|
|
 Re: تصريح صحفي من الملحقية الاعلامية لسفارتنا بالقاهرة بشأن اعتقال صحف (Re: صلاح غريبة)
|
| Quote: حضرت من السفارة قبل قليل ولا يوجد اي أثر لتجمعات او احتجاجات وخلافه |
Quote: ثانيا : كل العدد الكان متواجد هم (22 ) وفي جماعات متفرقة خالص لا مسيرة ولا هتافات ولا يحزنون
|
تطورنا قليلاً من مافي تجمع او احتجاجات وخلافه لانو كان في 22 مصري مجتمعين قدام السفارة. هسه القال مسيرة منو ؟ ده دعوة عاجلة تمت قبلها بساعتين و حضر من هو قريب و البعيدين اتصلوا هاتفيا بمحمود الورداني مؤازرين .. ولولا انها مرقت لجوك بمسيرة .. عددمم كان 22 بالله ؟ ما حسبتهم لكن ما أظن
ولي معك سابق غلاط حساب في وقفة فيصل محمد صالح قبل عام لمن قلت عددم 11 و انا منزل صور فيها ما لا يقل من 14 نفر ديل الصورتهم انا كصور نوعية للاشخاص حاملي اللافتات ناهيك عن البقية.
لكن ما بيناتنا قول كانو 22 نفر.
ما كان في هتافات ؟
متأكد ؟ يعني الصحفي بتاع جريدة الوطن الوقف صور و عمل لقائات والهتافات مدورة بوراهو لو نزل بكره و جبتو ليك بتقول شنو ؟
انت واقف جمب السفارة ما سمعت المصريين بيهتفوا للسفارة : يا ولاد ال######ة يا ولاد ال######ة ؟
بالنسبة لموعد قفل السفارة فدي و الله ياها حجة وزير الدفاع .. اللمة دي ما تعتبر وقفة احتجاجية لأنو الناس ديل جو بعد السفارة قفلت.
كان تبيتو سلمى المخالفة للقانون دي للصباح تشوف يجوكم في معاد العمل الرسمي.
Quote: في تعاون موثق مع مجموعة ( قرفنا ) وشرح للثورات الشبابية وكيفية قيامها ودعمها وهذا هو الموجود
في مواد اللابتوب الذي قبض معهم .................. |
طيب مش " السيد الرئيس القائد الملهم " اعترف انو دعم ثوار ليبيا بالسلاح عديل ؟ وين المشكلة لو في تعاون وثيق بين قرفنا و ثوار مصر ؟
وله الثورة المصرية هسه بقت كعبه ؟
الرسول فوقك كان ما قلت الثورة المصرية كعبة.
قول..
انا اتعلمت من المصريين شيل الحس. عليك النبي كان ما قلت الثورة المصرية كعبة فتعاون قرفنا الوثيق الانت بتدعيو ده وانا لا اعرف عنه شيء ولا يهمني لأني لست عضو في قرفنا التعاون ده يسئ لقرفنا.
ياخ اعتبرم زي ثوار ليبيا الاداهم الرئيس سلاح. وله دي كراع و ديك رجل ؟
اعتبرم زي " ثوار" تشاد البيدعمم النظام.
وين العيب و الغلط في انو يكون في تعاون وثيق وله لصيق بين قرفنا وثوار مصر ؟
بالنسبة للقضايا المشابهة دي زي شنو كده يعني ؟
اعتقال صحفي سوداني زي فيصل محمد صالح قصدك ؟ ايوه دعمتو. انت سويت شنو ؟
اعتقال و تعذيب اباذر ؟ ايوه دعمتو. انت سويت شنو ؟
ولم تجبني على جريمة المسئول الذي أطلق سراح مواطنة أجنبية تعمل بالمخالفة للقانون. الاستاذ الورداني شخص عزيز عليّ و أقدره جداً .. لكن انا كسوداني احتاج أن اعرف لماذا تم اطلاق سلمى بالمخالفة للقانون ؟
يا صلاح .. دينق ما خاتي عليك .. " اختشوا " !!
|
|
  
|
|
|
|
|
| العنوان |
الكاتب |
Date |
 تصريح صحفي من الملحقية الاعلامية لسفارتنا بالقاهرة بشأن اعتقال صحفيين | صلاح غريبة | 06-21-12, 05:03 PM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | صلاح غريبة | 06-21-12, 05:34 PM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | صلاح غريبة | 06-21-12, 10:59 PM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | حمور زيادة | 06-21-12, 11:46 PM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | صلاح غريبة | 06-21-12, 11:59 PM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | حمور زيادة | 06-22-12, 00:23 AM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | حمور زيادة | 06-22-12, 00:25 AM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | عبد الواحد أبراهيم | 06-22-12, 01:06 AM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | صلاح غريبة | 06-22-12, 07:10 PM |
| Re: تصريح صحفي من الملحقية الاعلامية لسفارتنا بالقاهرة بشأن اعتقال صحف | قاسم المهداوى | 06-22-12, 10:22 PM |
|
| |
حمور زيادة
فيس بوك
تويتر
انستقرام
يوتيوب
بنتيريست