|
|
 Re: سؤال :- لماذا انت هنا فى المنبر العام؟ (Re: بلدى يا حبوب)
|
اولا صباح الخير
ثانيا كيف احوالك
ثالثا انا سجلت هنا بعد ما زميل عزيز قال لى ان تسجيلك ممكن يوسع نطاق شغلك الخيرى وهو الدفعنى له وسعى فعليا فيه اكتر منى
ولمن اشتركت لصراحه ما حبيت يكون سبب تواجدى الشغل الخيرى لانى حابه اتواجد بشخصى بدون ما ينظر لى زى المنتدى التانى باتجاه واحد فقط ويتم تقيم اى شى على اساسه فينى
برغم من كده برضو اعضائه ما خذلتنى لمن اقترحت تبرعات لرمضان والاضحى جزاهم الله خير
الغريبه ان بعد التسجيل صادفنى كم شخص منهم اصلا ما بعرفهم شخصيا سئلنى ان دا انا المشترك بهناك حسيت كانى بقيت مشهوره :) وان اى حرف بيكتب بيكون له صدى حتى لو صامت لدى البعض
ومره بتونس مع صحبتى وقالت لى يا زوله بختك سودانيز فيها عرسان جادين :)
المهم فى الخلاصه ان اشتراك الزول فى سودانيز بيحسسه انه بقى عضو فى البرلمان ولا مجلس الشورى غايتو ما عرفت دى ميزه ولا ابتلاء ولا هل فعلا هو بالمعنى دا ولا دى نفخه ساى
لان فى مره قال لى زول مشتركين سودانيز فاكرين الشعب السودانى كله بيقراه ودا ما حقيقى.
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست