بطيور كتيرة وجميلة، شيء نصطاده بالكر" الشبكة"، وشيء بالنبلة والقلابة وأم
مابريش كمان وريحة شواء الطيور تشم من بعيد. تلك أيام خلت ليتها تعود، وين شفعنا من المالوفة وقبيض الطير، الجولات والـ Play station قددت عيون أولادنا وحرمتهم من لعبنا السمح وعاداتناوقيمنا وموروثاتناالجميلة .
| |
|
|
|
|
|
|
| |
اسماء الجنيد
وضاحة
مها عبد الله
حافظ انقابو
MOHAMMED ELSHEIKH
عبد الله كسلا
هويدا شرف الدين
الفاتح الجنيد
إسحاق بله الأمين
فيس بوك
تويتر
انستقرام
يوتيوب
بنتيريست