جامعات الخرطوم ... كـــل الناس اتنيـن اتنيـن ( توجد صورة)

Quote: نقابو يا عزيزي -ياخ الاساءات دي امسحها في وش المنبر ! و يمكن ناس كتار اتعاملوا انو مشكلتك جديد - لكن صدقني لو تكتيكات المنبر غائبة عليك - لكن شخصيا ما شايف انو المشكلة موضوع انك برلوم العكس - انساك من الصورة الغلط - لكن تعليقاتك كانت -حسب شوفي -فيها ايحاءات في غاية القبح و الاساءة و مطاعنة غير نبيلة في كلامك عن المغتربين و اطفال المايقوما - عموما راجع المداخلات كلها براحة - ومنها مداخلة دالية و امين و ناس تانين و تأكد حتي لو اكتشفت اخطاءك - اعرف انو السبب ما عشان انت برلوم -عادي مكن الواحد يكون سنير و ليهو سنين و ممكن يكون عندو اقبح من البوست دا ! يا عزيزي القبح و الاساءة ما عندها علاقة بعمرك في المنبر و انما بافكارنا و طريقة تفكيرنا - و لو عندك صورة او فكرة اصلا ما فيها مشكلة - بس انت قول رأيك -انت ضد الحاجة ولة ما ضد الحاجة دا من حقك يا اخوي لكن الكلام عن الشعب السوداني و الحديث عنو عشان تبشع بشئ انت عندك فيهو رأي -دا كلام ما لذيذ و انت لحد حسع ما عرفت كمية الاساءات الوجهتها لمجموعات بتعليقاتك -لازم تعرف يا انقابي -ا كعضو في المنبر و انما كزول سوداني عادي زينا ! و عارف تعليقاتك دي بكل ما فيها من قبح اساءات لكن ما بتخصك براك ولا من اختراعك و انت ممكن تكون زول كويس -لكن دا جزء برضو من ثقافاتنا و طريقة ونستنا في التعميم و رمي الكلام بدون ما نحس مفعولو ممكن يكون كيف عند الاخرين -- فياخي انساك من بعض الشماتات الحصلت من بعض الناس -و دي حاجة طبيعية في المنبر لكن الموضوع الاهم -في نظري-انك تعرف كلامك و كتير من الحاصل في البوست هو جزء من الجزء القبيح ثقافتنا -و في جزء الناس وجهوا ليك نقد كويس و ركز معاهو ودا الجزء الكويس في ثقافتنا يعني واحد ممكن يكون ضدك لانك اسأت لناس و في نفس الوقت يسئ ليك - شفت كيف ! عموما ممكن تقرا المداخلات براحة و تعرف الحاصل لانك لسع شكلك ما عرفت مشكلتك و هامي بس للاساءات او الشماتات الاتوجهت ليك فتك بعافية يا اخوي