عرض مصور لكتاب جديد: الشيعة في السودان .. د. مدثر إسماعيل الباهي

Quote: بعض السودانية (رخاص) شديد ...ومخهم (خفيف) فمثلا يتحصل احدهم علي منحة دراسية الي سوريا او العراق سابقا يجيك راجع بعثي اشتراكي عربي وخاتي صورة مشيل عفلق في جيبو ... وبنفس المقدار يمشي ايران يتفلهم ويقلب شيعي وهدومو وعمتو زاتا يغيرها و(ينوني) طول الليل في شنو ما تعرف !!! وناس السعودية خليهم ساكت يجيك وهابي راسو عديل وجلابيتو قصيره ودقنو ممطوطة بصورة مغززه ومشروع (نباز) وشاتم وبتاع مشاكل ومكفراتي ...عشان لقي وظيفة وسكن جمب الجامع وهاك يا شتائم وهتك اعراض ويبكي وما يعرف الميت منو في قصة وهابية شيعة ودوري المظاليم ده صاحب الكتاب والبوست بينطبقهم عليهم الكلام الفوق ده ... ولا شئ شخصي معاهم الاتنين ... بقدرما هو تحليل لبعض السودنيين (الرخاص) وتحليل للشخصية السودانية المهلهلة و(المرخرخة) وتبيان خطل وغلو هذه الشخصية ودحض محاولة البعض اكسابها بعد اخر ونقلها عبر الكتب كما يفعل الوهابي عبر كتابة او صاحب البوست (الجالب) لبعض مواد الميديا من اليوتيوب ... في جلسة علمية سألني رجل من الاحباب علي دراية باحوال التعليم المنهار في بلادي فقال لي ان اشباة المثقفين في بلادنا هم اس البلاء ثم اردف ان الصراعات الاقليمية ومحاولة اقحامها من اؤلئك وجرها داخل بلادنا اقعدتنا عن التطور ... كثير من الناس (الرخاص) يتبني اطروحات غيره واخفاقاتهم ويبشر بها في هذا السودان الذي اصبح حديقة خلفية لقاذورات الفكر المتطرف والنائح ... يتسائل كثير من هؤلاء (الخفاف) عن لماذا لا يحترمنا من يرمي قاذورته الفكرية ...وهم لايدرون بنقلهم الحرفي لتلك القاذورات قد اسقط عنهم الاحترام ... الفكر الذي يتبعه من بالاموال ويسقط ماء الوجه حتما لا يلزم السودانيين الاشراف ... بعدين هم عايزين يوصلو لشنو !!!