استغاثة من المسيرية: نريد زخيرة، وماء، ودواء، هناك جثث، ودماء.

Quote: يوم متين انا او انتي كجلابة، امثال الدقم كانو بشر في عيونا عشان كمان "نحزن" عليهم فرد حتة؟ انا بتكلم عن وعينا الجماعي كجلابة، مش الافراد تيسير او بشاشا. نعم، ما ممكن نكون ابدنا قرابة ال3,000,000 من امثال الدقم او بعد ده نتكلم عن "حس انساني"! واضح كده استهبال، بالمكشوف! الحس الانساني هذا مدخور، للبشر من امثالنا نحن الجلابة، ولكن ليس امثال الدقم يا اختاه! مش دي الحقيقة؟ لهذا بشاشا، يتحسس طبجنتو، لما يسمع تعبير "حس انساني" علي لسان ليبرالية، اخوانو، او اخواتو الذيك، الجلابة والجلابيات!

طيب خليك من دا كلو الجلابة عرفناهم الليبرال أبادوا كم مليون عشان نسحب منهم ترخيص الإنسانية؟

Quote: بعدين ياتري ليه لسان بشاشا ده، بضرس سنونك او سنون الدقم، معا، في ان واحد؟ قطعا، انه واقع قاسم العلاقة المشتركة ما بين الجلابي والمجولب زي الدقم، الذي يكره كما الجلابة، قوي البديل! لهذا، احنا بنفهم شغل الدقم هنا، بي طريقة مختلفة اختلاف جذري!

أها النقول لي يا شقيق وبدون مجاملة:
لسان بشاشا في العادة ما قاعد يضرس لي سنوني دوناً عن خلق الله بالعكس يمكن من القلائل الما قاعدة أفوت ليهم حرف رغم التكرار التكرار التكرار التكرار لكن أنا مع أسلوب التكرار لأبعد حد وفي الموضوع دا بالذات وكل يوم عشان الناسي يتذكر والمتذكر يقطع تذكرة تاني لأنو دا أكتر موضوع مفروض ما يغيب عن عيون وأذهان الناس وأقول ليك سر كمان مبسوطة منك للحد البعيد ومبسوطة بي مفكات وزرديتك رغم إنك كتير بتفكفك وتربط بدون أي كتلوج أو فرز زي دخلتك الشترا بتاعة الليلة في بوست وظرف زي دا ما وقتو ..

Quote: قطعا قضية الدقم هنا ماحزن او بث، علي الموت، وانما غرضو الاساسي، كما الجلابة، اتخاذ ما حدث، كمنصة لاطلاق الصواريخ، تجاه قوي البديل، لانو حاسوب دماغو مبرمج علي كده، والا لما هيمن الجلابة هيمنة مطلقة علي المليون ميل مربع!

غايتو مرات بتكتب ليك كلام يعمل إيدز عديل !!


أنا فترتا
نرجع لاحقاً للدواس بتاعنا ..

مع إعتذاري العميق لأخونا المحترم محمود الدقم عن تغيير مسار البوست ..