هل من الممكن ان تثور الجماهير دون تخريب للممتلكات العامة ؟؟

Quote: اول مره اعرف ان من ادبيات المنبر البكتب لى زميل لازم ارد عليهو بكلمة زميل ؟؟ وبعدين ما تزعل وده ما موضوعنا الاساسى .. الواحد لم يحتار يمشى يفتش البروفايل .. ياخى انت بطريقتك دى بتثبت انه من ليس هو معك اكيد هو ضدك .. وسرعان ما صنفتنى باننى ضد ثوار يونيو وكمان بفرض عليهم وصايا ياخى حرام عليك .. وبعدين كان انا بساعد فى فك زنقة الحكومة والله انا ما هين عدييل كده .. انا مع التظاهر ومع الخروج ومع هذه الثورة ان سارت بطريقة سلمية دون خسائر فى الارواح والممتلكات .. الكلام ده هسى بختلفوا عليهو اثنين عليك الله ؟؟ ولا بس عايزنى اخم واصُر فى الفاضى والمليان؟؟ ومنو القال ليك ما همانا انفصال الجنوب ؟؟ وسؤال اخير عليك الله الثورة دى ما ممكن تنجح من غير تخريب ؟؟ اين العقل والعقلاء؟؟ ثانيا يا اخى الكريم امل ان تقرأ البوست جيدا قبل ان تكتب على عجلة وركز فى هدف البوست .. لانه لو اى زول كتب راى وبناء على هذا الراى يتم تصنيفه وصيااو غيره فلن ينعدل الامر وستستمر الماسى..