|
|
 Re: اخبار البورد.....,,انا كنت مسافر (Re: abuguta)
|
حمد لله علي السلامة يا ابقوتة
عشان الزول يجيك من الاخر وكدا اديك اهم احداث الساعة في المنبر واهم التداعيات والاشتباكات الحاصلة
بعد سقوط هجليج في يد جيش الجنوب حدث كالعادة كما هو متوقع انقسام حاد بين العضوية , المؤيدين للمؤتمر الوطني والسودانين الساكت الغير منتمين , وبعض الاصوات التي لديها ما يسمي بالوطنية في الاحزاب المعارضة وقفوا بجانب الجيش السوداني و دعمه لاستعادة هجليج , المعارضة كالعادة تشتت ما بين ان هذه حرب عادلة للجنوب ما دام الحكومة تقوم بالقصف الجوي وما بين ان هذا سيكون سبيلا لانهاء نظام الانقاذ , اللافت حقا هو موقف عضوية الشيوعي التي تفاوتت ما بين اقصي اليمين الي اقصي اليسار اضطراب واضح في الصوت الشيوعي حينما قال تنازعهم الامر ما بين ضرورة الاستفادة من الوضع لاسقاط النظام الي دعم خجول لجيش السودان لاستعادة الارض السودانية وحتي الان خدر لم يستطيع تحديد موقف واضح . محمد المشرف ما عارف روحه حيغيب من البورد ولا حيواصل فهو يتنازع بين هذا وذاك , اما عاطف مكاوي فهو يحصد في واد غير زي زرع
شكلة بين خالد عويس وضياء الدين بلال بدأت في الفيس بوك بشأن تقرير كتبه لقناة العربية عن الحرب الدائرة تم نقل الشكلة للمنبر بضبانتها , الجدير بالذكر ان المعلومة الوحيدة التي اضيفت للشكلة انه خالد عويس بشرب شيشة في نادي الطايف بتاع الارستقراطية
تراجي وبشاشا لم يتبقي لهم الا ان يبتزا الناس اذا استخدموا الطوب الاحمر في بناء بيوتهم بانه نوع من انواع العنصرية المقيتة
اتضح ان بكري ابوبكر من مدمن مشاهدة التلفيزون القومي وقد فتح بوستا يسال عن زول شبهو في واحدة من المؤتمرات الصحفية
محمد سليمان بتاع الحركات المسلحة يعيش اسعد ايامه المنبرية
حفلات تابين وردي ما تديك الدرب واكتشفوا تسجيل عجيب لاغنية الطير المهاجر بعد وفاة وردي
ود الباوقة جاب كلاشه وشرع في البورد تاح تاح تراااح حتي ظننا انه دكتور صلاح بتاع اغنية البنسلين يا تمرجي
صلاح غريبة قبضو بشاشا بمارس اشستعلاء عرقي وبدأ يزرزره , مع العلم بان بشاشا حيعيش علي البوست دا ستة ارباع جاية
خالد كودي بقي زي دكتور مصطفي محمود بتاع التجاهل شايل ليهو بوست كتبه لافي بيهو من بيت لي بيت لو قحيت ساكت ولا سالت من زول غايب يلصق ليك البوست في حنانك
هجو الاقرع انفعل بداية الحرب ونزل بوست بلعه بي شراباته في بوست اعتذار كله اضنين حمر
علاء الدين يوسف هذه المرة طال صمته عن الكتابة في موضوع الهجمة التانية علي هجليج رغم مشاركة له بالامس خجولة بتصريح الصواري بتاع قاصين درب الجماعة
عمر الفاروغ وود الصايم ومن لف لفهم من الضحكونجية حددوا اقاماتهم في الفيس بوك لحين انتهاء الازمة ورجوع البورد سيرته الاولي
عصام جبر الله مشي السودان وجا راجع جاب معاهو اشاعة عايش عليها في البورد , مع ملاحظة انه اتصور مع ملاسي صورة لما فيهو ايدينه الجدير بالذكر ان هدومهم في الصورة كما ذكر في البوست تنم عن ذوق مبشتن فالهدوم موضتها انتهت من منتصف التمنينات
في شاب جديد ابنصاتو في السماء بقي زي كيس النايلون في اي بوست اسمه حافظ انقابو ما عرفنا مويته شنو الا بعد ان افصح انه كاتبه المفضل تمبس فعرفنا مدي تواضعه
حسين ملاسي جاب مقص وقال لو حلقتو شعر الوطنية بتبقي خيانة الجماعة شبكو الحلاقة بي قطعية ما زي حلاقة الصلعة وضاعت الوطنية والخيانة ما بين الشعر
بشة طلع من ناس تحالف كاودا ما احترم الظرف البتمر بيهو هجليج ولا انه جمال الوالي مؤتمر وطني وقعد يكورك ويييياي كاودا وكل القوة هجليج جوة
نجلاء سيد احمد بعد ان اعتدت عليها الشرطة في تشيع الطالب فقدت المنطق وبقت هلالبية !!
نزار وهشام هباني ما عرفتهم بتغالطوا ولا اصحاب المهم شايف كل واحد داقي يافطة وراجي التاني
دي لفة سريعة عن الحاصل لو لقيت مستجدات او اتذكرت حاجة بجيك راجع
|
|
  
|
|
|
|
|
| العنوان |
الكاتب |
Date |
| اخبار البورد.....,,انا كنت مسافر | abuguta | 04-14-12, 07:50 AM |
| Re: اخبار البورد.....,,انا كنت مسافر | Nasr | 04-14-12, 07:59 AM |
| Re: اخبار البورد.....,,انا كنت مسافر | سلمى الشيخ سلامة | 04-14-12, 08:16 AM |
| Re: اخبار البورد.....,,انا كنت مسافر | khaleel | 04-14-12, 08:24 AM |
| Re: اخبار البورد.....,,انا كنت مسافر | اساسي | 04-14-12, 08:23 AM |
| Re: اخبار البورد.....,,انا كنت مسافر | حمزاوي | 04-14-12, 08:46 AM |
| Re: اخبار البورد.....,,انا كنت مسافر | اساسي | 04-14-12, 09:20 AM |
 Re: اخبار البورد.....,,انا كنت مسافر | محمد عبد الماجد الصايم | 04-14-12, 09:34 AM |
| Re: اخبار البورد.....,,انا كنت مسافر | اساسي | 04-14-12, 01:30 PM |
 Re: اخبار البورد.....,,انا كنت مسافر | HAIDER ALZAIN | 04-14-12, 02:58 PM |
| Re: اخبار البورد.....,,انا كنت مسافر | نيازي مصطفى | 04-14-12, 03:26 PM |
| Re: اخبار البورد.....,,انا كنت مسافر | منال | 04-14-12, 03:36 PM |
| Re: اخبار البورد.....,,انا كنت مسافر | ismeil abbas | 04-14-12, 03:41 PM |
|
| |
اساسي
فيس بوك
تويتر
انستقرام
يوتيوب
بنتيريست