|
Re: فاطمة --- سر "الفا" ، جهر "الميم" (Re: أبوذر بابكر)
|
(2)
الضل
يا فاطنه صباحنا القيّل تحت الضليل الرامى منك شايل شمسه فى ايدو ومباريكى
وفرحنا الميّل فات حد السكوت مرق حاضن غناهو ويحكى عنك وسط البلد واقف يناديكى
يا فاطنة سألتك بى دم الروح المدفق نيل امرقى على الخلوق الشاته تشحد فى سماك الفوق مغطيكى
يا فاطنة ندهتك بى لسان شغفى الأساهو طويل فكى جداول إسمك المسحور واسقينا شوفى بلية الولد المرق مجبور ونادينا اربطى جبيرة الخاطر الدوام مكسور وداوينا نرسم ليك شمس محروسة بالأفلاك نلون ليك قمر فى حضنو رك ملاك نحلب ليك غنا الليل المحين ريد تشربى بى كفوفنا لما تتكفى وتنهلى من قلوبنا لما تدفى
|
|
|
|
|
|
|
|
|