|
Re: محمد السنى دفع الله ... شجن الحديث (Re: عبدالله الشقليني)
|
Quote: لن يتطور المسرح في ظل الأنظمة الدكتاتورية) ، نرثى للمسرح في السودان ، ونرثى لحال المسرحيين . تطور الحال في الدنيا ، وتوقفت في السودان مثلما توقف كل مهنة تُعنى بالفنون . فنحن في فضاء القتل باختلاف الرأي ، بل يرونه مدخلاً شرعياً للتضحية والشهادة !!! |
العزيز عبد الله الشقلينى تحية طيبة صحيح ما ذكرته فالمسرح يحتاج الى مناخ حر ومتنفس كامل الاهلية ليبقى معافى حتى فى ايام نظام مايو كان ثمة "متنفس ما " ونعلم ان الموسم المسرحى بدا فى العام 67 ايام رئاسة الازهرى رحمة الله عليه وشهدت تلك الفترة حين كان حينها الراحل عبد الماجد ابوحسبو افتتاح المعهد ولم يتوقف دفق المسرح الا حين اطلق نميرى تلك الفقاعة التى اسماها القوانين اللاسلامية ومنذ ذلك التاريخ فقد المسرح هيبته فى الرفد الاجتماعى والثقافى للحياة وكما نعلم ان المسرح فى السودان كان له اليد الطولى فى تغيير ملامح الحياة فليس بغائب عن الفكر وجود جماعة ابادماك وما قدمته من محو الامية وتغيير ملامح الحياة فى الريف وليس بخاف دور المسرح ومنذ اول ايامه بريادة الشيخ بابكر بدرى عليه الرحمةفى رفاعة العام 1903 وليس بخاف دور مسرح الجاليات رغم انحصارها فى جالياتها وليس بخاف دور السراج رحمة الله عليه فى تقديم الحياة الانسانية على طبق فنى غير مسبوق وليس بخاف دور الفاضل سعيد فى التحول الاجتماعى والقائمة تطول يا سيدى كل هذا تم واكثر ، بل كان للمسرح ريادته فى خلق تواصل بين الاجيال فى تلك الفترات الحيايتة وماببعيد عن العلم تلك المبادرات التى قادها المسرح من خلال اندية الخريجين ودورها فى التعليم الاهلى ورفده باقامة مسرحيات لجمع التبرعات لتلك الاغراض الانسانية بل ومساهمة المسرح فى الثلاثينات فى الابقاء على "كرة القدم " جنبا الى جنب والاغنية وذلك من خلال تنافس العبادى وابوالروس وسيد عبد العزيز فى تطوير فكرة الاندية من مجرد اندية للعب كرة القدم الى فضاء ارحب فكانت المسرحيات تنعقد اثناء لعبة كرة القدم "بين الشوطين " وهكذا كان المسرح رائدا ومعلما ومعك ادعو الى عودة الحياة الى شرايينه التى باتت تحتاج الى دم جديدوعزم لا يدانى
| |
|
|
|
|
|
|
Re: محمد السنى دفع الله ... شجن الحديث (Re: سلمى الشيخ سلامة)
|
Quote: وبعدها جات مجموعه من الناس الحلوة منهم ازهري نور الهدى بتاع الاكورديون والصوت الباص لنتشارك الغناء في مسرحيات الاطفال ودي حكاية ناتي اليها في وقتها لكن ابو الزهور كان من المسربعين والمهعد وقتها كان فيهو ( الكوفنجية ) و(المسربعون) و(والمنحلين ) السربعة وابطالها سلمى الشيخ وجعفر سعيد وناس جلوين تابعو معنا |
منتظرنك يا سنى عشان تحكى لينا عن الاعمال المسرحية الخاصة بالاطفال ومسرح العرائس وتجربتكم مع مهرنج وتجربتكم مع المدربين الرومان فى العرائس
بالمناسبة صحيح كان فى مبنى خاص بالمعهد فى شارع 61 كنا نغشاه مع استاذ ناصر ونسقى النجيل لكن لا نعرف مصيره الان ، هل تم بيعه ولا ماتت فكرته ؟ تعال ياسنى كمل الواجب بتاعك تجاهنا وكل سنة وانت طيب والعام دا اسعد من القبله
| |
|
|
|
|
|
|
Re: محمد السنى دفع الله ... شجن الحديث (Re: سلمى الشيخ سلامة)
|
موج
Quote: انا اكلتنى الغيرة بس، لكن الطيب شيقوق بكون مات عديل |
ياخ بت الشيخ دي انا بقيت اسردب ضهري ساى لشواكيشا
ياخ دي تحب اى زول في الدنيا دي حب نامن غلط
لكن بيني وبينك ود السنى يستحق كل هذا الحكي القالتو فيهو
حدثني قبل ايام صديقي ود السني ، من الدوحة ، فتنسمت في حديثه كل هذه المعاني الجميلة التي برشتا ليكم بت الشيخ في الصقيع الاسفيري دا
تسلمي يا صديقتي سلمي ويسلم استاذنا محمد السني دفع الله وكل عام والجميع بالف خير
| |
|
|
|
|
|
|
Re: محمد السنى دفع الله ... شجن الحديث (Re: الطيب شيقوق)
|
ياجماعة الكلمةالفوق دي انا صلحتها هي المن حلين من نحل اصلوا كان في طلبة في المعهد بجو طايرين زي النحل انزلوا عليك في جماعات زي النحل وديل بفطروا مجانا ويعزموا نفسهم في اي مناسبة مجانا وهم عكس الكووفنجية .. جاييكم للعرايس ومسرح الاطفال
| |
|
|
|
|
|
|
Re: محمد السنى دفع الله ... شجن الحديث (Re: محمد عبد الماجد الصايم)
|
الحبيب ود الصايم تاكد من محبتنا ناحيتك فمن يضحك ويحب الضحك والحياة فهو "معانا" وامعانا فى حبك سنقبل بك عضوا راسخا فى حزبنا الجمالى قصرنا معاك ؟ لك الحب دائما واسفة للتاخير فى الرد لانه البوست كل مااجى اكتب فيهو يحلف ما يفتح الليلة اتهونت معاى فتقبل فائق الحب
| |
|
|
|
|
|
|
|