|
Re: حاولت انسااك..... (Re: Osman Musa)
|
محمد عثمان الزول الفنان ...
استاذنا المرهف احمد الامين ...
وكل الاخوه الذواقه في هذا البوست الجميل ...
العميد لن يتكرر ... فهو يجلس في فئة خاصه به ...
اذكر في لقاء مع عوض الكريم عبد الله ... و اسرته ...
قال عوض الكريم ... كنت في بيت عرس لأسره تاجر كبير في الخرطوم ...
وقال انا كنت وكتها نجمي ساطع و اي عروس دايره عوض الكريم يغني في عرسها ...
وانا كنت فنان الحفله الوحيد ...
قال قبال ما اطلع اغني كنا قاعدين في حوش جانبي ...
جانا احمد المصطفي داخل و شايل عودو ...
و احمد المصطفي كان بالنسبة لينا الهرم الاكبر ...
مشي علي الصالون سلم علي اصحاب العرس ...
وبعيدين جانا علي الحوش القاعدين فوقو ...
سلم علي احمد المصطفي و قال لي يا استاذ انا عارف انو دي حفلتك ...
و حقيقة الاسرة دي عزيزة جدا علي ... وحابي اجاملها بغنيتين ...
و للأسف انا مرتبط بي حفله في امدرمان عند آل عبدالمنعم ...
فلو تسمح لي ... بس اطلع اغني غنيتين ... اجاملهم بيهم ...
وانا آسف جدا ً ...
عوض الكريم بعد ما ذكر الحكايه دي ... عاين لمضيفه في البرنامج و قال ليهو ...
أحمد المصطفي يستأذنى انا ؟؟؟
قال ليهو ليه الجيل داك جيل العظماء ... عشان التواضع و الاخلاق دي
وانا كلمة الاستاذ احمد المصطفي دي ... عشت بيها حياتي كلها ...
|
|
|
|
|
|
|
العنوان |
الكاتب |
Date |
حاولت انسااك..... | محمد عثمان | 11-02-13, 09:52 PM |
Re: حاولت انسااك..... | ياسر السر | 11-03-13, 06:09 AM |
Re: حاولت انسااك..... | محمد عثمان | 11-03-13, 07:12 PM |
Re: حاولت انسااك..... | احمد الامين احمد | 11-06-13, 07:29 PM |
Re: حاولت انسااك..... | احمد الامين احمد | 11-07-13, 02:08 PM |
Re: حاولت انسااك..... | Osman Musa | 11-07-13, 02:33 PM |
Re: حاولت انسااك..... | يحي قباني | 11-07-13, 04:16 PM |
Re: حاولت انسااك..... | احمد الامين احمد | 11-07-13, 06:30 PM |
Re: حاولت انسااك..... | معاذ الفحل | 11-07-13, 06:37 PM |
Re: حاولت انسااك..... | Elamin Medani | 11-07-13, 07:48 PM |
|
|
|